2012末日傳奇: 序章(猝死): 群英赴宴
荃灣愉景新城商場大堂，已多次成為商業宣傳的首選場地，大時大節總是水洩不通，即使平常夜晚，亦不見得遊人冷清，他們最後都能盡興而歸，畢竟人人都為尋歡而來，今夜，"英雄宴"舉辦會場，一眾賓客於下午已排隊等黃昏後進場，為自己及家人挑選最佳位置，卻還未知這次赴宴，將改寫一生命運，幸好，今次他們亦參與其中...
"Ann，好彩我地早d到排頭位咋，妳睇後面條人龍幾長...." Sally神情得意望向Ann
"其他人仲未到.." Ann攤開手掌計算... " 阿哥同金美水美姐啱啱出門口，火美姐睇緊風水，木美姐有客約左化妝，土美姐剛剛先收工，Simon仲忙緊大學d野，如果唔係怕妳一個悶，我都要幫佢手..."
"係嘞.....妳尋日探過小咪....佢點呀?.." Sally趁有時間順便一問
"佢幾好...我轉告左實際情況佢知...佢好開心好快可以自由，唔駛再呃Alan，仲話遲d同佢補去澳門..." Ann邊說邊手舞足蹈
"咁就好喇，再忍多一陣就可以去邊都得...." Sally亦喜上眉梢
"仲有小咪話最近同Alan..." Ann貼近Sally耳邊 "咩果陣開心盡情左..."
"呵...有關係既咩?..." Sally臉上一紅 " 之前我知佢地一開始已經有...."
"佢話做左普通人之後做果陣感覺唔同左......" Ann仍在耳語Sally "以前唔多唔少最後關頭要停...用口吮去維持生命.......而家唔駛停，感覺強好多喎!!...."
如是者兩人興致勃勃，無所不談，Ann講及她的大學工作所見所聞，Sally則以其外國大學生活和查案經歷作交流，不經不覺消磨了一個下午，當黃昏時分到臨，工作人員開放閘門，兩人率先飛奔至一圍檯前坐下，再施然觀望四周混亂情況......
"果然冇揀錯妳地黎排隊....呢張檯見哂全場環境...正!!" 鮑文方西裝筆挺赴會，身旁金美水美亦花枝招展，三人已趁混亂時進場就坐...
"我地啱啱先坐低你地就到..." Ann作出推敲 "係咪一早已經到左，等啱時候先現身呢?"
"我地唔係一早到...." 水美忙加解釋 " 不過係到左視察環境先，都算妳叻啦!!"
"呢個場面好似電視台攪劇集結局宴咁噃...." 金美讚嘆現場環境佈置華麗....
"我知!! 妳講果套...." Ann與Sally幾乎同時道出
"妳地兩個幾合拍噃..." 水美笑對兩女稱讚
"我睇妳地可以練習雙劍合壁，一定威力驚人..." 鮑文方亦附和水美見解....
"係!! 嘻嘻......." Ann與Sally相視一笑，甚有默契......
夕陽西下，入場人數漸見增多，土美，木美與DR.展已先後就坐，直到臨開席前十五分鐘，火美急步趕到，正當剛坐下不久，一身穿西裝年輕男子步近....
"請問....呢個位有冇人坐呀? " 男子右手指向Sally身旁空位...
"哦..我地人齊了，請隨便..." 眾人互望了一眼確定不需留座
"哦..唔該...." 男子有禮地就坐.....
"先生你冇同朋友一齊? " Sally為免對方尷尬獨坐，率先向男子開腔挑起話題.....
"我都係一個人登記.. 咁你地係成班同時登記既? " 男子開始對同檯人感到好奇...
"哦..我地成大班朋友...不過分開登記啫...." 水美察覺男子懷疑目光，忙加解釋，並同時以傳心術知會各人暗中留意男子言行...
"咦...馬Sir? " Sally忽看見James馬與其妻步進會場，連忙呼喊
"Sally? 啊!! 連Ben都黎左? " James馬即與妻步住兩人面前
"馬Sir你地又會黎既? " Sally與Ben幾乎同時向James馬發問
"哦..我老婆行街見到人派卡片，貪得意攞左跟住登記..." James馬隨手指了指其妻
"大家好!!我叫Shirley.." Shirley似不想被人稱作馬太，忙自我介紹...
"馬Sir你識佢架? " Sally大感疑惑先望向James馬再望向Ben.....
"妳之前唔同地區做野冇機會見過佢啫..." James馬望了望Ben " 你自己講啦!!"
"我姓霍，叫Ben，係法醫助手，多多指教....." Ben向Sally自我介紹，並同時望了望眾人
"我叫Sally，姓張...." Sally向Ben打個招呼後轉問James馬 " 你地有冇朋友一齊呀?呢度啱啱好有兩個位..."
"哦...好呀..." James馬示意Shirley就坐 " 坐啦..."....
"呢個係我Team Leader 馬Sir..." Sally正式向各人介紹...
"你好...馬Sir..." 眾人禮貌向James馬打招呼
"除左郭師傅之外，未知點稱呼各位呢?" James馬伉儷除認得美女風水師外，其他則未有印象
"我叫Jacky... 我叫Janet....我叫Ada....我叫Connie....我叫Yuki...我叫Simon...我叫Ann...." 眾人隨即向James馬作簡單介紹.....
"馬Sir過獎喇..." 火美亦笑面相迎James馬伉儷，Shirley即時討教自身風水問題.....
"Simon原來係生化系教授..而Jacky係網絡公司CEO，果然後生可畏..."James馬甚表嘆服..
"睇唔出霍先生年紀輕輕，竟然係法證先鋒噃..." 知悉其身份乃執法人員，水美同時知會各人對Ben不需再特別留神......
其實在他們一輪寒暄時，舞台上司儀已宣佈"英雄宴" 正式開席..........