唔經唔覺,Christmas Party 已經有人進場。

女仔甲:”聽講話今晚除0左有Bryan之外,今晚仲有隔離校三大靚仔喎!”

女仔乙:”哎呀,死啦,如果范志睇中0左我點算?雖然我鐘意 Jim多d 。”

女仔丙:”你發緊夢呀?係都我先啦!不過我就鐘意Tommy 多d啦。”

女仔丁:”咁Bryan?你地都貪新忘舊!”



女仔甲乙丙:”Bryan都同小龍女一齊啦!”

女仔丁:”乜一齊0左啦咩?”

女仔甲:”今朝又有人見到小龍女同Bryan 一齊坐巴士,唔知係唔係係 Bryan屋企過夜喎…”

哇…一班人做謠既威力果然非同凡響。

就係呢個時候,亞雅步入場中,所有男仔加女仔都啞晒…



男仔甲:”呢條白色既連身碎花長裙,好容易撕爛0架咋喎!”

男仔乙:”唔知倒瀉杯0野係佢身上會點呢?”

哇…d人賤格到呀…

呢個時候,司儀開咪:”大家好,多謝大家0黎到今次個 Christmas Party。我地已經為大家準備0左飲品0野食,快歌慢歌一大堆,希望大家玩得開心 d啦!”

阿浩:”哇,比0左兩舊水一個人,就係咁0架啦?遊戲都無個?”行”唔”行”d既大佬?”



Party 負責人:”哇,提供0左個地方黑黑地,有少少浪漫feel又有暗角想做乜都得,唔值呀???”

阿浩:”哇,兇返人轉頭都有0既?”

Party 負責人:” 痾屎唔出賴地硬,你呢d溝唔到女既可憐蟲,死開啦。”

實在,係d無聊人質問既負責人既時候,Bryan,Tommy同Jim已經比好多女圍住……靚仔係咁過份。

亞雅呢?都有唔少男仔行埋佢身邊,但都係無功而還,一d反應都無既佢,都唔知佢係”冷若冰”,定真係”小聾女”啦。

其實亞雅唔係唔比反應,只不過係留意緊第二 d 野~~諗到出晒神。

佢見到場中一女仔不受三大俊男影響,默默咁坐係一邊等,其他男仔邀請佢,佢都拒絕。

終於,有個男仔戰戰兢兢咁走上前,個女仔怕羞咁比隻手佢。



就係咁,兩人好甜蜜咁拖著手跳舞,一直換歌,一直無換partner。

唔知幾佢地已經係唔係成為0左情侶呢?好浪漫呀~~幾時先有機會咁樣??

亞雅再留意 Bryan,Bryan 對著舞伴……很溫柔,而且有說有笑,對方跳得踩到Bryan失平衡,Bryan唔止唔會笑佢,仲要會輕輕既捉住對方既手,帶對方回到舞步中。

如果換著自己係Bryan既舞步,Bryan加多腳搞到自己仆低之後再笑餐飽就乜都得!

點解係屋企見到既 Bryan ,係可以同自己大炒既大細路,係 Party見到既 Bryan,可以如此完美?

係唔係Bryan 特別唔鍾意自己?見住 Bryan既舞伴一個換一個,亞雅既羡慕,又妒嫉,且憤怒。既然都一個換一個,請亞妹跳一次都可以嘛!話晒都共處0左咁多年啦。

呢個時候,Bryan 瞄一瞄亞雅,充滿嘲笑眼神就好似係到講:”無仔溝呀?”



亞雅即係火都扯埋,即係走向全場另一個靚仔,Tommy面前:”可唔可以同我跳隻舞?”

Tommy好溫柔咁答:”樂意致極。”所有女仔啤住亞雅,家陣恃靚行兇呀?

亞雅都唔理得咁多,即刻拉住Tommy出舞池,向Bryan還以一個報復既眼神。估唔到Bryan笑一笑,無再理自己,真係火都0黎埋,亞雅台住條氣,轉返過Tommy既一邊,繼續跳。

一路跳,Tommy都無出聲,剩係微笑,亞雅終於忍唔住問:”笑咩呢?”

