得悉政府軍的真身原來是200年前已經滅亡了的共產黨所演變而來的殘黨,流主他們無不驚訝萬分。而且面對穿著強勁動力裝甲的大傻,他們也都陷入苦戰,流主甚至因為掩護同伴而被大傻的M72高斯步槍擊中重傷!
 
不過,流主的努力並沒有白費,雖然M72高斯步槍的威力無與倫比,但它卻始於是一柄步槍,既不能連擊,也不能同時向多個方向攻擊。孖根把握機會向大傻的頭部不停連擊,儘管她手上那一雙單發威力接近電漿步槍的天使.50並未能成功貫穿大傻的動力裝甲,但連環攻擊之下仍然能夠有效擾亂他瞄準,好讓鎖匙萱和豆有機會接近!
 
 
「你老母!」大傻勃然大怒,舉手把孖根的攻擊全數擋下,另一手用M72高斯步槍向正在急速接近的豆攻擊
 
「你就想!」然而,大傻還未及扣下扳機,便被鷹用狙擊槍把他的M72高斯步槍打掉到地上!
 
「啊!!!」豆大喝一聲,猛力向大傻揮拳




 
 
大傻整個人被豆轟飛,狠狠地飛撞向一個金屬貨櫃,把金屬貨櫃都撞得整個凹陷了!看來即使仍未喪命,也大概失去作戰能力了。
 
 
「流主!」孖根緊張地走到倒地的流主身旁
 
「我...未死得...」流主狀甚痛苦
 
只是普通人類的流主,體質根本不能與超級變種人比較,也不像食屍鬼般有著頑強的生命力。孖根稍為替他檢查一下傷勢,才發現傷口原來比想像中更大,而且失血情況也頗嚴重...




 
然而,不幸地,戰鬥仍未結束...
 
 
「你班仆街又真係幾好嘢...」大傻慢慢爬起來
 
「竟然仲起得返身!?」鷹驚訝說
 
「仲有我!」鎖匙萱突然從貨櫃上躍下
 




 
她緊握小太刀星辰,使勁向大傻猛地砍下去!他的動力裝甲頓即裂開......但卻僅此而已...
 
 
鎖匙萱愣住了:「頭先啲動力裝甲MR都斬得開架...」
 
大傻狠狠向鎖匙萱揮拳,一擊把她轟飛遠處,她隨即昏倒過去...大傻續說:「我依套動力裝甲又點同班卒仔個啲!」
 
豆看著鎖匙萱受傷,頓時火冒三丈:「唔準傷害佢呀!!!」
 
 
豆再次撲上前,向大傻轟出撞針刺拳!可是,他的致命絕技卻輕易被大傻避開了!大傻把握豆因為攻擊落空而露出的破綻,猛力向豆腹部的傷口一拳轟過去,整個拳頭深深打進了豆的體內!!!
 
 
「呀!!!!」隨著大傻把拳頭拔出,豆痛得大呼了一下,便乏力跪在地上




 
「你阿媽!」鷹不顧一切,不停向大傻開火,但攻擊並不怎麼見效
 
大傻高舉拳頭大喝:「我就殺你依個超級變種人先!!」
 
 
就在豆即將命喪大傻半下之際,工場的照明突然都被關上了!四周頓時變得漆黑一片!!
 
 
「快啲救走豆啦!!」阿寶的聲音從黑暗中傳出
 
鷹卻無奈回應:「黑到咁,我睇撚到咩!你又唔早啲講!!」
 
「哈哈哈!成班廢柴戇鳩鳩,你地以為熄燈我就奈你地唔何?」大傻說著,便開啟動力裝甲的夜視功能
 




 
然而,就在大傻自鳴得意的時候,四眼拋出了一個閃光彈!大傻防不勝防,動力裝甲的感光器頓時被閃光彈的強光破壞,短時間內完全不能運作!!
 
 
「大撚獲!中伏!」大傻立即把頭盔脫下
 
 
脫下頭盔後,他才發現工場的照明已經恢復了,而且阿寶、孖根、鷹和重傷的四眼都已經站在他面前,並用槍指著他...
 
 
「原來你都唔係勁你啲手下好多啫。」鷹說
 
「無左動力裝甲,你咩都唔係。」孖根說
 
大傻說:「...你地幾個打我一個,算咩英雄?」




 
四眼說:「對住你依啲人渣...唔使講咩英唔英雄...」
 
「嘿嘿嘿...」然而,大傻卻咧嘴奸笑說:「你地都知道我地MR係咩人,我地嘅手段,你地應該好清楚。」
 
鷹瞪著大傻問:「你又想搞咩花樣?」
 
大傻笑說:「咩妳地以為真係可以咁易搞得掂我呀?妳地睇下妳地後面先啦!!」
 
她們四人大感不妙,立即回頭!...卻發現甚麼都沒有......
 
