2012末日傳奇: 序章(猝死): 穩定繁榮

1868年1月3日，睦仁天皇發布「王政復古大號令」，宣布廢除幕府。經過討伐幕府的「戊辰戰爭」，推翻了統治日本長達200餘年的德川幕府的封建統治，建立明治新政權，在「求知識於世界」、「文明開化」口號下，掀起大規模的攝取西方文化運動...... 


"主公!!....時代已經唔同....再盲目堅持信念都改變唔到一切...都係等在下護送主公離開啦!!..." 侍衛正勸諫已失勢的鐮倉千刃撤退 

"進!!....我唔會走.....你同千鶴即刻離開!!" 鐮倉千刃直指侍衛身旁的女孩.. 

"主公唔走，神奈進都唔走!!" 侍衛俯首抗令 

"唔通你想你個女陪你一齊死? ....快D走!! " 鐮倉千刃發出怒吼... 





"神奈家所有人性命一早已經交左俾主公，唔會再有顧慮...." 侍衛意志堅決.... 

"蠢材!! 你有權操控佢生命咩!!" 鐮倉千刃步前輕撫女孩頭額 "佢精靈聰敏，雙目炯炯有神，一睇就知係可造之材，將來定有一番成就，你要應承我一件事..." 

"主公即管吩咐，在下一定赴湯蹈火，萬死不辭!!" 侍衛靜待鐮倉千刃下令.. 

"你要帶佢離開，立佢為甲賀派傳人，授佢畢生絕學，我斷水流今日後繼無人，唔想再見到一代忍術失傳...." 鐮倉千刃拔出短刀 "如果你再唔帶佢走，我立即切腹!!" 

"主公....保重...在下告退..." 侍衛見鐮倉千刃舉刀作勢欲自刺，即無奈拖著年幼女兒閃身而退... 





當年的女孩神奈千鶴，正是今日的土美，當她從回憶中返回現實，雙刀黑影早已消失無縱.......



幾天之後清晨，太平山頂上，兩位香港舉足輕重人物又再遠望山下維港全景...... 



"今次好彩有驚無險，研製到解毒劑，及時制止左一場浩劫...." 





"不過事件太過匪夷所思，到而家都查唔到佢地點樣中毒..." 

"有時知道太多，都未必係好事.....畢竟今年處理樣樣事都應該低調D好... " 

"咁又係...香港始終係福地，經歷過咁多驚濤駭浪都可以穩守，唔需要操心..." 

"我仲有野要善後...要走先喇...." 

"好!! 辛苦哂 !!" 

其中一人離開後.......... 

"特首....睇左我俾你份報告未..." DR.展現身並手拿PASS伸向特首... 





"睇左....今次辛苦哂你地....冇左你地，香港真係不堪設想...."特首接回PASS.. 

"危機啱啱先開始，跟住會發生咩事冇人預料到...." DR.展神色凝重 "管治上要面臨重重考驗....." 

"我只係見證交接時代來臨啫....之後會由佢地去處理...." 

"咁好啦...有咩事我會暗中幫你，亦係為左香港穩定繁榮....保重喇....." DR.展向特首告別.. 

"好彩現世仲有英雄，奇俠...." 特首目送DR.展漸遠身影，不禁輕嘆.....