Tommy:”我笑,係因為傳聞中既冷若冰真係咁靚,傳聞中既冷若冰原來都會動氣,同笑我已經無機會啦,因為冷若冰真係Bryan既戀人。”
“我同佢其實無關係…”

“我唔相信一個無關係既人會令冷若冰動氣。”

唔知點解,Tommy溫柔可親既態度實在令人好難拒絕:“Bryan其實只係我……識0左十幾年既好朋友。”



“啊,原來係歡喜冤家。”

“唔好意思,我同佢識0左十幾年,一直都無歡喜既感覺喎。”

“世事無絕對呢,我相信相識十多年,應該好有緣份0掛?只不過你用0左一份唔0岩既態度對住佢。”

呢個時候,音樂播完,Tommy好有禮貌既鬆開亞雅:”雖然好高興可以同你跳舞,但我要同下個女仔跳啦,祝你早日搵到”對的感覺”。 ”

對的感覺?亞雅唔係好明Tommy講d乜,不過亞雅已經無乜心情再玩落去,就離場走。

呢一刻~亞雅覺得,無0左 Bryan係身邊……自己既生活突然失去方向。就算平時放學唔一齊坐車,亞雅都想早些回家見 Bryan,同佢鬧交。但知道 Bryan 今晚唔會早返屋企,佢都唔想咁早返去…

係尖東行了幾轉,終於去0左間酒吧。

叫0左杯不含酒精飲品,亞雅係酒吧四行……去到一個很吸引的地方。佢見到一張張即影即有釘在水松版上面,而且都寫滿溫馨既字句。



其中一張即影即有,特別吸引亞雅……

女既寫:”亞鋒,此心對你不變。”

男既寫:”亞穎,妳變心只有一個可能,就係他日妳個心有事,我將我個心捐比妳~~”

如果平時有人同亞雅講如此老套嘔死既說話,一定比佢串爆,例如”你個心0岩用都要睇下我想唔想用”咁~

但此刻,亞雅感覺非常浪漫,好想有人講比佢聽,邊個都好。

另一邊。。。。。。。。。

女舞伴對住Bryan:”同我跳多隻好唔好?”

Bryan本來諗住同亞雅示威,點知搵極都唔見人,突然有d擔心,係唔係串得佢勁得濟,睇唔開自殺?

Bryan:”唔好意思,我想行開陣。”跟手,Bryan 已經打電話比亞雅。

Bryan:” 你係邊呀?返0左屋企未呀?”

亞雅:” 未呀~~~依家仲係尖東,係一間酒吧…”

Bryan:”哇!酒吧?你去0架咩?叫乜名呀?”亞雅唔知真係無人要到求其搵件咁求其呀?

亞雅:”我唔知呀,剩係知有個位有好多情侶既即影即有,仲寫晒字。”

Bryan:”得,ok我過黎搵你,唔好做傻事呀。”

憑小小線索都知道邊間 Bar ? Bryan都蒲得幾精下喎。

唔洗一陣,Bryan已經見到亞雅。

Bryan:”咁夜仲唔返屋企?鄭生鄭太擔心呀!”

亞雅:”今日唔想咁早返嘛~~~唔開心。”係啦,本來諗住識返個,點知又係食白果。

Bryan:”點解呀?今日你已經搶晒風頭0架啦喎,唔洗排隊就同Tommy跳舞。你估你小龍女好武功就有用0架啦?你咁樣打尖法,返學睇住比人圍抽呀!”

唔知點解,Bryan係好緊張亞雅,但更唔知點解,一見到佢就搏命咁串佢,真係唔知點解。

呢個時候,酒吧播起慢歌。

Bryan伸出右手:”賞唔賞面同我跳隻舞?”

亞雅:”做乜…”

Bryan:”今日聖誕節嘛,普天同慶。”

亞雅伸出右手:”係我比個機會你學做男仔咋!”

Bryan 尷尷尬尬咁拉起亞雅隻手,走到一處較空既地方,充滿默契,慢舞起來。

亞雅終於feel 到 Party 中對不受影響既男女0個種浪漫,佢突然問Bryan:”記唔記得呢條裙…”

Bryan:”記得,上年生日我買比你0架嘛,你一直唔著,我以為你唔記得添。”

亞雅:”點解上年你無啦啦送條裙比我0既?”唔知Bryan其實係唔係一直對自己有d意思,但又唔敢認,借物傳情呢?

Bryan:”貪佢易爛嘛,等你唔好咁大動作,特別係”0趙”我既時候。”

 

………………………………………….乜feel都無晒。

 
<待續>
故事全屬虛構~
如有雷同~實屬巧合~