2012末日傳奇: 序章(猝死): 飛來豔福
屯門分區警署內，重案組總督察James馬正為今晨的屍體發現案大傷腦筋....
"唔通踏入2012真係會世界末日? 一波未平一波又起..."
"馬Sir!!... 驗屍報告返左..." 一名重案組探員手持文件步進辦公室
"睇下係咪偉哥作怪?......" James馬細閱文件，漸露詫異神色.."咩話? 屍體全身血液凝固?...."
"皮膚仲仍然有彈性?..拍X-FILE香港版咩? 咁點同傳媒交代先得架?...."
"馬Sir..咁係咪一直當屍體發現案處理呀? 好彩我地封鎖現場之後D記者先至到，冇傳媒知條屍當時
既狀態，如果唔係一定有咁大作咁大.."
"唔當屍體發現案唔通當兇殺案處理呀? 又係冇兇器冇傷口冇中毒仲死因不明.."James馬已漸覺失控. "而家唔係身處包青天洗冤錄時代呀.......家陣點會有呢d事先得架........SORRY...我激動左少少..." 不禁拿起一包盒裝檸檬茶呷了口略作冷靜.."唯有等有人認屍之後循正常程序查啦....." 隨即心想.."如果而家真係有包公同宋慈呢D查案高手搵到料就好嘞....."
"馬Sir!!有料到!!"另一探員急步進入..."科技罪案組send左條片過來，係d網民經foxy 攞左跟住call哂上所有討論區叫人download，個item係"咖啡灣石灘深夜打野戰"，應該係死者死前同條女在案發現場攪野片段"...隨即開啟檯上電腦內檔案
"攝錄矩離太遠，只係有影冇聲，仲要係夜視鏡"....
"都睇唔清楚...."
"只係見到幾堆黑影郁郁下.."
"連死者個樣都睇唔清..."
James馬聽罷眾探員以上言論，隨即搖頭.."唔得..send條片俾鑑證edit，呢個係唯一俾我地了解死者死前發生過咩事既證據，我要知當時死者同咩人一齊做過d咩!!仲有叫科技罪案組兄弟幫手搵個源頭出來，佢係呢單case既目擊證人，一定要搵到佢!!.."
"YES SIR!!"
經過一日辛勞，Tommy從深水埗黃金商場步出，沿行人隧道往對面馬路乘巴士回家...
"終於同d客吹完水收哂單聽日有差交....又震我?"
隨即拿起手機察看
"又係冇來電顯示....今日震左我百九幾次...呢排冇人借錢冇人上台咩.. 係咁煩住哂....."
"咩話...電量不足....關機.?!....冇野牙.....兩舊電都乾哂，唯有快d返屋企差電啦!!"
正當Tommy無奈地將手機放回恤衫袋後....
"先生先生!!" 迎面而來一位妙齡少女.. "借問呢度有咩車去屯門黃金海岸酒店呀?"
"哦..前面巴士站有架52x直到...我都係搭呢架車返屋企，妳唔介意可以跟我上車，到站跟我落左車再帶到妳去門口都仲得.."
"咁唔該哂你先喇，我係自由行，同成班朋友來香港玩，啱啱係電腦商場同佢地失散左呀，手機又冇電，諗住自己返酒店再聯絡佢地囉，係呢，我姓江，d朋友都叫我小咪，先生點稱呼呀.."
"我...叫我Tommy得嘞.." 聽過小咪以略帶外省口音廣東話的自我介紹同時，Tommy已被其美貌弄得有點不大自然....
"咁我叫你湯米你唔介意呵..."小咪望見有巴士駛至.."52x..係咪呢架呀.."
"係呀..快d跟我上車先啦.." Tommy邊慢跑向巴士邊轉向小咪.."妳冇八達通呵，我俾先.."
然後排隊上了車，放了先前拿了的錢落錢箱並同時拍咭，再領小咪往上層後排坐位..
"我坐埋便窗口位，你坐我隔離喔..."小咪坐低後轉向Tommy.."我行左成日喔..可唔可以埃住你瞓一陣呀.."
Tommy此刻感受著身旁小咪束起的秀髮透出芳香，再偷望其所穿黑色低胸小背心下包裹不住的誘惑線條，漸漸如墮五里霧中.....
"湯米..湯米.." Tommy朦朧之時，感覺巴士仍在途中，而自己卻倚在小咪香肩上，猛然而起..
"對..對唔住呀....我..瞓左落妳膊頭...."
"唔緊要啦.."小咪笑面相迎.."見你咁好瞓驚坐過左站所以叫叫你，你知啦..我唔識邊處落喔.."
"仲有十幾分鐘先到..到我一定會通知妳..."此刻與小咪四目交投一剎，像如攝去三魂，令Tommy感覺似睡還醒，迷迷糊糊......
到站後，意識仍迷糊的Tommy與小咪離開巴士，本欲領小咪往酒店方向....
"湯米呀...你咪話住呢附近既...可唔可以上你屋企坐下喔?"小咪媚眼望向Tommy...
"哦....好呀.....嘻嘻...."已完全無反抗意識的Tommy，正帶領著小咪轉往所居屋宛方向......