有一晚一個來電: 愛是恆久忍耐(下)
燒烤其實我都幾鍾意，
係就係麻煩ｄ，要自己燒，
但勝在夠多野食呀麻，
當然我同amy，阿力阿薇一組就唔撚少得架啦，
仲加多左幾個fd，費事介紹啦。
埋到爐既時候，又係老奉，
女仔會點男仔去透爐。
連amy都唔例外．．．
Amy：喂！阿樂，快ｄ去透爐啦！
唔駛做咩！只係坐係度！！
我：屌，點解要我透呀！！
Amy：因為你係男仔囉，仲駛問既。
我：我唔覺得我地呢組有邊個係女仔囉！
Amy：死啦你，即係話我似男仔姐！！
我：Amy，即係咁，
好明顯，我睇你既臂彎，
就知粗過我大肶！
可以用到大肶咁粗既力度去透爐，
就睇怕只係得你一個，比小弟我見識下啦！
Amy：見你條命呀，拿拿起啦！
（Amy即刻起腳想踢我屎忽）
我：踢唔倒，踢唔倒！
Amy：咁得戚呀！一陣玩game你就知死！
阿力係果個時候，已經唔理我地，
開始透爐啦，有佢係度我就放心，
因為我根本唔撚識透！！
我埋去望望阿薇，見佢拆緊ｄ包裝袋。
我：薇姐，
你今日有冇帶你既後現代金瓶梅黎睇呀！
阿薇：超，你傻架，
今日旅行都帶黎睇！
我：你都會識分timing架咩！
上堂時又係咁睇！
阿薇：咁人地悶呀麻！
你識咩呀，呢ｄ係女人既浪漫。
當時，其實唔知係我地一間學校去果度旅行，
其實仲有好幾間．．．
果時心諗，唔知阿紫，會唔會又係今日去旅行呢？
唔知佢．．．又會唔會係呢度呢？
一想到呢度，我就把心一橫去周圍兜下，
兜就一陣，我見到．．．．
嘩，第二ｄ學校有咁鬼多靚女既，
真係好撚葡萄，點解我地就冇，只係得amy同阿薇。
天要亡我呀！！
我好沮喪咁返返去，
咦！原來已經透好啦喎！
正，咁我就拿拿林過去燒野食。
阿薇：食屎啦你阿樂，
頭先又行左去，而家見有得燒啦，
先返返黎！！
阿力：哈哈，阿樂，
你又係仆街ｄ既，今次我真係幫你唔落啦！
Amy：係囉，你睇下連阿力都唔幫你，
證明你份人真係好狗啦！
我：WFC！有得食就得啦！
然後我就諗住去拮腸仔食啦，
點知Amy拎個屎忽撞開我。
我即刻飛遠幾尺。
Amy：哈哈，阿樂唔好意思喎！
睇唔倒你添！
我：死啦你，好明顯特登啦！
你好鍾意食腸咩？
拮咁多！
Amy：你就鍾意，
我幫阿薇拮埋呀，
似你咩！！
我：咁唔爭在幫我拮埋呀！
Amy：我埋黎拮你就有份！！
我：冷靜，冷靜，千祈唔好拮我呀！
阿薇見到我地擾攘咁耐，
就埋黎睇下我地咩事！
阿薇：搞咩呀你地，搞咁耐既？
我：阿薇，你黎得岩啦，
Amy想拮我呀，我埋唔倒去叉腸仔。
阿薇：哎呀阿樂拿拿林啦，
一陣可以多ｄ時間玩ballgames呀麻！！
我：下．．．唔好啦掛，
我諗住只係食架咋．．．．
阿薇：食你條命咩，
前世未燒過烤呀！
快啦唔好晒時間！！
屌，點解係我身邊既女仔都咁撚惡架，
我只係想要個斯斯文文都咁難咩！！
望住遠端果班外校靚女係度燒烤，
我心諗：如果可以同佢地一齊玩ball
就好啦！！！
食完野，吹完水，
係時間啦，
我地amy帶左個排球去玩波game。
我地group埋多d人玩之後，
就開始玩了，第一個遊戲，
當然係熱下身，玩數字球先啦！
玩之前我地每個都報下數，
講自己咩號先，屌，等我記住amy個
number先，頭先係咁針對我呀拿！！
我：４
阿力：５
阿薇：８
