異塵餘生香港2277: 45 侵略戰

流主他們不幸被捲入了殺人事件，不過流主機智過人，在阿寶被執行處決前，成功把真兇捉住了！
 
 
「哼．．．．．．無錯，我係政府軍派嚟嘅間諜。」駐房守衛終於招供了
 
糾察長質問：「政府軍點解派你嚟暗殺指揮官？？你地有咩嘢陰謀？」
 
「．．．宜家話比你地知都無所謂。政府軍派我嚟嘅目的就係癱瘓炮台山嘅軍力，防止你地喺嚟緊針對金鐘嘅侵略戰度作出支援！」駐房守衛說
 
麗雅聞言色變：「針對金鐘嘅侵略戰！？無可能．．．如果附近有政府軍嘅軍隊，我地無理由唔知．．．」




 
駐房守衛笑說：「哈哈．．．妳地緊係唔知啦，因為侵略嘅根本唔係我地政府軍！」
 
流主恍然大悟：「超級變種人！？」
 
駐房守衛說：「無錯，我地嘅間諜得到佢地即將會攻打金鐘嘅消息，所以先派我嚟癱瘓你地嘅部隊！」
 
糾察長焦急得大喝起來：「即將即係幾時！？」
 
守衛咧嘴奸笑說：「我所講嘅即將，即係宜家。」




 
 
得知這個消息，炮台山頓時變得兵荒馬亂。麗雅立即把超級變種人隨時會發起侵略的消息用通訊器告之金鐘，並立即召開緊急作戰會議。
 
 
麗雅手足無措說：「因為姐姐已經殉職．．．我．．．我會暫代指揮官嘅位置．．．．．．宜家超級變種人隨時都會進攻金鐘．．．大家覺得應該點做．．．？」
 
其中一個正勢力的成員說：「咁明知超級變種人會進攻，我地就緊係去支援啦！」
 
「咁．．．大家準備好裝備，我地就盡快出發．．．」麗雅有點慌張說




 
另一個正勢力的成員說：「我地調派幾多人過去增援先？如果全部人去晒，炮台山咪不攻自破？」
 
麗雅愈來愈慌亂：「咁．．．應該派幾多人去．．．？」
 
阿寶終於沉不住氣：「．．．先派三個偵察隊去觀察情況，每隊四人，最少一個狙擊手同一個重火力支援。另外再組織六個六人小隊，每隊一架悍馬軍車，喺度隨時候命。其他人通宵巡邏，有任何唔尋常嘅發現都要第一時間通知糾察長。」
 
阿寶說畢，眾人都回頭看著麗雅．．．
 
「唔．．．就照阿寶講咁安排啦．．．糾察長，麻煩你調配人手啦．．．」麗雅慌忙說
 
「．．．係。」糾察長對麗雅的指揮略感不安．．．
 
 
其他人也聽從糾察長的安排，各自為隨時展開的戰鬥做準備。待所有人都離開後，麗雅才鬆了口氣，並向阿寶道謝．．．




 
 
「好彩有你喺度．．．我根本就無能力指揮．．．無左姐姐．．．我真係唔知應該點做．．．」麗雅哭訴著
 
阿寶退後了兩步，勉強地安慰說：「唔好客氣．．．美雅嘅事，大家都覺得好傷心．．．不過，妳放心．．．．．．我會幫妳。」
 
「多謝你．．．．．．」麗雅坐在會議室的桌子前哭泣．．．
 
 
才剛失去了姊姊的她，還未有空間好好為美雅安葬和哀悼，便要面對指揮一整個軍營的責任，和承擔著炮台山所有人的生命的重擔．．．只是靜靜地獨個兒哭泣，已經是很堅強的表現了。
 
由於事態緊急，除了協助阿寶保護正勢力，流主也不希望因為金鐘被超級變種人侵略而失去任何有關於伊甸園創造器和自己記憶的情報。所以在公在私，流主也決定馬上駕車出發到金鐘。
 
 
正在駕駛的阿寶擔心地說：「希望趕得到．．．」




 
「係呢，寶寶你真係有女性恐懼症架？」坐在前座的鎖匙萱問
 
「．．．其實都係流主講起，我先意識到自己對女性嘅反應係一種病。」阿寶說
 
「又唔覺你好驚我喎。」孖根搭話
 
阿寶想了一下：「．．．可能食屍鬼誘發唔到我個病掛。」
 
鎖匙萱指著自己說：「咁我呢？？」
 
阿寶看了一眼鎖匙萱，再看著她平坦的胸部說：「．．．．．．我諗我個潛意識辨認唔到妳係女性。」
 
 
然後大家都靜了下來，阿寶若無其事地繼續駕駛．．．




 
 
「死寶寶！！！！」鎖匙萱突然雙手使勁捏著阿寶的頸項
 
「喂喂喂！！妳痴咩線呀！」阿寶被鎖匙萱拉扯得駕駛不了，車子隨即失控左搖右擺！
 
「哇！！冷靜！！！」流主立即撲上前伸手捉住鎖匙萱
 
「死寶寶！！賤寶寶！！！」鎖匙萱被流主捉住，但還是不斷揮腿踢向阿寶
 
流主驚慌失措：「孖根！幫幫手啦！」
 
「呵呵．．．」然而孖根只是輕輕冷笑了一下．．．
 
 




金鐘，位於香港島北的海岸邊，是正勢力的大本營。她被十數座高樓大廈和數十尺高的金屬圍牆包圍。而諷刺地，正勢力的主要大樓，便是「大戰」前的政府總部。
 
雖然正勢力並沒有掌握太多先進的高科技武器，但成員數以千計且遍佈香港廢土，組織的實力不容忽視，他們亦是廢土上唯一與政府軍平分秋色的組織。
 
 
「．．．今次麻煩啦，都係遲左一步．．．」阿寶下車說
 
 
流主他們把車停在一個山丘上，只見金鐘的圍牆外已經煙火四起，爆炸聲連綿不絕．．．大量超級變種人攜著重火力武器，向著圍牆推進。而正勢力也不示弱，漫天子彈飛彈和紅紅綠綠的激光電波如雨傾瀉。雙方互不相讓、拼命角力，戰鬥雖然不比戰區混亂，但規模卻絕不遜色！
 
然而，面對如此數量的超級變種人，正勢力並未佔得優勢。相反，圍牆已經嚴重受損，情況岌岌可危！
 
 
「宜家幫手，都仲未算遲嘅。」流主在車上拿出一支狙擊槍
 
「但係以我地幾個．．．可以幫到佢地幾多？」鎖匙萱憂心：「對付一個超級變種人都唔易．．．何況咁多．．．」
 
「唔係以我地幾個可以幫到幾多，係點樣以我地幾個幫到最多。」孖根說
 
阿寶拿出一柄電漿手槍說：「無人叫妳同佢地正面交鋒架嘛。」
 
流主說：「無錯，我地只要匿埋一二角偷襲，盡量擾亂拖延佢地就得啦，等炮台山嘅增援嚟到，就可以將超級變種人一舉殲滅。」
 
 
由戰場的上空俯視，超級變種人的大軍是從金鐘的南方進攻。由於南邊有不少建築物可作掩護，而且是上坡位置，所以在地利方面，超級變種人並不輸給有圍牆和哨塔的正勢力。而且，處於防守的正勢力有多少兵力可謂一目了然，反之超級變種人的兵力則不易估算。相信在炮台山的增援到達前，即使流主他們再努力，形勢也不可能逆轉。