2012末日傳奇: 序章(猝死): 顛倒乾坤
書房內，火美正出神往陰間查核生死薄是否出異端，其餘三人默默守候...
"Jacky，查到嘞...."火美張眼望向三人.."生死薄上的確出左問題，係修改過...."
"冇理由...."鮑文方一臉疑惑.."文判官一直薄不離身，又點會出到問題呢?..."
"我同判官核對過，發覺呢189人既內容都改左做暴斃.." 火美神色凝重.. "就連原本之後要遇到既人同埋事都重新再安排落其他人身上..連判官都唔知點解會咁.."
"既然修改左又點知未改會發生咩事呢?"Ann亦流露疑惑眼神
"因為冇改到南斗北斗兩位星君果本.."
火美 眼見 DR.展 比自己更快作出回應，亦回敬 "不愧係陰陽判官，對陰間政策編制瞭如指掌，冇錯!! 當請兩位星君攞本薄一對，就真相大白，而且亦同時查出呢189人原本應該唔會咁早就有橫財.."
"唔通真係有錢冇命享?..."鮑文方臉上更添疑惑.."不過得三獎，最多都係幾萬蚊.....有嘞"
隨即快速撥弄檯上iPAD..專注審視..
"果然真係!! 你地睇!!."
屏幕正顯示馬會網頁內六合彩過往攪珠結果中第94期資料....
"2011年9月8日攪珠....三獎派三萬元...中獎人數.........189人?!"
Ann大感奇怪...."有冇咁巧合呀?"
"相信仲巧合都會有....展教授，你有冇權可以攞到果期中獎者既投注資料?..."
鮑文方向DR.展投以疑問目光....."如果攞唔到，我可以叫金美HACK入馬會電腦CHECK.."
"我答你如果陣間馬會主席連特首PASS都唔俾面既話...." DR.展拿出PASS.."我會掟番個PASS落特首檯面之餘.......仲要拜託金美入馬會電腦CHECK完之後做多樣野..."
"係咪派多6000蚊俾所有投注戶口持有人呀?"
"果然知我者莫若鮑文方...Ann..妳先去瞓一陣啦，我返來再傾.!!"
"係!!"Ann言畢步出書房...
"呀仲有，日光日白唔方便飛來飛去，鮑文方，借架車用下...."
"我叫左金美安排，展教授出去問佢得嘞.."
"咁我走喇..."DR.展亦步出書房
"有勞喇展教授...."
書房現只剩下二人
"Jacky，Ann咁樣對你會唔會過份左d..."火美以無奈的眼神望向鮑文方
"呢d係我疚由自取，唔怪得佢..."鮑文方輕按火美肩膀.."而家唔係煩惱呢d野既時候，妳雖然成就無心訣，不過面對呢189名枉死鬼，相信妳唔會無動於衷啩...."
"當然唔會.....，佢地個個都估唔到自己行行下街會死左，完全接受唔到咁後生就離開左呢個世界，好多心願都未達成，有d連拖都未拍過，更加多係唔捨得離開身邊男友女友，覺得好痛苦..."
火美淡然而言 "我都唔敢想，當佢地知道原本佢地人生行落去會點既時候，會有d咩反應...."
"星主知道呢件事未呀?"
"當然知...今次真係驚天動地，原本今生會遇到既人遇唔到，可以白頭到老既要提早分開，違反哂因果規律，姻緣際會依據...連三十三天都大為震動，甚至驚動到現世弘法聖尊..."
"所以我地要快d攪掂呢件事，其他既慢慢先算....火美妳都快d去休息下先..要隨時做好準備..."
"咁我出去先喇Jacky，你都休息充下電喇..."
"順便叫佢地幾個都返房瞓陣啦..."
"係.."火美言畢步出書房
"清晨六時，屯門咖啡灣石灘上發現一具男屍，死者年約十六至十八歲，被發現時全身赤裸，大批警員正在現場調查，案件暫列作屍體發現案處理....."
"嘩...唔係咁邪呀....."坐在旺角某茶餐廳卡位內，正咬著油占多做早餐的一名中年男人，目睹掛牆LCD電視上打出以上新聞資訊時，大為驚訝...
"好彩頭先趕住出門口，冇upload上ytb啫...."隨即拿起檯上手機再重看昨夜偷拍片段，邊看邊想:
"呢d係證據，話唔定可以攞個好市民獎，如果有懸紅就仲發達.....不過話哂係偷拍，萬一俾差館落
charge咪大檸樂?......都係upload去屋企個server做左backup先再算嘞...一於係咁!!"
隨即對手機按動一番.....
當他正想放手機回其淺藍色恤衫袋預備結帳離去時...鈴聲響起..
"oh~ oh oh oh oh oh oh~~~我比碌蕉你含~~~"
隨即望了望來電顯示...接聽...
"Tommy's speaking!!"
"喂!!又話有新片既?仲未見你upload喎..."
"哦...條片爆哂格，要做edit...今晚返屋企先攪嘞...喂...入(車立)嘞..唔講喇!!"
剛收了線....鈴聲再響起..
Tommy望了望."冇來電顯示...唔聽...九成係d垃圾電話..."
再望了望手機上時鐘.."嘩...閃喇...遲到扣廿蚊做蛋撻基金架.."
立即起身步向收銀櫃檯.....
然而他並未察覺....有"人"已在留意其一舉一動，手上手機亦剛撥出Tommy的手電號碼..........