Amy：１０（哈，你仲唔死）
我地有十個人玩，Amy就偏偏係十號，
仲好，又易記。
我地就求其搵一個人做開波果個，
無名氏Ａ諗左一諗，
就將手上個波向天拋出，
排球上升既一剎那，
同時無名氏Ａ就叫左個number！
隨之而來既係一偏叫喊聲，
ｄ人就開始四散啦！！！
無名氏Ｃ好快一手接過個波，喊：停！！！！！
當然我老死都走遠多步先停啦！
然後就即刻叫：４號！！
哎，屌啦媽啦真係，
走得咁撚遠，實唔可以即刻接實個波啦！
我見唔對路，
就只刻用超時空狗衝，
狗秒狗咁仆返去接實佢，
點知．．．．
屌！！彈左地一下！！
我接實後即刻叫停！
哈，點知我叫到amy條友仔
好奸咁走多一步！
哼！！今次我一定要掟撚死你先得！
因為可以纜三步。
咁我就用盡我跳遠既運動底子，
將果三步纜到盡一盡！！
我：哈哈，amy，你仲唔死，
掟撚死你個仆街！
然後我就掟出精靈球，
精靈球係空中高速旋轉．．
．．．．．．．．．．．．
．．．．．．．．．．．．
精靈球最終接觸到amy既背脊。
Ｙｅｓ！！！！中呀！！
仲收服唔倒你隻amy怪！
Amy：阿樂，你個死人野！
我實會報仇架！
我：嘿嘿，君子報仇，十年未晚，
十年後先返黎搵我啦！！
玩完數字球，
當然唔少得馬騮搶球啦！
我地猜包剪揼，
結果阿薇做馬騮。
其實佢唔係跑得好快，
但係就好aggressive，
所以我都要打醒十二分精神。
但因為我地實在玩得太小心，
阿薇都好快冇咩氣。
我見咁，惟有等個機會啦，
點知．．．終於比我等到！
amy想交個波比我，
但我特登無接實，應該話，唔去接（而家諗返都好狗）
，比阿薇掂到．．．．．
咁理論上我掂唔到波皮就係Amy做馬騮既！
Amy：死阿樂你發左雞盲咩，
累到我要做馬騮。
我：咪好囉，比機會你報仇呀麻！！
因為amy佢龐大既身型，
同食左幾擔豬油般既slowmotion，
當然唔能夠抵擋我地傳波啦！
我：點呀，冇氣啦，
又話報仇既！
Amy：你條死仔，
一陣玩閃避球你就知死！
因為我地見amy佢真係冇咩力氣，
所以阿力就代左佢做馬騮，
我地玩左幾次之後，
就休息下，玩埋最後既閃避球。
咁多個ballgame之中，
我最鍾意就係閃避球架啦！！
一開波大家戰況已經好激烈，
Amy就索性追住我黎掟報仇，
好彩我有既係耐力同爆發力，
佢當然追唔到我啦！
不過，掟左一陣之後，
當個波傳到去我手，
掟出時．．．．．．．
就唔小心掟中左阿薇個胸。
我：．．．．．．．（即刻o左咀唔知比咩反應）
阿薇比我掟中左之後就雙手護胸，
然後成班人就鬼晒咁嘈：ｗｏｏｏｏｏｏｏｏ
阿力：哈哈，阿樂你咁衰架！
掟中人個胸！
我：我唔想架真係．．．．．
不過佢都無胸架啦！驚咩！！
阿力：唔駛怕阿薇，我幫你報仇。
阿薇一聽到我話佢無胸，
只刻一路追住我一路話：邊個話我無架！！
追左我九條街！！
因為我擔心一連串玩得太多劇烈運動會唔掂，
咁我最後都向阿薇姐投降。
其實難得既係，好耐都冇同一班朋友打得火熱，
玩得咁開心，中學既友誼，我地仲一路keep住到而家添。
完左旅行後，無幾耐，
我就會同阿紫見面，
今次，亦都係最後一次，
再次上佢屋企。
一想到，二月就冇得見面時，
我就更加珍惜一月尾我地一齊見面既機會。
我今次就醒水，
答上次阿紫同我講既巴士，
