錯的感覺對的人: Vol.1
張俊朗，洋名Bryan，21歲，MIS year 2 生。古語有云，唔怕生壞命，至怕改錯名，佢父母幫佢改個咁既名，都係怕個仔唔靚仔。
好彩佢老豆老母無整蠱佢，生得佢靚靚仔仔，英俊瀟灑，人如其名，俊朗。
高大，靚仔，把口”朗”過油，細心，溫柔，你數得出既優點佢都會有，簡直係唔係人。不過佢真係唔係人，係魔鬼，無數侶伴既佢，基本上無乜女仔逃得出佢既魔掌。
佢有個綽號，唔係溝女王，亦唔係界女王，因為太 in 啦。佢個朵，非常out ，叫做"墳場故爺仔"，喻意為"溝死女"，係"精裝追兔仔"年代至hit既術語，無計啦，因為好耐之前，亞張生溝女已經天下無敵。
正確d講，係lum 女無敵，因為女仔對於佢0黎講，係唔洗溝0既。
話說今日，佢趕住返學，超級行路唔帶眼。係條長長既樓梯之上，突然，迎面而來一個女仔，個樣就……世俗眼光接唔接受到就見仁見智啦……但講嚇人個女仔真係有返咁上下。
但話到明行路唔帶眼，Bryan鬼睇到佢咩，一0野撞埋去，仲要撞到個女仔轉0左幾個圈咁碌落樓梯。
亞張生為保形象，拿拿林扶返起個女仔，幫個女仔執返起地上既0野，跟手用誠懇既眼神，加上溫柔既語氣著對個女仔講："你無事嘛？？？唔好意思呀~~~趕住返學……"
比佢撞到個女仔，係咁點頭話無事，但好明顯係講大話啦，碌0左幾個圈之後，本身既豬頭腫到變火車頭咁款，點會無事？如果佢真係覺得無事，咁佢神經線一定有事啦。
聽返人講……該名出事既女事主接連兩三日上堂都係到發緊夢，0個片仲係腫到好似孖潤腸既”豬”唇，不斷係咁講”可唔可以x多次街呀”或者 “x多幾街就好啦~~”
同學們見佢咁想xx，都無能為力，唯有繼續比佢發佢既春夢。
張生就係咁監生電暈0左個女仔，擺脫罪名。
下午。
Bryan係學校內人做草足球場踢波。
佢係左路偷到個波，用其純熟，瀟灑，秀麗既腳法，擺脫後面d呢世都無機會追到佢既廢柴，然後係左面大禁區K角位用右腳射向龍門右上角。
滿分。
係上面圍觀既女仔議論紛紛，內容包括"Brayn 好型呀"，"Bryan 加油"，"快 d 開波啦，唔係睇你d廢柴執波呀！"
隊友們都無晒癮，死死地氣對住Bryan講："你就好啦，Bryan~咁多女仔鍾意……依~~你睇~~冷若冰經過喎……佢望住你呀……Bryan。"
呢位被人稱為冷若冰既女生，0岩0岩係 Canteen 斯斯然咁走出0黎，經過球場上面。
張俊朗閃電般同呢位冷若冰作個眼神接觸。四目交投，一股唔應該出現既火花，眼神係佢地身上出現。
點樣唔應該法？
佢地依家對望既眼光，就好似古惑仔臨開拖之前互啤咁，你話係唔係唔應該啦？？
再介紹下呢位冷若冰。
鄭詩雅，亞雅。
20歲，社工 糸 year 2 生。
校內無人不識既靚女，學校既人無乜佢既資料，只知道佢喜歡做獨行俠。
係學校有兩個綽號，女仔叫佢”小龍女”，因為佢就好似亞姑姑咁靚咁冷傲。
男仔就叫"冷若冰"，點解？從以下事件可以解釋。
大約幾分鐘前。
係 Canteen，做開獨行俠既亞雅，一個人食飯。有一大班男仔係側邊，目的好明顯，想結識呢位冷若冰。
男仔甲："你真係去"刨冰"？你小心喎~~睇住刨爛隻手"
"刨冰"點解？大家估下啦。
男仔乙："唔去點知得唔得？"
男仔見到靚女通常都膽粗粗，但又有無諗到後果？當然，除0左呢班男仔，仲有好多人係 Canteen，佢地都係等睇戲。仲要係重播百幾次都唔厭既精彩好戲。
男仔乙走到亞雅面前，扮晒型咁講："你知唔知，一入carteen見到你，已經覺得你好特別呀。我一早想識你好耐。你一個人~~不如一齊食飯？"
亞雅不負冷若冰既美譽，並無任何反應。
男仔乙都知失敗0架啦，但都仲未死心，居然夠膽再問："唔可以一齊食飯，咁可唔可以比個電話我？"
亞雅終於有返應啦，佢拎起自己個電話，拎0左張 SIM 咭出黎，跟手比0左部電話個男仔，跟住，起身走。
男仔乙拎住個電話，追住亞雅叫道："唔係呀~~我想問你拎電話 number 咋~"
亞雅接過電話，終於開口："咁你唔講清楚？"
男仔乙啞0左陣，但之後都提起最後小小既勇氣說："咁可唔可以？"
亞雅再開口："我最唔鍾意男仔隨便話人特別，係你搞清楚我有幾特別同點樣特別之前，我係唔會比電話你。"跟住，繼續走出門口。
全場鴉雀無聲，個男仔目無表情，今次唔只手，塊面都刨爛埋。
亞雅，串到爆。相信之後都有一段時間無人敢再問亞雅拎電話。
再講返幾分鐘之後，人做草場，係四目交投之後，亞雅又走0左去，Bryan 繼續踢波。
一個鐘後，Bryan 同亞雅係 7記便利店相遇。
好多人都圍觀，呢一對俊男美女，係幾好睇。
好多男仔覺得，只有 Bryan先有機會追到亞雅。
好多女仔覺得，只有 亞雅先吸引到 Bryan。
好多人都認為佢地已經拍緊拖。
好多人時不時見到佢地坐同一班巴士返學，或者放學。
但只不過係好多人覺得。
食住冰條既亞雅，一見到Brayn，兩眼充滿怒火，即係用盡全力咬斷佢口中條0野，嘭一聲，一分為二。
Bryan都不惶多讓，將佢手上既菠蘿包揸到不似包形…………兩位都好殘忍呀。
佢地既表現只係似有十怨九仇，似鍾意打對方一鑊多過鍾意對方。
當晚8時，地點 Bryan 家。
而亞雅居然出現係 Bryan 間房？
Bryan 屋企仲有兩個人，張太同鄭太，佢地坐係廳，睇緊城中最八掛既八掛雜誌， FXXK 周刊。
張太："喂喂~~~睇下，亞"借人工"炒車呀~~~"
鄭太："係~~~呀~~~FXXK 周講， 架”波子"炒到變0左個"足球"喎~~"
呢兩名女士，好明顯同邏輯呢兩隻字扯唔上任何關係………試問炒車之後，架車點會由細變大？
差唔多時間，Bryan 返到屋企，眼見亞雅係佢房。
Bryan 眼見亞雅係佢房，扯晒火："死八婆！你做乜係我間房0架？ "
亞雅眼到 Bryan 咁慶，心都涼埋："睇下有乜新戲新演唱睇之嘛~~~"
張太說："人齊啦~~開飯啦~"
鄭太又說： "食完飯先再鬧過交啦你地~~"
唔好買關子啦，就解釋下佢地既關係先啦。
Bryan 同 亞雅，相識0左廿一年。無錯，係廿一年。
<待續>
故事全屬虛構~
如有雷同~實屬巧合~