2012末日傳奇: 序章(猝死): 漸現端倪
黃昏時份，屯門分區警署內，Jame馬對著檯上短短兩日之間發生案件檔案似一籌莫展....
"先發現怪屍，再確定妖怪殺人，再連屍都唔見埋，跟住又有人失蹤......仲有..."
"馬Sir...收到科技組電話，現場發現果部手機正係拍片果部，而現場部電腦硬盤亦有果段片.."
"果然真係...仲有咩其他野?..." Jame馬邊翻閱檔案邊問
"原來現場有安裝微型網絡監控鏡，駁住電腦硬盤錄影，拍低左當晚8點到凌晨既情況，證實左住客俾佢帶返去果個女仔殺左，由於個file太大send唔到過來，想我地去睇下..."
"咁行兇手法係咩，仲有條屍去左邊呀?" Jame馬忙加追問
"條屍凌晨俾人搬走左，仲有個死者係死於...." 探員欲言又止
"講啦!! 係咩呀!!" James馬已開始不耐煩
"係俾果個女仔吸乾，變左乾屍...而且仲拍到有個日本忍者打爛落地玻璃窗入來，同個女仔大打出手，跟住先後跳窗走左.....我都係照果個兄弟咁講咋馬Sir.." 探員臉上神色慌張
"佢係咪搵錯左個電影檔案當係呀....." James馬一臉疑惑.... "我地過去睇下!!"
愉景灣山上別墅內，八人正在書房研究進一步行動..
"首先對呢個星期發生既事嘗試串連一下" 鮑文方開始作出分析...
"1月3日發生189人猝死事件，呢189人有4個共通點:
第1係同樣20至30歲，
第2係一樣收過一張同飲飲食食有關既咭片，
第3係於2011年9月8日下午2:00到3:00期間同樣收到一個附有5,6,9,23.29.45呢六個號碼既sms，而照號碼投注當晚攪珠六合彩中左三獎派彩三萬蚊，
最後係呢189人既生死薄紀錄被修改過，原本要繼續行既人生就此終結，改變埋同佢地有關既人同事既發展
1月5日特首委託展教授暗中查案而展教授搵我地協助，當晚去殮房驗屍遇到五輪魔使四使襲擊，跟住當晚咖啡灣有妖怪殺人滅口
1月6 日有人流傳殺人片段上網，而拍片者當晚在咖啡灣住所被殺，我地亦同四妖四鬼交手
綜合以上各點，已經知道四妖同五使幕後仲有指使者，計劃透過派飲食優惠咭片招來回應，從而收集目標手電資料，因已預先修改生死薄，故目標必會依發出指示投注而中獎，然後到1月3日被同時勾走魂魄而亡..."
"既然係願者上釣，即係目標唔止一組年齡類別，20至30歲只係其中一個試驗類別...."
DR.展加以補充 "現在要先鎖定左係邊類飲食推介..."
"金美，妳查下網上2011年暑假期間，有咩係由派宣傳單張咭片得知既特色飲食團食評發表過，
我相信收SMS時間矩離佢地出席活動時間唔會超過兩個月，而且暑假係消費黃金期，有優惠推介容易招攬多D目標.." 鮑文方大胆作出如上假設
"遵命"
"而家班妖孽唔可以再改生死薄，咁之前收集到D目標又會點安排?"木美提出了疑問
"不如諗下幕後主使人咁做有咩目的，再推敲佢下一步行動仲好..." 土美趁金美查資料時再問
"事件真相而家得我地知，如果公開左市面會有咩變化，呢兩日咖啡灣果兩單案都冇公開真相"
水美心思慎密，一語道破
"果幾隻惡鬼，都係受到操控既傀儡，完全冇自我意識，我懷疑係屍控術 " 火美回憶今晨大戰，察覺當中另有玄機..
"即係果兩條屍俾妖孽收埋左? 用黎控制兩鬼......"Ann試圖推敲
"如果所有真相被公開，政府公信力一定有大影響...." DR.展悟出真理 "我知道最終結果會點喇!!"
"一國兩制站不住腳，呢個就係最後答案!!" 鮑文方亦忽有所悟
2003年開始，國際金融中心二期成為香港新地標，傲視全球，然而於今夜，天台暗處卻群魔亂舞..