可以直接到佢家出面冇遠。
我出門時，就攬埋阿紫送比我既頸巾，
去答巴士。
今次，應該唔會遲到吧，
阿紫亦會係返上次等我果個位置。
答左個幾鍾頭車，
呼，終於到了。
落車之後，巴士亦都徐徐駛開。
我望望四周圍，
嗯，我知呢度邊度，好快就可以行到過去
約定既位置。
今天天氣有點陰暗，
但無損我見阿紫時果種渴望既心情。
我特意放慢每一步，
因為，我想數下，
我究竟要用幾多步既距離，先見到阿紫。
每走一步，我都暗暗心入面數著。
一步，兩步，三步，四步．．．．．．．
七十，七十一，七十二，七十三。
嗯，最共要七十三步呀。
呢七十三步既距離，就係我同阿紫之間既距離。
要突破它們，並唔容易。
走到約定位置之後，
我仲未見到阿紫。
還好，總好過比起要佢等我。
風亦開始吹起黎，
我仔細感受住一月份既冬風，
依然係咁刺骨無情。
我用手捉一捉住阿紫織比我既頸巾，
心入面諗：幸好，呢條頸巾可以比到無限既暖意我。
剎那間，
我感受到一份熟悉既香味係空氣之間滲透住，
我好可以肯定，係屬於阿紫。
正當我想拎返轉面之際，
已經有一雙手，從後咁攬住我。
同我講．．．．．．．
阿紫：阿樂，等左好耐拿？
我拎返轉個人，
見到阿紫，
今日著住一條淺藍色既連身裙，
加一件薄薄既白色外套。
我將頸巾既一半，
攬係佢身上，怕佢凍親，
然後我地就雙雙步入去阿紫既家。
阿紫帶緊我入去佢屋企宅門既路途中，
我就好不自然諗返起，果日係佢屋企見到佢媽咪時既情境。
其實我可以時不時上黎阿紫屋企（雖然真係唔係好多次），
個感覺真係好夢幻，
因為初時既我，萬萬到估唔到，我會識左一個有家底既女仔，
仲拍埋拖添。
我成日覺得，一個窮書生，配一個有錢既大家閏秀，
只會係阿薇既愛情小說上面出現得多。
沒想到，現實入面，竟然真係會發生ｄ咁既事，
機率已經唔係多，
你諗下個過程，其實真係好難．．．．．．．
首先你要碰上一個有錢既女仔，
同時間你要有機會同佢傾倒計，
前提係當然佢要好樂意同你傾，
繼而發展成朋友。
同時間，你要發現佢冇男朋友，
而且唔介意你既屋企底細，
唔介意你既樣貌同學識，
最難既係佢亦都對你有一種可以發展成情侶既感覺，
同埋你敢唔敢去向一個有錢既女仔表白。
以上種種因素，都係變數，
因為基本上係一個連鎖效應黎。
如果我一開波，阿紫已經唔願意想同我傾，
我一早就皮而收，更加冇可能係呢度打呢個故仔。
但係，上天竟然比我有咁既機會，有咁既緣份，
穿越以上任何一種因素，任何一種變素，
同阿紫成為一對小情人。
我前世，前前世，
究竟係付出左何等既代價，
令到我今世可以享受咁既福氣啊！
然而，愛情小說入面，
大多情侶，都可以大團圓地結局，
排除所有萬難，同返自己最心愛既人永永遠遠係埋一齊。
我尾隨住阿紫，
望住阿紫既背影，
心入面那股似夢而幻既感覺，又再次萌生起黎。
默默咁念住：眼前既阿紫，真係屬於我的嗎？
真係可以同佢一齊，永永遠遠嗎？
同到阿紫幢大廈，
阿紫話大廈既升降機槽裝修緊，
所以同我講話行樓梯。
我當然冇問題，反正阿紫並唔係住得好高。
入到去後樓梯，其實燈光有點暗，
而且樓梯有點窄，只可以同時間讓一個人通過。
阿紫既反應有點怯，
同我講話：阿樂，阿樂，
不如你行先啦．．．（佢細細聲咁講）
我：你驚？
阿紫默默地點點頭。
