夜深時分,平時絕少人於此時涉足的公眾殮房,今夜多了一群不速之客,他們的出現,正要 
推翻為非作歹者的脫罪歪理.............. 死無對證!! 


"前面就係殮房,為左方便調查起見,189件遺體全部集中存放於地庫..." 

"好!!" 鮑文方轉向Kitty "記唔記得要問邊幾個問題?" 

"記得...問最近有冇接過傳單,有冇出席過聚會,有冇買過彩票同有冇中過六合彩五個字..." 





"冇錯...一陣妳同我一齊入去...其餘四美幫我地把風,我覺得呢件事冇咁順利..." 

"金木水土領命!!" 

"Ann,鮑文方,Kitty,我地去嘞..." 

於是四人以超快身法,轉眼已到地庫,立於遺體存放櫃前.. 

"Kitty,START!!" 飽文方示意開始





"Ann,我地都開始嘞!!"DR.展亦同時進行 

原來人死後至7 天期內,身體仍會有殘留意識存在,當中包括在生時的記憶點滴,以三數月內最為清晰,鮑文方認為以人數之多,地區之廣,其中務必和群體活動有關,故以此投石問路,希望從中獲得啟發。而Kitty見遺體如此之多,逐個詢問費時失事,而且全屬年青一群,故以問卷形式查探究竟..... 

只見Kitty騰空而起,口中唸唸有詞,以指為筆,左手雷訣,右手劍訣,虛空比劃,運筆如飛,不消一會,但見符祿化作無數無形問卷,飛向遺體櫃內.. 

同一時間,其餘三人閉目結印,將注意力凝聚於天心一點,以靈覺透視櫃內遺體,務求找出連現今鑑證科技都沒法找到的蛛絲馬跡..... 

"佢地冇理由咁短命喎..."Ann忽有所覺..."生命線都冇咁短啦...." 





"除左呢樣搵唔搵到佢地真正死因呀Ann..." 

"身體器官冇任何不正常異變,除解剖痕跡外冇任何微細切割痕跡...." 

"展教授我有一種感覺,可以比喻作手機冇左sim咭一樣...." 

"如果唔係生理性致死,唯一可能係...." 

"Jacky...D問卷收哂啦....聽到頭先Ann咁講,我都覺得可疑...不如等我落去check下生死薄有冇俾人做過手腳..." 

"有人巡樓...出去先講啦!!...快d走!!" 

四人即時閃身離開...
 
 




公眾殮房外空地,金木水三美正守候內裡四人並同時環望週遭變化,忽然.... 
 


"點解雙腳好似俾釘釘住郁唔到既,木美水美妳地有冇事?.." 

"我都係..點解既LEADER?" 

"係地固之術..."水美屈指一算,不慌不忙..."土美打北位,金美打南位,木美打東位,我主西位!!" 

"係!!" 

一直隱藏在附近的土美破空而至,手裡劍應聲擊出,四美同時向所指方向發招,以四方波動氣牆 
破了地使妖術... 





"五美侍果然利害!!看我氣劍陣!!" 

空使以氣化無數短劍,疾射向四美... 

"亢龍有悔!!" 

一股氣勁有若蛟龍,圍繞四美而走,抵銷氣劍之餘,更衝向空使... 

四美心神稍定,一看知曉乃鮑文方剛躍出殮房,見情勢危急,忙運氣化勁,勁隨意走,彷如天龍降世,無可匹敵... 

空使面對氣勁將至竟亳無懼色,從容引動四周空氣,強大氣勁彷如泥牛入海,悉數化掉.... 

"果然對手真係唔簡單..." 鮑文方對五美道 "我地唔可以輕敵...." 

"其實你地唔多管閒事就咩事都冇啦..."空使得勢不饒人.."況且想管都管唔到..." 





"都未分勝負就咁多聲多氣..."Ann看其不順眼.."留番向你老頂解畫仲好啦!!.." 

"咁多野講...先吹走妳!!"風使一起手即掀起龍捲,疾吹向眾人.. 

"忍法御風之術..."土美以忍術對抗.."風破!!" 

"臨兵鬥者皆陣列前行!!"火美比劃四縱五橫結界守護眾人 

"心空容萬物..."Ann雙手合十...."化萬物為己用..."掌中毫光乍現,隨即運掌比劃太極圖.. 
"心意動..." 再向前方空地擊出.. "轉乾坤!!" 

龍捲先被忍法阻慢來勢,再落入太極圖內,旋即消散無形..... 

"估唔到Ann修為去到呢個地步..."鮑文方為親妹感欣慰之餘.."唔通所謂李氏力牆就係...." 





"估唔到一個靚妹都咁厲害..".眾人身旁忽現火牆.."又睇下你地怕唔怕火...." 

"本姑娘屬水,以水剋火..."水美言畢,天上烏雲湧現,雷電交作,烈火即遭大雨所滅.. 

"有你地做對手,果然有意思...."一把聲音傳來.."今日玩住咁多先啦...撤退!!" 

"遵命!!" 地火風空四使即騰空而去... 


"好叻呀妳!!講一句就落大雨...."Ann向水美笑舉右手姆指稱讚 

"我冇咁犀利..."水美回頭輕笑.."只係既然地使出現,火使一定於附近等機會出手,所以暗中用左雷符以防萬一啫..."再望向火美."咁你地有冇咩新發現?" 

"呢189人唔知叫好彩定唔好彩.."火美望向鮑文方.."Jacky估啱左,佢地近來全部中過六合彩三獎..."