2012末日傳奇: 序章(猝死): 高度機密

換上深黑色西裝的展莫銘，已駕車到達跑馬地馬會行政大樓，並步進接待處道明來意.... 

"唔該我剛才以電話聯絡左你地葉副主席..." 

"你係展教授?" 

"冇錯!!" 

"葉副主席講緊電話，我叫佢秘書帶你入去見佢...麻煩展教授先做個登記"....... 






"展教授，你所要求既資料對我地來講有d難度..."葉副主席拿起檯上的保暖杯往咀呷了一口，神色凝重... 
"因為呢個係馬會有史以來既重大機密，洩露左出去可以影響好大..." 

"葉博士，我知道事件既嚴重性，但係呢個係查出真相既唯一途徑，以葉博士學識淵博，應該都猜到內裡大有玄機，我知道施主席去左公幹，可唔可以代我請示佢意向再作決定呢?" 

"呢個高度機密，所有有關資料無論hard定soft copy都個別存放在大樓最隱蔽地方，就算有黑客入侵公司電腦伺服器都唔會搵得到，而除左主席，我，同埋其他十位董事局成員外，冇人得知呢個地方所在.." 

葉副主席此時再放輕聲調 "就連最初發現呢個機密既，投注事務及系統部有關職員都即時以優厚條件解僱，並簽下契約書，承諾不再對外宣揚，否則願意承擔一切因公司聲譽受損而衍生既法律責任同賠償，展教授應該了解，當中所涉及既賠償係達到天文數字，展教授係聰明人，相信應該明白箇中意思...." 





"葉博士既意思我當然了解...既然係咁..."DR.展從西裝內袋拿出PASS放在檯上.."睇來都唔需要再轉彎抺角嘞!! 我係奉香港特區行政長官之命調查，唔想再花太多時間去咬文嚼字，如果需要行政長官親自向施主席下達既我可以代勞通知，唔知咁樣仲需唔需要再簽咩文件呢?.." 

"咁......我唯有問一問主席意思先啦.". 葉副主席湧現一臉既不願亦無奈神情......... 


"展教授，呢份就係2011年第94期六合彩攪珠所有三獎得獎人既投注資料當晚列印紀錄，主席只批准展教授當場核對，唔可以攞走同copy....." 

"放心，我唔會令葉博士難做..." DR.展邊將得獎者資料同受害人作比對，邊感到詫異.."唔通....會咁巧合?!.......唔親眼見都唔信係真..." 

"展教授而家應該明白，如果呢個機密被公開，一定會嚴重影響，甚至崩潰廣大市民對我地既公信力...." 





"我.....完全明白........"DR.展此刻仍感到難以置信.......


 
時近黃昏，夕陽影照的愉景灣山上別墅客房內 


"文琪，妳唔好再埋怨妳阿哥，爺爺天數已定，係避無可避..." 

"爺爺，如果唔係佢好勝心強，都唔會連累到你......" 

"文琪，維護公義係鮑家天職，當時如果妳阿哥退縮，不但死者含冤，行兇者逍遙法外，就連我都唔會原諒佢，雖然最後我遭妖孽殺害，但佢最終都查出真相，還死者一個公道，不枉我傳授佢畢生所學，妳當時仲細，唔明事理啫，而家見妳身懷絕技，如果能夠同五美侍一樣扶助妳阿哥警惡懲奸，我都可以對主人有所交代.......我要走喇....保重呀文琪!!..." 

"爺爺......爺爺...唔好走呀爺爺....爺爺....." 





"Ann!!....Ann!!.......妳點呀..Ann!!...." 火美坐於床邊，雙手按Ann肩問道 

"啊...係火美姐...原來係發夢..."Ann撐身而坐... 

"我冇事喇...." 

"仲掛住妳爺爺呀?.." 火美流露關切眼神.."難得妳咁長情.." 

"我同果個衰人雖然唔係爺爺親生，不過爺爺由細睇住我地兩個大" Ann眼中淚珠微微滾動 
"當時我得十歲，點都唔會忘記爺爺係點死....爺爺好無辜....." 

"恕我多口講句，妳唔應該嬲Jacky" 火美眼神回復淡然....."呢個唔係佢既錯.." 

"要嬲就應該嬲果班妖物咁心狠手辣，無惡不作!!" 土美眼中充滿怒意 





"好彩最終都將佢地正法，我地總算同妳爺爺報左仇.." 水美隨後說道 

"所以妳應該原諒Jacky先啱..." 木美加上一句 

"無論點都好..." Ann仍有不願: "而家我個心好亂...都係遲d先講...." 

"展莫銘啱啱到左..." 金美神色匆匆步進...."Jacky叫我地六個即刻去書房從長計議!!" 

"收到!!"