2012末日傳奇: 序章(猝死): 雙劍合壁

入夜，Ben已被全身麻醉在床，以便抽取基因製藥，五美，鮑文方與Sally分別隱藏於研究院四周，以作戒備，果然不久即有數團黑影於草地閃過...... 



"Tommy!! " 木美認出其中一個是"怨鬼"，即當日向自己求救的Tommy.... 

"吼......." 怨鬼沒有回應之餘，更衝向木美..... 

"佢心智已失...小心!!" 火美隨即移向木美，同時施放定身符... 





"鏗!!" 一手持雙刀黑影撲出，擋在怨鬼之前打落飛符..... 

"可惡....震驚百里!!" 鮑文方見飛符被打落，即氣運雙掌如龍吟擊向黑影... 

"雕蟲小技!! 唏 !!" 黑影無視降龍掌來勁，揮舞雙刀斬斷氣流，看似將雙龍以快刀分成數十段.... 

"佢竟然可以咁輕易破左降龍掌...唔通係..." 水美騰空再放定身符，土美亦同時從另一方向疾射手裡劍試探虛實.... 

"多d黎密d手啫!! 俾番你地!!" 黑影雙手舞動雙刀之餘同時自轉，彈開之飛符和手裡劍更回擊眾人，眾人連忙閃避.... 





"睇下你擋唔擋到子彈...." 金美雙鎗連發，黑影不閃不避，降魔子彈穿體而過，絲毫無損... 

"人非人，妖非妖，又盡得斷水流真傳...佢究竟係邊個呢?..." 木美見黑影所用乃斷水流刀法，大惑不解之際，更驚覺 "唔見左怨鬼同其他黑影既.....Sally呢? " 

"佢見d黑影入左大樓，追左上去..." 土美仍苦思如何應付眼前雙刀黑影....
 
走廊上，群妖正欲衝進DR.展與Ann身處的生化研究室..... 







"想入去? 問過我先!! " Sally從後騰空一躍落到門前，擋住去路... 

"吼......" 怨鬼率先發難，伸爪撲向Sally，隨後六妖亦蠢蠢欲動.. 

"我唔會俾你地過到去..." Sally察覺群妖有聲東擊西之意，即氣運雙掌擺起太極架式，牽動四周空氣形成氣牆，迎擊怨鬼之餘同時以氣牆強大迫力震懾群妖不敢妄動，怨鬼只能單打獨鬥，佔不到絲毫便宜...... 

"Sally!! 我地一齊上!!" 怨鬼獨戰Sally已感吃力，冷不防被人一掌轟飛...... 

"Ann? 妳唔係要幫教授手咩 ? " Sally見Ann輕盈落到身旁，不禁疑惑... 

"Simon叫我地雙劍合壁，佢一個整就得嘞.." Ann與Sally相視一笑... 

"好!! 就睇下我地太極素心掌既利害!!" 兩女同時雙掌運成太極圈擊出，六妖同被強大氣勁轟退..... 

"我地快d出去幫佢地手啦!!...." Ann一招得手，自信滿溢 





"唔怕班妖孽再入去偷襲咩?...." Sally似有疑慮..... 

"Simon佢有辦法架喇....行啦!!" 兩人隨即破窗而出.....


草地上，雙刀黑影與鮑文方，五美正在對峙..... 



"等我地五個會一會你!! " 金木水火土五掌齊發，轟向雙刀黑影 

"不自量力!!" 雙刀黑影舉刀硬擋五美來襲，再往前一推，將五人震飛.... 

"呢種招式...以前好似見過....." 火美與四美落地後均口角溢血，顯然內傷非輕... 





"到我地喇!! 太極素心掌!! " Sally與Ann趕至，見五美竟身受重傷，忙收歛心神出招... 

"不外如是....唔?..." 雙刀黑影依舊舉刀擋格，料不到掌勁竟繞刀而過，忙運起刀網應付，掌勁即化整為零，找尋空間進攻.... 

"糾纏不休...算喇...今日放過你地!!" 雙刀黑影毅然收刀，以本身功力吸納掌勁..... 

" 鐮倉千刃.....你係咪斷水流始祖鐮倉千刃?" 經火美這一提問，土美回想起一段往事....