"四妖四鬼四魔使同我出黎!!" BOSS召集一眾妖物
"BOSS有何吩咐?" 十二黑影全部湧現
"契約人想呢度再亂D，要越亂越好...你地有咩提議?"
"可以叫色鬼淫鬼痴女去迷惑男女，增加多D色慾惡魂操控..." 甲率先提議.
"我就叫怨鬼去加強社會上既怨氣，攪到人心不安.." 乙亦連忙表現自己..
"我會搵一個輸錢輸到走投無路既人，害死佢轉化做貪鬼..令呢度D人賭得更瘋狂..." 丙都不甘示弱..
"我都會搵一個好重憎恨心既人，殺左佢變做嗔鬼，令呢度更多腥風血雨...." 丁亦出謀獻策
"你地幾個D提議都好好，不過照辦之餘，我想再攪多次"英雄宴"，你地安排呢幾日再釣下魚啦.."
BOSS再打發四妖四鬼 ，隨手一揚 "我仲有野同魔使講，你地去辦事啦!!"
"係!!BOSS!!" 八個黑影隨即隱退....
"而家出現左一班人阻頭阻勢，知唔知佢地既來歷?" BOSS轉問四魔使
"佢地係多年前消失左既五美侍，至於同我交過手果個男人我就唔知"
空魔使回應BOSS " 不過佢竟然識用降龍掌...唔可以忽視..."
"同埋化左我龍捲風果個女仔，之前都未見過架..." 風魔使仍憤憤不平絕招被輕易化解
"咁跟唔跟蹤到佢地? "
"佢地兩次出現都來去無縱，一D痕跡都冇.."
"睇黎頭先交代左四妖既事會有D阻滯，你地暗中監視，必要時出手幫下佢地..."
"係..BOSS!!"
"仲有....點解未見水魔使現身呀?"
"佢一直都隱藏住自己，令對手有所疑惑，而家正等緊機會出擊......"
屯門分區警署內， James馬剛與一眾重案組探員返抵辦公室....
"如果唔係鏡頭影住個場地同案發現場一樣，真係以為睇緊戲....有冇果個兇手資料?"
James馬手拍額前眉頭深鎖，百思不得其解
"依現場留低指模同入境處資料庫對過哂都冇紀錄，好似冇呢個人一樣.."
"咁死者有冇親人?同兇手有咩關係?做咩職業?平時同d咩人聯絡?" James馬一連串提問
"死者一個人住，父母先後離世，未結婚，任職電腦公司sales，冇女朋友...."
探員向James馬回報 "大堂警衛話之前未見過兇手出入屋宛，相信同死者係新相識， 依電訊公司電話記錄查證死者除左同公司客戶聯絡外得幾個網友，不過事發當日 收過百幾個冇號碼來電，懷疑因為咁令到死者手機冇哂電，而且....."
"講落去啦....." 正低頭翻閱文件的James馬雙眼朝探員望了望
"其中一個網友話事發前一晚死者網上留言話有新片upload，跟住第朝聯絡死者時佢話段片未得， 點知到傍晚見到其他人upload左想通知死者已經聯絡唔到佢，而深水埗電腦商場有幾間店舖員工證實死者去過舖頭傾生意逗留到傍晚先至走.."
"即係話死者最後出現地方係深水埗....假設佢唔知自己拍果段片俾人偷左放上網，兇手知道佢目擊事件所以殺佢滅口.....唔係.....放片唔係佢，兇手又點知係佢，除非佢俾兇手知道佢見到件事....."
James馬推敲案情，漸有頭緒而吩咐探員 "你去死者公司附近食肆查下事發當日朝早死者有冇出現過，有既話如果間食肆有裝閉路電視就攞個錄影檔案返黎...仲有記住而家對外公佈係失蹤案，唔好講錯.."
"馬Sir，有市民睇完報紙幅相打hotline報料話昨晚搭52x巴士返屋企，認得失蹤者同個著黑色背心女仔去到黃金海岸個站落左車.." 另一探員連忙向James馬匯報
"咁成件事開始明朗化喇...."James馬原本深鎖的眉頭開始放鬆