2012末日傳奇: 序章(猝死): 重生做人
空地上，Sally緩緩睜開眼，驚覺自己肩膊胸腹痛楚全失，質疑身受如此重創，必死無疑，何以安然無恙? 一時未知發生何事，欲以手支撐身體坐起，身旁火美土美連忙俯身摻扶....
"郭大師，忍者? 究竟發生左咩事呀? 咦....Coral呢 ?" Sally腦海一連串問號...
"原本只係諗住救番妳，點知竟然誤打誤撞合成左中台八葉陣降魔.." 鮑文方望向Sally
"妳就係大日如來靈光應化而生..."
"妳而家開始係我地一份子喇...." 火美微笑相向
"妳真係好勇敢喎!!" 土美衷心敬服
"一直都想見下妳，終於有機會嘞..." 金美笑向Sally伸手 " 我係金美，Janet..彌勒菩薩靈光化生..."
"我係木美，Ada...觀音菩薩靈光化生.." 木美伸手附和
"我係水美，Connie...文殊菩薩靈光化生..." 水美亦伸手蓋於兩美之上
"我係火美，Kitty... 阿彌陀如來靈光化生.." 火美與土美已扶持Sally站起，伸手支持
"我係土美，Yuki...普賢菩薩靈光化生.." 土美同時伸手
"我叫鮑文方，Jacky...寶生如來靈光化生..." 鮑文方亦步前伸手
"我係佢妹妹，鮑文琪Ann....不空成就如來靈光化生..." Ann亦伸手支持
"我叫展莫銘，Simon...阿閦如來靈光化生..." DR.展自然跟隨眾人行動伸手
"你地...." Sally靈智漸漸清晰，浮現剛才經歷，自知他們所言非虛，亦微笑伸手蓋於眾人八手之上 "我叫張美倩，Sally...大日如來靈光化生...咁多位多多指教!!"
"中台八葉於當世示現，正是大事因緣，爾等如今明矣..." 聲音出自夜空祥光乍現處
"弟子頂禮弘法聖尊!!" 八人同時下跪，祥光現出聖尊法相
"弟子頂禮師尊!!" Sally見皈依上師示現，即感動跪拜
"張美倩，可記得當初汝為爾摩頂授記之時如何說? "
"師尊預言弟子未來得遇奇人，並有大劫，會轉危為安，扶助奇人護持正道，如今足見師尊神機妙算.." Sally一一憶述當日皈依時聖尊所言
"冷如月一事，汝知矣，爾等應用世間法方便眾生，亦無不可，然而亦要合世間情，法，理而行，爾等明白否? " 聖尊提點眾人要依照現世倫理妥善處理
"弟子明白，謝聖尊慈悲開示.." 九人心中已然明暸聖尊所指
"妖魔當世橫行，爾等當合力抗衡，一切如意吉祥，吾去矣..." 祥光消失，夜空回復清朗
"弟子恭送聖尊!!" 眾人跪拜後連連站起...
"小咪唔可以無身份咁居留香港.." DR.展望向 Sally " 相信警方可以翻查入境紀錄，搵到佢既真正身份...."
"唔可以呀...." 土美憶起上次咖啡灣一戰..." 我上次用手裡劍割傷左佢，現場留有血漬.."
"仲有現場個網絡監控鏡拍低左佢行兇過程，只係我地搵唔到佢..." Sally同時轉向土美 " 段片仲有妳同佢打鬥過程，所以醫院我見到妳一d都唔覺得出奇，只係唔知是敵是友.."
"換句話講小咪而家俾警方通緝緊...." 金美大驚..." 咁點算呀? "
"佢真係殺左人.....我地都冇辦法幫佢.." 鮑文方忽有所悟 "聖尊要提醒我地既其實係呢樣.."
"咁就要睇小咪造化喇...." 木美與眾人望向仍昏迷小咪 " 等佢醒番至算啦..."
冷如月返回小咪軀體後，小咪徐徐醒轉....
"呢度....啊!!... 係你地呀..." 小咪睜開眼睛，望向眾人..
"妳終於醒番嘞...." 木美微笑探問 " 我地好關心妳..."
"多謝你地....咦...Alan呢? " 小咪擔心愛郎情況...
"妳隔離果個咪係囉...仲未醒..." 金美臉上一紅 ，伸手一指 " 妳......可唔可以過去放番好佢先呢，佢...已經吹左好耐風架嘞...?"
"下...哦...哦.." 小咪驚見Alan已軟垂下身仍露於褲外，不禁臉泛紅霞，忙移身前往整理..
"我地當初冇諗到...即使小咪唔再係魔，都要接受法律制裁...." 鮑文方見小咪如此著緊Alan，不禁慨嘆
"我睇未必，而家未搵到條屍，呢件只係失蹤案.." Sally另有看法 " 我爹地係警司，今年踏入政治敏感交接期，個個都想平穩過渡，John呢單屍體發現案，程序上佢都係等家屬認屍領屍離開之後就Close file結案，因為警方冇能力去拉，即使有，亦都冇可能拉行兇者上法庭，咁會引起騷動... 況且我地已經將妖怪正法，都算真正可以結案嘞!!"
"所以妳認為小咪單案都會係不了了之? " 木美關切詢問
"其實我地同事已經查到佢身份，入境記錄係劉美詩，上海人，獨居，1988年出生，2011年12月20日入境，父母早忙，有多次出入境紀錄...." Sally正翻看其手機內資料，忽然驚呼 "弊喇!! 我昏迷之前接通左電話俾我個team leader，佢知道我位置應該會過來搵我....咁你地..."
"我地要走就話都冇咁易啦..不過小咪已經係普通人，Alan又未醒...." 土美顯得憂心
"我同Ann開車送佢地返去啦..." DR.展已一早預備，打開"鬼車" 車門
"小咪...我地行喇.." Ann與DR.展心靈互通，一早已步近小咪，準備與小咪扶Alan上車，安頓好後，亦各自上車就坐
"小咪....帶路去你地度嘞 " DR.展回頭囑咐坐於後座小咪後，"鬼車" 緩緩開行，駛離空地
"Coral冇咁快醒，我照顧佢得嘞.." Sally 笑臉相送 " 我地再聯絡吖!!"
"咁我地都走喇..." 鮑文方與五美即騰空而去，Sally目送他們，好生羨慕，心想何時方如他們一樣修為...
眾人剛走不久，James馬與一眾探員已驅車到達...
"Sally...妳冇咩事嗎，聽醫院伙記話妳受左傷..." James馬下車見到Sally，即表現緊張
"冇事呀，唔信你睇...." Sally即時活動四肢，以示無恙
"咁我就放心喇...如果唔係都唔知點同張警司交代.." James馬聞言始釋懷
"就天光喇，我自己揸車送Coral返醫院得嘞...不過要搵多個姊妹幫手扶佢上車.."
"Sally，我幫妳..." 女探員與Sally扶Coral上車後，坐於後座照顧她
"我地都一齊去.." Sally驅車離去時，James馬亦與眾探員上車，跟隨Sally駛回醫院.....