2012末日傳奇: 序章(猝死): 挺身而出

愉景灣，一個避世的好地方，鮑文方亦深明此道，在此與五位紅粉知己隱居山上別墅之中， 本意再不問世事，怡然自得，不過自從猝死事件發生後，他內心湧現一份莫名的不安， 甚至感覺危機將至，當然身為他的紅粉知己，對此豈會置身事外，畢竟她們亦非等閒之輩: 

Janet 許釋言 本命金，擅一切槍械電腦網絡探查追蹤之術，觀人辦色之能事 
Ada  關素顏 本命木，擅武術兵器搏擊，喬裝易容技倆，天生神力 
Connie 王舒怡 本命水，擅醫卜星相，足智多謀，具領導能力，乃五人之首 
Kitty 郭紫盈 本命火，擅通靈出神，上天下地，無處不達，百邪不侵 
Yuki  神奈千鶴 本命土，擅輕功跳躍，飛簷走壁，暗器法術，乃忍者之後 

"相信妳地都感覺到，由而家開始，悠閒既生活即將過去，跟住要面對既，係未知既危機， 
要搵我地幫手既人好快會出現，而我同佢....亦都要再見面，我冇辦法去避免，天意如此..." 





"一切隨遇而安啦，我地都唔係第一日面對危機，總之你話去我地就唔會SAY NO，係咪?" Connie率先回應

"No Problem!!" 其餘四美同時和應
 
 
西貢某別墅花園內 


"Ann，睇完哂d資料妳有咩發現呀?" 





"你講得啱!!我地冇白交差餉..."Ann邊按其IPAD邊回應.."佢地可以做可以查既都做哂查哂..." 
"的確所有受害人之間真係大纜都扯唔埋..." 

"但妳信唔信呢189人之間真係一D關係都冇?" 

"只有一個勉強可以叫共通點既就係....都係20至30歲之間.." 

"範圍太廣....太牽強嘞.....再鑽研呢D資料都係冇用..Ann，我地出發嘞!!" 





"真係要搵果個衰人呀.....咁我.....我唯有當唔識佢啦...." 

"已經入夜，唔駛揸車去喇，慳番d時間....."DR.展話未講完，已和Ann騰空而去.....
 

 
愉景灣山上別墅大廳之內 


"妳地都準備好嗱?" 

"準備好喇Jacky !!"五女同時跪在鮑文方前 

"只等你一聲令下，就係我地五個再為鮑家效力之時!!" 





"今次對手異常詭異，妳地真係唔怕?" 

"那怕係人係鬼，係神係魔，只要有違公義，一定要正法!!" 

"好!!講得好!!" DR.展正步進大廳.."就憑呢句，我冇搵錯你鮑文方!!" 

"要來既始終要來，係咪呀展莫銘教授!!"鮑文方此時見到隨後的Ann.. 

"妳...近來好嗎?" 

"先生你邊位呀?我唔識你噃!!"  Ann橫眉射向鮑文方，時間彷彿就此凝住.... 

"Ann，send資料俾Janet先啦..冇時間嘞.."  DR.展眼見如此，只好打破沉默向鮑文方提問... 

"你認為呢189人....." 





"唔會冇關係既，只係當中所涉及既如果只有當事人知既話，就只有我地先有辦法查...." 

"咁好啦!!準備好就一齊夜探殮房啦!!"


 
就在八人正準備出發查探同時，於咖啡灣沙灘暗處，幾"人"正在私語.. 
 

甲:"上次實驗非常成功，冇人知同我地有關...." 

乙:"當然啦，D白老鼠連自己點死都不明不白，其他人又點會知呢?" 

丙:"不過聽講鬼車出現番噃，會唔會佢地又....." 





丁:"得兩個人做得D咩呀，總之照契約人指示做就得喇..." 

"我已經叫左地，水，火，風，空五使隨時候命，你地做番自己野得嘞!!" 

"BOSS英明!!BOSS英明!!...咁我地去做野先....." 

"仲有...下次留心有冇其他人在場......"BOSS隨手一指.."你兩個出來!!" 

一對男女衣衫不整在抖震... 

"唔...唔好殺我地.!!..." 

"不過你地聽到哂我地講野噃..." 





"我地都.....都唔知你地講.....咩...咩....放左我....地啦....啦..." 

"今日算你地唔好彩...只有死人先可以守秘密....同我消失!!" 

"唔好呀......................" 

可憐回應的只有海浪聲........和幾雙閃著綠光的眼睛.....