答應去招攬各勢力的流主他們,第一個目的地便是Bitch Kingdom。可是,他們卻發現這裡的BK都變得沒精打采...
 
然後,他們來到女皇的皇座前,發現原來她早已坐在那裡等候。
 
 
「流主,歡迎你返嚟。」女皇依舊氣勢高傲,不過卻比先前消瘦了一點
 
「女皇。」流主點頭說:「今次我地嚟,係希望...」
 
「唔好講咁多住,我有件事要你做。」女皇打斷了流主的話




 
「呃...」流主略感無奈:「...係咩事呢?」
 
「你跟我嚟,我同你單獨傾下。」女皇說
 
 
流主頓有一股不祥預感...才剛見面,難道女皇又......不過,流主確實感到此刻的Bitch Kingdom是有一種難以言喻的奇怪感覺,看來真的是有甚麼事情發生了...
 
 
流主回頭對其他人說:「咁你地返去架車度等我啦。」




 
孖根說:「小心啲。」
 
 
於是,流主既有點害怕,卻心底裡又有點期待地在守衛的陪同下,跟著女皇走。然後事與「願」違地來到一個放滿了機械零件和電子零件的倉庫,更發現這裡存放了十數台看來已經不能運作的守衛機械人。
 
 
流主略帶失望地鬆口氣問:「依啲機械人...?」
 
「妳地喺出面等我得啦。」女皇著她的護衛離開




 
流主看著護衛離開,問道:「到底係咩事?」
 
「唉......」這時,女皇突然一聲嗟嘆,心高氣傲的她臉上頓現一個憂心若醉的黯然表情...
 
流主對女皇的反應大感驚訝,看來事情非比尋常!
 
女皇走到暗淡無光、狀甚唏噓、坐在地上的守衛機械人前,輕撫著它們那像電燈泡的臉龐。幽幽說道:「本來一切都好美滿...我地喺佢地身上得到我地應得嘅慰藉...」
 
「咁...有咩問題?」流主不惑
 
女皇眼神憂鬱:「但係日子耐左,我地漸漸發現有一種愈來愈強烈,但係又形容唔到嘅鬱悶同空虛感...」
 
流主眉頭深鎖,思考著事情的來龍去脈...
 




女皇續說:「愈係覺得鬱悶空虛,我地嘅性需要就愈得唔到滿足...愈唔滿足,我地用守衛機械人嘅次數就愈多...愈密......最後,所有嘅守衛機械人都壞晒...」
 
「壞晒!!??」流主驚訝得嘴巴也合攏不來:「講緊...機械人喎!!妳地......咁大咬??」
 
女皇無奈說:「宜家啲機械人壞晒...大家啲士氣都好低落...性需要又得唔到滿足...我都只係喺大家面前死撐......如果連我都頂唔住...Bitch Kingdom就玩完...」
 
「女皇...」看到女皇的模樣,流主不禁心底裡憐憫著:「我試下諗下辦法啦...」
 
 
女皇沒有說話,但表情和眼神裡卻不禁流露出一股可能連女皇自己都沒有意識到,希望得到救贖的哀怨......而這些,流主都看在眼底裡。
 
 
「事情就係咁啦。」流主回到車上,把事情告訴其他人
 
鎖匙萱一臉沒趣地說:「所以主主根本無同女皇做過啲咩?」




 
「依一層......」流主吞了吞口水,續說:「...總之我想孖根同阿寶幫手檢查下啲機械人。」
 
「無問題。」孖根爽快答應
 
「無可能。」阿寶爽快拒絕
 
眾人又再靜了下來...
 
鎖匙萱率先說話:「佢地唔會再搞你架啦...你使唔使咁驚驚呀...」
 
阿寶認真說:「佢地當初點樣虐待我妳地知唔知??點講我都無理由要幫佢地!」
 
「...係嘅咩?」豆摸著頭說
 




「緊係啦!」阿寶不耐煩說
 
流主為難地說:「你唔幫佢地,佢地又無能力幫正勢力啫...」
 
孖根說:「唉,算啦,唔幫就由佢啦。到時正勢力打輸,殘黨統治香港...」
 
「頂!!」阿寶無可奈何:「妳地真係好鬼黑人憎架!!」
 
 
於是,阿寶迫於無奈跟著流主他們在Bitch Kingdom替所有守衛機械人續一作詳細檢查。他們發現這些機械人全部都沒有好好保養,零件也都因為過度勞動而損壞,更有不少電子線路板被高熱燻得焦黑...看來已經無法再作修補...
 
