廿一年前既一個晚上,張太同鄭太土拎住一盒避孕套一齊大叫:"點解會係過期0架?"

鄭生扭住耳仔:"係我衰,0個晚心急,貪方便,衝落樓下士多買……"

張生同時扭住耳仔:” 係我衰,0個晚心急,貪方便,偷0左佢d袋用…”

就係咁,未懂性開始,Bryan同亞雅已經知有對方既存在,讀埋同一間幼稚園,小學,中學,甚至大學都係。

張生同張太係經鄭生同鄭太介紹之下認識,而張生鄭生本為兄弟(當然唔係親0個隻),鄭太張太都係姐妹(一樣)。



而佢地,只係住係隔離,所以基本上都係一齊開飯,同時做警察既丈夫們,正常時間都唔係屋企,又所以,好多時都係張太鄭太,Bryan 亞雅一齊開飯。

再所以Bryan 同亞雅,有如兄妹一樣。

亞雅差唔多知道 Bryan 由出世到依家既事,包括4歲仲賴屎。

Bryan都差唔多知9成9,女仔始終係女仔,係知唔晒0既。

飯桌上。



亞雅同Bryan 之間既鬥氣直線上升。

見唔對路,張太嘗試出口。

張太:”亞雅呀~~~衰仔做乜激到你咁興?”

搵到位,亞雅即刻連珠炮發:”你個仔 law ,買0左新碟又唔收收埋埋,又唔借比人~~~”

Bryan唔還拖就假,即刻串返佢:”哈~~我實會借比人0架喎~~~不過幾時當過你係人先?”



亞雅:”係啦~~~我唔係人啦,咁你都唔係人,小器鬼,一早見到人嬲爆爆咁~~~”

唔講由自可,一講就把幾火,Bryan即刻還口:”我小器?如果唔係尋晚同你大炒,今朝屈我執屋,我就唔洗遲到,咁就唔會撞到個女仔,爭d打破左我完美形象!!!!咁大件事你同我講小器???”

講一講當時既情況先,當亞張太見開聲仲衰既時間,索性唔理對一對女仔,同鄭太繼續食飯睇FXXK 周,繼續八掛。

Bryan 條氣仲未順,完全唔比亞雅落台,繼續串: "睇下你 ~比人串又唔識還拖,學人扮 cool其實就傻更更,"冷若冰"0丫?????!!!!"Hi冰"(指吸食毒品)就有你份。 "

亞雅:”乜呀???其他人叫我小龍女0架,美麗冷傲”

完全處於下風既亞雅,已經中晒 Bryan 既圈套,Bryan 一個冷笑:”小龍女???你何止小聾呀???d人叫你完全唔識應,大聾都有你份啦!!”

啞晒………亞雅鬥咀唔夠0黎,唯有動粗。

佢用筷子,夾起片牛肉,反手一擲,直飛 Bryan 臉上。



Bryan 留意著亞雅的右手,跟住側一側身,牛肉就咁飛進口中: "舊招,無新意"繼續食飯。

以上既動作久經訓練,小朋友唔好學,Bryan 呢身功夫都係近呢一兩個月先練成。

兩位太太終於有反應,開口啦。

張太: "亞雅用筷子叻0左喎~"

鄭太: "唔~亞朗反應都有新進境~"

之後兩人,談論"人工"應該同"髮絲"定"狂基"邊個一齊好d。

兩位太太都習以為常,由小時候亞雅用手擲雞翼Bryan 用手擋,兩位太太加以阻止,到今日佢地一個用筷子擲,一個用口接,都見慣晒啦。
飯後。



今日輪到Bryan洗碗,佢一路好擔心亞雅發現佢收得好埋既新碟,J 既碟。洗完碗,Bryan 見到亞雅"陰姿姿"行出佢自己房,想出門口返屋企。
勢色唔對Brayn 即刻喝止: "鄭詩雅,企係到! "

亞雅: "點呀??? "

Bryan : "我要搜身! "

亞雅: "唔好咁麻煩啦~~我除衫比你睇~~"

唔洗兩下,亞雅除剩胸圍同底褲,手法非常之快,相信佢都除過唔少次。

鄭太張太坐在梳化,同時:"哇~~~~"張太: "乜亞雅今次著咁多呀??"

鄭太譗嗲:"唏,亞雅話晒女仔,要有 d矝持~~~~last 兩件緊係要等俊仔(Bryan)除啦咁先有禮貌0架嘛~~~ "



張太:”乜你咁教佢???”

鄭太:”又無喎~~不過優良血統~亞邊個肚原來有7個月大0架啦?? "

張太:”唔似喎,初頭以為佢生股漲添!”

兩位太太,當本 FXXK 周刊,係天書。

Bryan: "算你醒目,無拎走我隻新 CD ,亞媽係到咋~唔係"通埋櫃"先比你走~~"

亞雅著返衫,一路講: "大佬呀!!隻 CD 點放係 屎眼呀??你教我啦! "

Bryan: "哇~~你咁既說話都講得出既??你係咪女仔0黎0架??仲有~~係學校唔好話識我~~阻住我"搵食"~~~"跟手唔埋亞雅,返入房。
亞雅用腳怒鋤佢門口:"好叻咩??唔識咪唔識 law ~哼!!~~ "亞雅走埋。



佢地三日一細炒,一星期一大炒。今次好彩,開細。

大炒,張太鄭太都會受影響,要搬過隔離屋,先可以繼續睇 FXXK 周刊。

兩人散後。

張太:"佢地咁樣,會唔會搞出人命0架??"

鄭太:"唔知。。。。。。。。。我地今晚最好都係收埋晒 d刀呀,攻擊性武器先。”

張太:"唔~~仲要擺d避孕套係屋企,要當眼位。佢地見到先有用。"

鄭太:"唔洗驚~~你留意唔到咩??亞雅除衫0個時,亞朗無反應0架~~~"

張太:"係咩???"

鄭太:"係呀~~不過亞朗話要玩通櫃喎~~避孕套無用喎~"

張太:"有無同老公試過0者???好痛0架喎~~死啦~~亞雅都等如我半個女0架,咁痛,我都唔想喎~"

鄭太:"咁買定d俄羅立英藥用雪花膏係屋企,有藥用喎,傷0左都唔驚,不過都係要放當眼位先得喎。"

張太:"咁多功能??會唔會好貴0架??"

鄭太:"聽日"發拉蕉粒市場"特價喎~~去睇下都好~~"

張太:"好呀~~~好耐無去過啦~~~"

接著,繼續睇佢地既天書。

呢兩位太太,究竟有無資格做人母親???

或者有咁既母親,香港既兒童先越0黎越難教。
 
<待續>
故事全屬虛構~
如有雷同~實屬巧合~