2012末日傳奇: 序章(猝死): 脫胎換骨
此刻Sally於池邊盤膝而坐，雙手合十置於胸前，八人亦置身八方位盤坐圍繞Sally，鮑文方和DR.展為免尷尬，與Ann坐於Sally背後，雙手合十，再氣運右掌分按左中右背三個位置，土美木美則坐於Sally左右伸掌按其左右肩膊，金美水美火美則坐於Sally身前伸掌按於左肩胛胸口右肩胛三個方位，Sally雙手轉放丹田交疊，全身放鬆，感受八人外力慢慢緩和體內氣勁，更引動本身真氣流轉融合，登時靈光一閃，氣隨意動，行經全身大小周天，十二經脈，奇經八脈，再回流丹田結聚，渾身輕安舒泰，八人覺其氣感，已知大功告成，紛紛回手合十調息收功， Sally只覺渾身香汗淋漓，心意一動，人已躍起墮進池中....
"啊........" Sally感覺自己身體變得輕盈，不禁驚訝
"妳試下氣運雙掌打出去睇下點? " 火美已站於身旁作出鼓勵
"好呀......" Sally運掌撃向前方池水中，池水即被氣勁分開.....
"嘩!! ....." Sally望向火美目瞪口呆
"妳再試下跳起身睇下...." 木美在池邊呼喚
"唏!!..." Sally已一躍騰空，然而未能習慣，停留空中未能下墮...
"哇!!..咁既....." Sally顯得手足無措，正欲求援，金美土美已置身左右，與其落回池邊....
"唔駛驚....妳未學御空術，唔可以好似我地咁啫...." 水美拍了拍仍驚魂未定的Sally安慰 "一陣我教妳....."
"咦....Jacky同Simon佢地..." Sally環顧四周，提出疑問..
"佢地話呢度唔方便逗留...返左書房..." 金美神情得意望向Sally " 都話佢地係正人君子黎啦 !!...."
"我眼光都唔會差呢!!....." Ann亦頗為自豪望向Sally....
"陣間一定要多謝佢地...." Sally眼神充滿感激
"實有機會....一陣全部人都要去書房..." 水美即通知眾女準備............
碰上逢星期三與星期日的賽馬日，馬會場外投注站附近的茶餐廳總是格外擠擁，皆因牆上大電視直播賽馬實況，投注馬迷全神投入，只需惠顧午/晚餐便可佔有座位，隨時離開往投注站下注後再折返觀看賽果，期間再惠顧飲品小食，便可心安理得逗留至賽事完畢，茶餐廳東主亦樂於招呼這群固定顧客，"成坤茶餐廳"東主坤叔在土瓜灣區內經營三十年，自然深明箇中道理，雖然自己不喜賭博，但因此留住一班老主顧，亦不失為一件樂事，兼對他們懷有一份深厚的感情，今晚賽馬夜，又是聚首一堂的時間....
"多謝三十八蚊..." 坤叔在收銀櫃檯正忙於找續 "收你一百 ....."
"嗱...找番六十二....." 客人推門離開之後，坤叔發現檯面不知何時多了一封利是....
"蝦....邊個擺低呢....? " 坤叔疑惑地打開利是，發覺內裡只有一張寫有數字的撲克牌....
"121321...咩意思呢? ..." 正在思索期間.....
"連輸兩場.....唉...又要入錢嘞....." 老主顧林伯的抱怨聲打斷了坤叔的思潮，令他心生一念....
"林伯!!好運呀..." 坤叔將撲克牌放回利是封內，待林伯推門往投注站時靜靜塞向他....
"啊? ..多謝..." 林伯只當是一個意頭，不會想內裡放有金錢，往投注站途中打開一看，只見一張寫有數字撲克牌，亦覺疑惑....
"121321..一定唔係六合彩霖把啦...." 林伯步進投注站，聽到服務員宣傳 " 今晚六環彩六寶獎有四百萬..."
"就博呢六個霖把都係跑第一，買十蚊六環彩啦....." 林伯心意一動，即步往投注窗口下注......
愉景灣山上別墅大屋內，五美，Ann與Sally已到書房準備和鮑文方與DR.展共同商議"英雄宴"當夜赴宴細節，Sally先向鮑文方與DR.展道謝....
"多謝Jacky，Simon同咁多位姐姐幫我打通經脈....." Sally流露感激神情面向眾人
"都要Sally妳自己明白箇中竅門先可以運氣自如，我地只係從外激活左妳本身真氣啫..."
鮑文方再作解釋 " 如果單靠外力同意念流動全身既氣，根本就唔係真正打通經脈，真正要由體內逐個逐個穴位都感受到真氣流動，先係妳打通經脈既親身驗證，妳果然天資聰敏，咁快領會到，而最重要係....妳唔介意赤身露體面對我地...先至會成功...."
"當我知道左英雄宴事件真相之後，一心想快d助你地一臂之力，唔想好似上次咁成為你地負累，除此之外我咩都冇諗...." Sally忽然面上一紅 " 況且我地都只係肉帛相見，又冇...."
"睇黎我地又多一個女中豪傑嘞..." 金美連忙讚美Sally以緩和尷尬氣氛 "後晚多個自己人坐埋一檯， 食都食得開心d...."
"冇錯...到時我地表現自然d，抱住去飲宴既心情就得.." DR.展綜合鮑文方意見 " 我地都認為對方後晚唔會有咩激烈既反應，極其量只係混入賓客之中探下虛實，我地到時只需要留意下同檯既人就可以，即使真係察覺到有都唔可以出手，要隱藏身份同實力，同埋唔想釀成混亂情況，我地今次目的只係想了解對方收左賓客資料之後會做D咩.....Sally，妳係警務人員，而家仲身懷絕技，更加要收歛下，知唔知? "
"係!! Simon...Sally明白!!" Sally微笑面向DR.展
"我已經準備左到時同各位既易容化妝衣飾，想試衫既跟我去啦!!......喂..唔駛急喎...." 木美一言引來眾女起哄，被連推帶擁的拉出了書房，剩下拿起茶杯呆望她們離去，臉上表情奇怪的鮑文方與DR.展....