2012末日傳奇: 序章(猝死): 共念降魔
"我地嘗試可唔可以救番Madam..." 鮑文方敬佩Sally捨己精神，心意一動，八人即以Sally為中心依八葉蓮華排列分站八大方位，凝神靜心，各人即時身泛毫光，遍照四方
"好溫暖呀...." Coral在暖暖祥光中悠然入睡....
四魔四妖見八人集合全無防範，即衝向八人意欲施襲，怎料被黃光包圍，動彈不得....
Sally同時身泛祥光，與八人毫光互相融合，身上重創傷痕漸漸癒合，更即時盤膝而坐，手結智拳印....
"胎臟界中台八葉陣成"
"哇.....好辛苦呀.....二弟幫我地報仇....." 四魔四妖身影漸漸被佛光靜化而消失
"0胡..........殺我兄弟....你地睇住黎!!" 妖艷女子身受重傷，唯有遁地而去....
畢生功力，二千年積聚修為，妖法魔氣皆被水魔使吸盡一剎，冷如月真正感受身心俱冷滋味，形神瑟縮一角，不住飛散，回想自己一生，行俠仗義，恩怨分明，只因情根錯種，落得自毀收場，怨恨難伸，殘存至今，更誤入魔道，怎料情緣再種，更因此失去所有，頓覺一切如夢如幻，似有所悟，一念之間，即置身悠悠光海之中，形神再度凝聚，渾身暖意無限，瑟縮身影漸覺輕安........
"冷如月，妳本已煙消雲散，不復存在，唯幸妳悟念一生，破除久存內心怨恨枷鎖，依一生功行之因，得形神藉天地之氣再次凝聚之果，如今魔氣已除，妳可位列仙班，成為天女，妳意下如何? " 空中觀音菩薩示現
"小女子有心願未了，望觀音菩薩首肯..." 冷如月俯首合十跪求觀音菩薩
"妳是想還陽與陳浩天廝守一生? " 觀音菩薩一語道破冷如月心事
"觀音菩薩果然無所不知，小女子正是此意.." 冷如月嘆服觀音菩薩
"冷如月，妳先抬頭望望本座...." 觀音菩薩語氣平和
"Ada...真係Ada?.." 冷如月大表驚訝，回想茶座聽到Ada再述八字真言，心中只覺存疑，如今一見，Ada真是觀音菩薩化身，那之前Ada為自己按摩，並一直關懷呵護，就是要自己醒悟...想著想著，不禁深深感動，熱淚盈眶，暗自斥責自己愚昧
"冷如月，妳悟性不差，只因怨念難平，蒙蔽心識，本座此番施為，能令妳醒悟，不算委屈，莫要自責..." 觀音菩薩看穿冷如月心思，慈言安慰
"那小女子是否能如願? " 冷如月誠心仰望觀音菩薩，流下熱淚
"小咪肉身本不應再於塵世生存，如還陽會有違天意，顛倒陰陽..." 觀音菩薩如情實說
"觀音菩薩...世間方便法門無數，何不施為? " 空中大日如來示現
"Madam? " 冷如月更感驚訝
"當日冷如月見小咪被害，仗義除奸念頭一起，即與小咪肉身有緣，而所誅之人皆惡貫滿盈，實屬天數，更因此得遇良緣，雖入魔而不作惡，若執意分離，情何以堪，再者借屍還魂已多見先例，何不玉成好事?" 大日如來細說因果始末
"觀音菩薩，如來所言甚是...望應冷如月所求賜予還陽.." 空中再示現彌勒，普賢二大菩薩，同為冷如月心願說情
"Janet!!... Yuki!!.....多謝妳地..." 冷如月錯愕之餘，感動痛哭
"冷如月，妳言行感天動地，連菩薩亦為之動容，替妳說情，本座如妳所願，特許妳還陽，以凡人之驅再續未了緣，妳功力妖氣已失，不需再吸精為食，一切與常人無異，仙班之位，待壽終之時依今生所作再行定奪 " 觀音菩薩應允冷如月所願
"小女子感謝諸佛菩薩慈悲教化.." 冷如月俯首跪拜
"冷如月...一切珍重!!" 大日如來與三大菩薩一同隱去....
被縛靈索所縛得以保住殘留意識的John，如今置身光海之中，忽覺輕安自在，身上繩索消失於無形...
"John，而家冇人會再傷害Coral，你係時侯要走喇...." 火美緩緩步至John跟前
"大師，既然Coral冇事，我都冇咩可以再要求，只係臨走之前我想再攬一攬Coral...算啦，我都知咁係冇可能既 ....." John內心百感交集
"只要心存希望，冇野係冇可能既...." Sally步至火美身旁向John微笑 "你睇下後面....."
"John !! " John 轉身一望，Coral正步向自己，即驚訝站起，神情激動....
"Coral !! 真係妳呀!!.." John與Coral深情互望，熱淚盈眶，隨即激烈相擁...
"John!! 你好傻....你為左我唔顧自己...." Coral激動痛哭..
"只要妳冇事...我變成點都冇所謂.....Coral!!...." John想到永別在即，難掩哀痛之情
"保護Coral呢段日子，我俾佢對John日思夜想既心情感動，趁呢個機會俾Coral既靈識見佢最後一面...." Sally 與 火美四目交投，兩人同感唏噓....
"如果唔係妖孽妄為，佢地都唔駛分開...." 鮑文方及其餘六人此時亦步至兩人身旁
"唔通真係冇其他辦法? " 金美亦替這對小情人不值...
"我地唔係樣樣野都可以改變到..." 水美輕按金美肩膊..
"我地唔可以令John番生..." 木美無奈感慨 "呢個係天意...."
"但係佢地真係好可憐啊....Simon..." Ann惋惜地望向身旁DR.展
"佢條屍俾妖法封閉過血管，而且魂魄唔齊..." DR.展無奈望向Ann "即使入番驅體都只會成為植物人，咁對佢地咪仲殘忍..."
"既然係咁冇辦法啦...." 土美望向火美 " 係時侯喇...."
"John!! 要走喇!! " John聞言慢慢放開 Coral，兩人拖手對望，依依不捨
"John...唔使擔心我喇....你放心走啦...." 為免John難過，Coral收起眼淚，強顏微笑
"Coral...妳要保重....我走喇..." John緩緩放開拖著Coral雙手，後退一步，轉身面向火美 " 大師...我準備好嘞.."
"好..." 火美淡然施法放出蓮花，置於John腳下，Sally同時步至Coral身旁，輕按其肩....
"走啦!!" 火美意念一動，John徐徐上升，飛往西方極樂...
"Sally姐......嗚.....嗚....." Coral伏於Sally懷裡痛哭，腦海再流轉兩人定情歌曲.....
"~路縱遠 未計算,浪裏滔滔不會倦~"
"~星光倚天邊 願天天月會圓~"
"~話再見 夢去遠 夢已甦醒撕片斷~"
"~願教青天 給我繼續懷緬~"
"總算都告一段落，就等Sally安慰佢啦...我地要走嘞..." 鮑文方與五美，DR.展，Ann慢慢隱去....