「死白痴!!」原來這才是大傻的詭計,後面根本甚麼都沒有發生!
 
 
大傻乘虛向阿寶和開槍最快的孖根揮拳,一擊便把他們轟飛遠處!四眼和鷹才剛轉身回來便已經被從新載上了頭盔的大傻抓著頸項高舉起來!!




 
 
「你地真係蠢到呢...」大傻嘆道
 
「放手呀...」鷹痛苦地掙扎著
 
「妳都痴撚線。」大傻笑說
 
這時,四眼突然說:「...果然...你根本唔了解...動力裝甲...」
 
大傻問:「你講緊咩?」
 
「嘿...我真係無估錯...」四眼笑說
 
大傻追問:「我問你講緊咩。」
 
四眼說:「你唔覺得...呼吸愈嚟愈困難嘅咩...?」
 
「...唔好故弄玄虛,你依啲低級嘅口術對我無用。」大傻說
 
四眼說:「你自己...抖唔抖到氣...你唔知嘅咩?」
 
大傻開始有點懷疑...
 
四眼續說:「你估你對動力裝甲熟啲...定係我依個...政府軍...對動力裝甲熟啲...?」
 
大傻開始慌張起來,而且呼吸確實好像愈來愈困難...
 
四眼自信地瞪著大傻說:「你以為...頭先熄晒燈...我真係就咁企喺度...等你除頭盔呀...?」
 
大傻用力捏著四眼的頸項:「你究竟做左啲咩手腳!你唔講我就即刻捏撚斷你條頸!」
 
四眼雖感痛苦,但仍然苦笑著:「...你咪捏死我...然後...焗死喺件動力裝甲入面...」
 
大傻大喝:「快啲講呀!你老母!」
 
四眼乘勝追擊:「...你試下...叫件動力裝甲轉換...緊急呼吸系統......咁你...就知我做左咩手腳...」
 
大傻沒有說話,但呼吸卻愈來愈急促,也真的愈來愈困難...
 
四眼再下一城:「定係你...連緊急呼吸系統係咩嚟...都唔知呀?」
 
大傻確實不知道甚麼是緊急呼吸系統...
 
四眼無奈說:「...你果然...只係殘黨嘅一隻棋...我好心話你知...緊急呼吸系統係一個安全裝置...當正常呼吸系統出左問題...佢就會啟動...」
 
大傻懷疑說:「哼...你嚇我唔到嘅...如果你真係對動力裝甲嘅呼吸系統做左手腳...你仲會話我知有緊急呼吸系統?」
 
「嘿嘿...」四眼笑著,然後用一個既自信又凶狠的眼神瞪著大傻:「因為...我唔只破壞左呼吸系統...我仲停止左動力裝甲嘅緊急呼吸系統...唔信你自己叫件裝甲啟動緊急呼吸裝置,睇下佢理唔理你!」
 
「動力裝甲!啟動緊急呼吸裝置!!」大傻馬上下令,但是動力裝甲真的沒有回應!
 
四眼說:「係咪無反應呢...?唔怕話你知...我仲停止埋你個解除頭盔嘅口語指令...唔信你又試下...叫佢解除頭盔!」
 
大傻慌忙下令:「動力裝甲!解除頭盔!!」但是動力裝甲依然沒有回應!
 
四眼咧嘴奸笑說:「等死啦你。」
 
「妖!!!!」大傻嚇得猛然把四眼和鷹摔在地上,然後強行把頭盔脫下,續喘著氣說:「哈哈哈!!睇嚟你唔記得左個頭盔可以手動除落嚟喎!!」
 
四眼笑說:「我緊係記得...因為動力裝甲根本就無口語指令,亦無咩緊急呼吸系統...全部嘢都只不過係我作出嚟。」
 
「吓??」大傻呆了一呆
 
 
就在大傻愣怔住了的一剎那,一顆2mm子彈以接近光速的速度瞬間貫穿了他的頭顱,子彈的衝力更大得在他的臉上打出了一個數厘米的彈孔!他緩緩跪在地上,在失去意識的最後一秒,無奈悔恨地看著用M72高斯步槍了結他的流主...
 
與MR的戰鬥終於在此完結...流主也因為大量失血,再次昏倒了...