2012末日傳奇: 序章(猝死): 今非昔比
病房之內，Kitty與Sally嚴陣以待，氣氛緊張....
" 哇!!..............." 窗門玻璃忽然爆碎，Coral掩耳驚呼
甲與小咪已從窗外闖入，面對三人擺起架式
"小咪......妳!!" Kitty實不忍與小咪對戰
"今日妳地個個都走唔甩!!" 小咪雖語氣強悍，唯眼神卻流露一絲無奈
"唔記得仲有我咩!!" 一人飛身從窗外閃至Kitty身旁，正是土美
"忍者?" 仰慕俠客再出現眼前，Sally信心大增
"Madam，帶Coral走先!!" Kitty見Sally功夫了得，更有靈光護體，不懼妖魔操控，足可保護Coral安全離去，自己與土美能專注對付妖孽...
"係!!.. Coral!!...跟我走!! " Sally忙拉著驚魂未定的Coral離開病房...
"想走? " 甲意欲追出，已被土美拔刀阻攔
" 等我去追佢!!.. " 小咪此時躍出窗外，甲跟隨其後，二美連忙追趕.....
Sally拖著Coral一直飛奔到地面露天停車場，甲與小咪從天而降，甲率先攻向Sally......
"~呢隻妖同上次果d唔同，出招怪異，捉唔到來勢，點好呢?~" Sally面對強敵，兼顧慮Coral安危，出招對拆之間漸處下風.....
"唔....唔好行埋黎...." 與此同時Coral見小咪步步逼近，驚至軟倒在地...
"妳同我停手!!" 土美落下擋在Coral身前，面對小咪....
小咪默然不語，擺起戰鬥架式，土美無奈拔刀相向
"我真係唔想同妳打....唔好逼我....." 土美搖頭向小咪作出最後警告.....
" 哎.." Sally邊打邊分神察看Coral情況，見到忍者趕至救援，心神稍定之際，左肩被甲利爪所傷，重心一失，再遭橫掃一腳倒地.....
"哼..." Sally手按左肩緩緩站起，怒目而視，甲再舉爪衝前..
"Madam等我擋住佢...快d走!!" 火美從上而下一掌抵擋利爪攻擊，再以連環腿牽制甲進迫
Sally不顧自己傷勢，連忙跑到Coral前拖她奔至自己私家車前，打開車門
"Coral上車!!" Sally安頓其上車後，忙坐上駕駛座，驅車疾速離開......
"我都唔想同妳地打!!" 小咪一直只與土美對峙，並未出手，眼見甲追車離去，亦拋下一句話遁去，二美聽出話中意思，亦緊隨阻止兩妖行兇.........
樹林之內，鮑文方意欲以自己交換Alan安全....
"呢個人唔可以同你交換..." 妖艷女子手握Alan下身 " 佢咁精壯...而且仲有利用價值..." 再指向鮑文方 " 你冇得討價還價!! 大哥五弟，同我撳住佢!!"
負傷的地空二魔上前左右挾持鮑文方，妖艷女子步至身前，伸手欲探其胯下.....
"係機會!!..上..!!" 水美看準時機，以傳心術通知金木二美閃至Alan身旁，攻擊風火二魔..
"想摸? 妳未有資格!!" 同一時間，鮑文方雙拳緊握，運勁震飛地空二魔，再雙掌擊向妖艷女子胸前
"想抽我水?" 妖艷女子往後跳彈至Alan身前，挾持其遁出樹林
"咪走!!..." 水美放出飛符，唯妖艷女子速度太快，悉告落空，忽覺三面陰風襲來...
"係三妖? " 六爪自三方向攻至，水美躍起向後翻身落地，定神一看乃傷癒三妖突襲
"水美姐等我地一齊收拾佢地!!" 空中兩人輕盈落在水美身旁，正是DR.展與Ann
三妖連隨變陣，圍繞三人急速游走
"Ann..花前月下!!" DR.展與Ann交換眼神，同時出招鎖定其中一妖游走軌跡，DR.展單掌拍下，Ann則揮掌游刃胸前，以劍招渾化掌風擊出，水美則同時以拳腿分擊丙丁二妖...
"哼!!..." 三妖同時被擊倒在地，見突襲不成，遁地而去
"你地兩個果然今非昔比..." 水美笑看兩人
"水美姐都可以一心二用...利害!!" Ann亦回以一笑
"你地三個都咁犀利..." 鮑文方上前笑向Ann與DR.展 " 你地真係好合拍!!仲將劍式融入掌法，揮洒自如.."
"Jacky!! 四魔已經遁走左..." 金美仍有怨意 " 幾驚你真係會俾佢摸..."
"水魔使陰險奸詐，心狠手辣，唔用計拖延住佢，一定對Alan不利.." 鮑文方心有不甘 "可惜俾佢走挾持Alan走甩左...."
