時近深夜,愉景灣山上別墅內,金美仍在書房透過網絡搜尋有關食評,其餘7人仍在研討.... 


"我擔心如果唔及早阻止班妖孽,會有更多人俾佢地殺左變做傀儡,到時就更難對付..." 火美臉現憂思.."我同其中兩個交手時感覺佢地內心喊緊,係被控制住身不由己....如果搵唔到屍體,係冇辦法超度佢地..." 

"咁係咪代表多一個傀儡就要控制多一具屍體呀?" Ann感疑惑望向火美 

"妳係咪想表示班妖孽要有一個場地放屍體,所以估計到屍體所在地呢?" 火美回望Ann 

"好叻呀火美姐!!" Ann笑向火美 "我估到一個冇可能既地方....殮房!!" 





"妳既意思係...班妖孽故弄玄虛,其實屍體根本冇離開過殮房?" 水美作出假設 

"係呀水美姐...只係放左去第二度,又或者用妖法令人睇唔到...因為搵唔到更合適既地方.." 

"而且佢地知道警方冇向外界公佈屍體失竊事件,所以有持無恐.." DR.展再作補充 

"仲有呀水美姐,即使殮房發生怪事,都冇人夠胆去理卦"Ann 自信十足望向水美 

"咁條乾屍呢?" 土美臉有悔疚.."最衰我掛住追隻女妖,諗住條屍等警方去處理,冇想到d妖孽等我地走左之後番轉頭攞走咁卑鄙..." 





"唔好咁自責啦...." 水美輕按其肩微笑 " 呢d唔係妳錯,我地都預計唔到會咁啦.." 

"的確係我地棋差一著,等佢地有機可乘.... " DR.展感到無奈." 乾屍唔駛低溫冷藏,收藏範圍可以大好多,坦白講直到而家我都未推敲到....." 

"搵到喇!!" 金美興奮大叫 "2011年7月中有人上開飯網出食評,話行街見人派咭片攞左,跟住打電話登記而有機會食到呢餐(英雄宴),食評之下仲有好多回應話食過...." 

"英雄宴? 聽個名幾吸引噃....有d咩特別野食架?" 木美好奇望向金美 

"其中一道菜係(二十四橋~明月夜).." 金美作搖頭晃腦狀回應 





"咁似武俠小說既?..原來用呢樣野去吸引人..." 水美似有所悟 

"咁我地可以初步鎖定呢個係目標....金美再搵下有冇多D料例如邊度派咭片呀咁...."鮑文方回望金美 

"係!! Jacky.." 

"確定地方之後,就要有勞木美既易容街同大家改頭換面嘞!!" 鮑文方望向木美 

"遵命!!Jacky!!" 木美抱拳回應
 
 
 
週末午夜的尖沙咀寶勒巷,酒吧林立,有人暢飲高歌,有人專注觀看球賽,有人卻獨坐一角,自斟自飲 







"贏左錢又點....亞Me都走左.." 身穿西裝的青年舉杯豪飲.."以後都唔同港女拍拖...." 

"先生..請問隔離位有冇人坐呀?" 一把嬌嗲女聲向青年探問 

青年醉眼抬頭,與女子眼神相觸一剎,頓覺驚為天人 "冇呀...隨便坐..." 

"你唔係等朋友咩? 得你一個人咋?" 女子再探問 

"我? 我唔需要朋友...我一個人飲囉..."青年怨聲載道 

"咁啱既? 我又係一個人喎...我叫小咪,你叫.." 

"我叫Alan,妳叫野飲..我請!!" Alan隨手一揚 "唔該!!" 





"黎!!" 待應步至.."小姐要d咩呢?" 

"一杯 long island 唔該" 小咪含情望向Alan 

待應離開後,Alan細細打量小咪衣著,被紅色低胸小背心包裹下的誘惑身段吸引,一時想得入神 

"Alan!! Alan!!.." 小咪在Alan面前揮了揮手 " 你冇野吖嗎..眼定定咁.." 

"哦..冇.." Alan連忙回神按了按額頭 " 可能飲多左啫..sorry..." 

"係呢Alan,你做咩架?" 待應將酒放於檯上 

"我0係銀行做分行經理.." Alan舉杯問." 小咪妳呢? " 





"我0係SPA做按摩技師..."小咪微笑舉杯相碰,兩人親切對飲 

"咁後生就做經理,你好叻呀!!.." 小咪帶笑再問 " 咁有冇女朋友呀? " 

"散左嘞!!" Alan臉色一沉.."啱啱分左手.." 

"哦..對唔住呀..." 小咪感到內疚.."不過你咁靚仔,好快搵到第個啦!!......" 

如是者兩人邊飲邊傾,直到打烊時分..... 

"Alan呀,不如搵個地方...." 小咪媚眼相視 "我幫你做個body message吖?" 

"好呀!!..妳話事囉!!" Alan酒醉仍有三分醒,與小咪言談之間,已覺對方借意挑逗,媚態盡現 

"咁行囉!!" 小咪手拖Alan離開酒吧




 
 
 
夜深,屯門分區警署內,James馬和一眾探員仍在辦公室遲遲未走 


"死者返工前0係茶餐廳食早餐,攞部手機睇片果陣俾石灘殺人案兇手發現,於是跟左死者成日,然後叫女兇手用計0係深水埗遇見死者,然後跟左死者返屋企行兇,想毀屍滅跡果陣有人阻止,大打出手,再假扮逃走之後再叫人偷屍....." James馬根據探員查獲資料嘗試重組案情 

"馬Sir,咁而家我地應該點做呀?" 探員感到疑惑 

"一日搵唔到條屍,就一日都唔可以當係兇殺案,即使搵到條屍,又唔可以同傳媒講話係乾屍, 
睇怕當差咁耐,今次真係最頭痕...石灘屍體單CASE仲未搵到死者家屬呀?" James馬感苦惱萬分.. 

"未呀,一直冇人認屍,現場又搵唔到死者隨身物品,連個女仔都係冇資料查到佢身份.." 

"咁即係冇野可以查....到呢個階段,我地可以做既做哂,可以查既查哂,如果案發實情同我推敲既一模一樣,咁真係冇野可以再做嘞...." James馬神情嚴肅 " 聽日我同上頭匯報呢單case,睇下上頭有咩決定.....夜喇.......你地收工返去抖啦....." 

"咁走喇..馬Sir!!" 眾探員無奈應允 

一眾探員離開後,Jame馬獨自行至窗前,遙望夜空,滿是感慨..... 

"唔係唔想幫你地呢班枉死鬼伸冤,只係我地冇咁既能力同條件...對唔住..."