2012末日傳奇: 序章(猝死): 金童玉女
週日下午的旺角西洋菜街行人專區，集食肆，服裝，戲院，購物商場於一街，自然遊人如鯽，
好不熱鬧，當中亦包括一對情侶....
"平時好少落呢度行街，原來咁多野賣架?" 女子表現一臉興奮
"係呀，唔係都唔會咁多人啦!!" 男子手拖女子微笑回應
"有d肚餓...咦....前面有小丸子賣喎..去買咯!!" 女子作出提議
"好呀" 男子正欲拖女子前往...
"先生小姐，兩位有冇興趣呢?" 一名身穿藍色運動服裝少女遞上一張紅色黑邊咭片
"英雄帖?" 兩人以好奇眼神望向少女
"係呀，我地係做私房菜既，有興趣可以打電話登記左先...." 少女向兩人介紹
"就係呢個號碼呀? 咦..寫住(玉笛誰家聽落梅)...係真唔係呀?. .." 男子好奇再問
"哦....唔係假呀，我地真係整到出黎，打呢個電話登記就得架喇.."少女再向咭片上一指
"好呀...唔該哂...." 男子手拖女子離開
"~要愛得勇敢 去挑戰不幸 如何殘忍 也不應氣憤~" 女子拿手機接聽
"喂!! Connie姐呀.....妳同Ada姐行緊時代廣場都攞左呀...係....仲有Kitty姐同Yuki姐去荃灣買野都攞左...
仲有Jacky同Janet姐去元朗食涼粉又攞左...哦...我地都啱啱攞左....係...好啦....陣間見...拜拜!!"
"DR.展，其他三組人全部都OK嘞.." 女子望向男子
"Ann，咁我地仲駛唔駛扮落去...."男子與女子四目交投
"你...你鐘意吖..." Ann低頭不語..
"哦..." DR.展稍為緊握Ann右手，兩人慢步離去
新一個星期的開始，意味應有新的發展，新的延續，然而在警司辦公室內，則似是要為未能破解的事件作出終結
"James，睇完你既報告，單case真係冇野再跟，可以當懸案不了了之，畢竟都係屍體發現案同失蹤案，又冇苦主黎求助，外間都唔會有咩大反應..." 張警司自信地望向James馬
"只可惜兩位市民不明不白就咁死左，我地又冇能力緝捕兇手，阻止佢地繼續犯案，如果不幸再有受害者，咁我真係心中有愧.." Jame馬似心有不甘
"唔係又可以點? 仲有兩個幾月香港就有新接班人，呢段敏感時間都係多一事不如少一事好d，仲有
兇手神出鬼沒，點去捉佢? 就算俾你咁叻捉到，唔通照程序塔佢去法庭受審呀?點同傳媒交代呀?
話審妖怪呀? " 張警司大動肝火
"我明嘞...我知應該點去處理..." James馬無奈回應
步出警司辨公室，Jame馬見到一眾在外守候重案組員，內心一陣怛惕，深恐他們未能接受自己所作決定，故沉默不語，探員見 James馬一直無話，亦只好無聲尾隨一直返回辦公室，正當踏入之際
"死者同個靚妹可能唔係香港居民......點解我而家先諗到呢?" James馬突生一念
"即刻將段片裡面死者同個靚妹個樣cap低，盡量放大，之後攞去查下有冇入境紀錄，必要時聯絡埋國際刑警幫手，只要有苦主，單case先至可以跟落去..."
"YES SIR!!”
愉景灣山上別墅內，八人由四個不同地區返抵進入書房，對行動作出檢討...
"張咭片個返計，唔多唔少令我諗番之前啱啱行走江湖果陣...."木美望著咭片沉思
"係呀，仲諗番起我地義結金蘭個情景..." 土美亦在回憶當年
"可想而知收到咭片既一定抗拒唔到會打電話去登記，跌入佢地個圈套.." 鮑文方拿著咭片細望
"上次就(二十四橋明月夜)，今次就(玉笛誰家聽落梅)，果然夠哂噱頭.." 木美亦在檢視
"而家我地分四組人登記，好似要登記埋職業，咁有冇準備呀?" Ann望向眾人
"我係自僱程式網頁設計師Janet"
"我係個人化妝師Ada"
"我係個人理財顧問Connie"
"我係風水師Kitty"
"我係兼職纖體教練Yuki"
"我當然係用番生化系教授Simon身份啦"
"咁我就係你既大學助教Ann"
"我都可以用Janet公司合夥人Man既身份" 鮑文方環顧各人
"登記左之後就等佢地通知先再諗下一步行動......我同展教授仲有d野傾，我知妳地順便買左野食，咁出去飯廳食野先啦，我地一陣出黎"
"係，Jacky!!"
一眾女子離開後
"你係咪對Ann有意思呀?" 鮑文方微笑探問
"你唔好亂估啦....."DR.展有點迴避目光
"不過你兩個去完旺角之後返黎望對方D眼神唔同左....多左一D曖昧.."鮑文方再笑問
"唉...真係冇野瞞到你...我認!! 我係對Ann有感覺，希望你唔會反對.." DR.展眼神表現誠懇
"點會呢....Ann有你照顧我都好放心，即使佢唔再嬲我，我都唔想佢跟我一齊住，何況而家...."
"我覺得Ann唔會一直嬲你，過左今次呢件事佢應該有所表示..."
"講到件事，你認為最後我地應該點處理?" 鮑文方探問DR.展最終決策傾向
"如果事件涉及政治因素，仲唔只係政黨範疇，就會好複雜，特首只想我查清事件來龍去脈，至於解決方法就冇提及，而家知道係妖孽受幕後指使作惡，最終目的要制度崩潰，呢d全部都唔可以公開，我地可以做既就係斬妖除魔，代替警方執法，至於幕後黑手應該點去處理...仲未諗到..." DR.展嘗試替事件作定案
同一時間，Ann與五美於飯廳中正享用小點
"唔知阿哥同DR.展講咩呢?" Ann疑惑地問
"Ann，妳原諒Jacky嗱?" 金美興奮莫名
"我明白嬲佢咁耐自己都好辛苦...既然係咁....都想早d放低呢個包袱...而且...."
"而且妳已心有所屬呢..." 水美帶笑質問..."唔好唔認呀!!睇妳同展莫銘兩個d眼神就知有野啦..."
"噢............"其他四美即時起哄