"Jacky!! 佢地架車去到殮房附近空地停低左..." 水美得知Coral她們身處位置，即時相告
"救人要緊!! 我地都要快d趕去!!" 六人即時向殮房方向遁去.....
駛出醫院之後，血流未止的Sally勉強支撐自己，旁邊的Coral一臉驚惶，心中生出一念....
"Sally姐...可唔可以帶我去John果度....我想見佢......." Coral苦苦哀求
"好...啦.....坐穩喇....." 時近夜深， Sally自知自己失血情況未必可一直支撐駛至屯門警署，故應Coral要求全速駛向殮房再作打算，豈料未到殮房已覺暈眩不支，為免釀成意外傷及Coral，只好於離殮房不遠處停車，憑藉意志守護Coral離車同步往殮房......
"哇.........." 在途中丙丁二妖冒出Sally左右擒住雙手，Sally無力掙扎之餘雙手被拉開再遭利爪正中胸腹，傷重倒地
"Sally姐!!....." Coral見Sally被襲倒地，嚇至跌坐地上，乙已利爪伸至...
"唔準你地傷害佢!!" John殘留靈息眼見愛人即將被害，甘冒自己魂飛魄散之險，現身抵擋
"John!! 真係你呀?" 日日期盼，朝思暮想再聚的愛人如今出現眼前，Coral悲喜交集
"Coral!! 妳快D走!!...." John只憑一股意念殘存，如今現身已感吃力，還要守護愛人抵擋攻擊，漸覺形神將散，丙丁二妖擊倒Sally後更從旁偷襲，終令其招架不住
"John!! 唔好呀!!....." 眼見愛郎身影漸矇，更因保護自己備受三妖毒打，Coral涕淚交流，呆坐不動
"次次都以多欺少，我忍唔住喇!!" 連環刀影打退三妖進攻，土美落在Sally身前
"妳....黎左嗱?.." 盡最後一口氣在手機上撥打James馬的號碼再按"打出"後，Sally見忍者出現在自己身旁，即含笑失去知覺........
"Madam..." 土美一臉黯然，舉刀迎向三妖 " 我要你地班妖孽唔可以再放肆!!"
三妖舉爪而上，土美運刀如飛，擋去來爪之際同時劈中腰腹，再凌空踢飛三妖倒地
"殺左妳先!!" 甲迎空抓向Coral，John擋在前面被擊中，仍竭力回以一掌打飛甲
"John!!" Coral放聲哭叫，火美剛趕至身旁，即放出繩索綑綁John，其矇矓身影漸見清晰
"郭大師...妳做咩綁住John呀?" Coral慌張至雙手緊握火美手肘
"佢唔顧自己現身救妳，即將魂飛魄散嘞...." 火美轉向John " 你咁勇敢我好佩服，你休息下啦..之後交俾我地得嘞..."
此時小咪已不動聲色步至Coral面前欲一掌劈下，土美即時雙手擋格
"妳真係要出手?" 火美眼神無奈望向小咪，小咪仍默然無語
"佢點可以唔出手喎!!哈哈哈哈..." 不遠處妖艷女子與重傷四妖挾持Alan步至
"Alan!! 你地唔好傷害佢!!" 小咪見到Alan仍受苦即時滿腔怒憤
"妳做得好既我地咪放過佢囉....." 妖艷女子不時撫弄Alan下身 "妳唔想佢再令妳開心咩?
一係俾妳食一餐先做嘞!! 哈哈哈哈..."
"妳~同~我~即~刻~停~手~!!" 咬牙切齒，盛怒難忍，小咪不顧一切衝向妖艷女子，藉其注意自己施襲之際，忽轉而閃至Alan身旁，欲帶其離開之際.....
"啊.....!!" Alan眼中閃出綠光，手持小劍深深插入小咪腰間，再推小咪往妖艷女子方向..
"妳有二千年修為，啱哂我胃口...."妖艷女子接過重傷小咪，即探手往下身一吸
"吸魔大法?...放手呀!!" 瞬間急變，出乎火美意料之外，得悉小咪千年修為將被吸收，不禁衝前施放定身咒阻止，土美雖守護Coral等人未能參戰，亦同時疾射手裡劍對付妖艷女子，可惜全被其閃過
"啊......啊........." 魔氣真元漸被吸盡，小咪痛苦難當...
"小咪真元被吸，冷如月都會形神俱滅..." 水美與鮑文方等六人已趕到，五美同時衝向阻止妖艷女子，DR.展與Ann則營救Alan
火美凌空伸指一彈，Alan即時倒地，四魔欲加殺害，即被DR.展與Ann連轟四掌擊退，再救走Alan
妖艷女子為分散五美注意，一手拋起已昏迷小咪，再攻向眾人，木美接住小咪，放於Alan身旁，已覺其氣若游絲，心中一怒，連忙與四美合力運掌轟向妖艷女子，妖艷女子未能即時吸收小咪功力為己用，相拼之下高低立見，即被轟飛.....