 
阿寶不耐煩說:「程式方面無問題,但係好多底板都燒晒。」
 
孖根有點難以置信說:「...幾乎所有零件都要換,特別係最關鍵嘅摩打、活塞同轉動部份嘅零件。」




 
「我地邊度有咁多多零件...」鎖匙萱眉頭緊皺
 
「...好耐無見。」這時,兩個載著面具,衣著一色一樣的BK走過來
 
阿寶立即躲到豆的背後:「安祖蓮...安祖娜...」
 
安祖蓮脫下面具問:「情況點呀?修唔修理得到?」
 
孖根說:「唔得,我地無咁多零件,而且我嘅技術始終有限,睇嚟幫唔到妳地。」
 
安祖娜也脫下面具說:「唉...我地Bitch Kingdom又無工程師...」
 
流主想了一想說:「...九龍灣咪有囉,又唔係遠,我地可以過去搵幫手呀。」
 
安祖蓮搖頭說:「嗰個幾乎得男人嘅九龍灣?女皇一定唔肯,我地Bitch Kingdom從來都唔會搵男人幫手...流主你係一個好特殊嘅例子。」
 
鎖匙萱有點意外:「使唔使咁極端呀...」
 
「或者我試下去說服女皇啦。」流主說
 
安祖娜說:「你可以試下嘅,雖然我地都好憎男人,但係如果可以令到女皇振作返嘅...我地都唔介意比個機會班男人協助我地。」
 
流主略感意外:「原來妳地都睇得出佢唔開心...」
 
安祖蓮嘆道:「唉...我地係佢嘅近身護衛,又點會睇唔出?佢依排講嘢連一隻錯別字都無...就知有幾嚴重...」
 
「咁...都真係幾嚴重...」躲在豆身後的阿寶也大感驚訝
 
「...係嘅咩?」豆摸著頭說
 
安祖娜說:「緊係啦,可能其他人未必注意到,其實女皇佢自己都同我地一樣失落,但係仲要喺我地面前迫自己硬淨...我地兩姊妹見到都覺得好心痛...」
 
 
如此這般,流主隻身來到女皇的睡房拜見女皇,向她報告檢查的結果和他的提案。然而...
 
 
「無可能。」女皇爽快拒絕
 
「做咩今日個個都咁鬼決斷架...」流主無奈說:「但係唔搵佢地幫手,我地真係無能力修理好啲機械人...」
 
「總之無可能,我地Bitch Kingdom絕對唔會向男人低頭!」女皇態度堅決
 
流主解釋說:「唔係話要低頭...只係請佢地維修返啲機械人啫...」
 
女皇有點激動:「仲要我Bitch Kingdom請佢地嚟!?」
 
「妳冷靜啲先...」流主苦著臉安撫女皇的情緒
 
「男人都係信唔過,點知佢地會唔會喺我啲機械人度做手腳!」女皇不屑說
 
「咁我都係男人啫...妳咪又係搵我幫手...」流主無奈說
 
「我...我先無搵你幫手!我係比機會你服務我地!!」女皇惱羞成怒
 
「妳...我明妳地都受過一啲唔公平甚至係被欺凌嘅對待,就好似鄉土啲食屍鬼咁,都係迫於無奈先自成一國。但係唔係個個人類都對食屍鬼唔好架嘛,就等於唔係個個男人都係衰架嘛。」流主平心靜氣解釋
 
「你唔係女人你緊係講得容易!我地受過嘅苦,你地男人會明咩??」女皇愈來愈激動
 
流主深呼吸了一口氣,盡量控制著自己也愈來愈激動的情緒......