我：唔駛驚，我保護你，
你跟係我後面啦。
然後我就一手拖住佢，
佢就跟實我背後，
阿紫輕輕用手，抓住我一邊衫角，
感覺就好似，
一位小朋友第一次去鬼屋果時既心情，
既惶恐，又想有大人既保護。
兩三分鐘後，終於上到去阿紫既樓層。
我停一停低，
我問：阿紫，應該係呢度啦可？
阿紫：係呀傻佬，出去啦。
開左門之後，
阿紫既屋企並沒有點樣變過。
我同佢傭人打左聲招呼後，我又係成碌木咁企係度。
不過其實我有ｄ急尿，
所以．．．．．．．．．．．．．．
我：阿紫，你屋企洗手間係邊話？
阿紫：行到最入轉右面麻。
於是我就行入去啦，
呀，點知阿紫又係後面跟住晒喎。
咁我都冇理佢，以為佢唔知想要去邊間房姐，
我打開門想入洗手間，
跟住轉身想閂門果剎那，
阿紫就用手，頂住對門。
佢突然咁既動作，令到我有點驚訝．．．．．．
我：阿紫．．你，想去洗手間？
咁你去先啦。
阿紫：唔係呀。
我：咁你．．留左野係洗手間未拎？
阿紫：唔係呀。（又唔係！？搞咩鬼呢佢想）
我：咁你想做咩呢？
阿紫：冇呀，我想跟埋入黎咋麻。
佢突然講左句咁既野，令到我果時真係好不知所措，
同時間真係好難為情，問題係我好急尿喎！！
我：但係．．我想要去廁所喎。
阿紫：咁你咪去囉，我係度又阻唔倒你既。
我：比你望住，我點樣去廁所呢．．．．
阿紫：哈哈，呢個屋企係我既，
我鍾意係邊就係邊架啦。（果時我明白，阿紫係有心玩野）
我：既然你都唔怕，
咁我就照痾架啦！
我就行埋去坐廁度，除左褲頭上粒鈕，
除埋條拉鏈。
不過，我見阿紫依然係咁望住我。
頂！我仲以為我果下動作會真係嚇怕左佢，
點知佢真係唔怕架喎！
我：我痾架啦！
阿紫亦然冇反應。
我：我真係痾架啦！（阿紫你快ｄ走好冇）
阿紫：哈哈，你真係好怕醜喎！
算啦，唔玩你啦，我去拎野飲。
你係房等我啦。
係囉！一早出去咪好，係要為難我既！
成日都咁貪玩。
咁我去完廁所，
就去返阿紫間房。
第二次入阿紫既房間，
格局依然冇變，
香味依然猶存。
不過今日陰天，房間有點暗，
室內果然比起室外，溫暖得多麻。
我仔細望望書台上既書本，
嗯，應該係新學校既書本吧！
同我地學果ｄ唔同。
我打開書本作業，
見到阿紫既字體，
依然係昔日既阿紫，
筆劃柔嫩而清秀．．．．
呢種字體，
真叫人懷念啊！
我就坐係張椅度，
靜靜咁等阿紫拎完野飲返返入黎。
望住阿紫床上面既擺設，
見到我送比佢個cushion，
正正放左係佢枕頭既右手邊，
我想，阿紫訓覺時一定會攬住佢訓吧！
無幾耐，門打開了．．．．．．．
阿紫：屋企冇晒野飲呀，
啤酒岩唔岩？
我見阿紫手上拎左兩罐啤酒．．．
雖然我一ｄ都唔好酒，甚至唔飲咁濟，
我費事阿紫麻煩，
於是就點頭應承。
阿紫：阿樂，你英文咪好勁既？
我有英文唔識做呀，
你可唔可以教我呀？
我：嗯，冇問題啊。
不過，等一張凳咋喎。（我坐緊）
阿紫：嘻，唔緊要。
然後阿紫就叫我坐開一點，我同佢一人一半。
我：你夠唔夠位架，駛唔駛比多ｄ位你？
阿紫：哎呀，傻佬你咁即係話我肥啦。
我：哈，邊係呢，我驚你跌落去咋。
然後我就用右手攬一攬佢條腰。
我繼續話：咁咪唔會跌囉，係咪？
阿紫就甜甜咁細聲話：我唔識做呢幾part呀。
咁我就慢慢咁，細心咁教佢啦。
我一路睇住阿紫做功課，一路望住阿紫既側面。
人地成日話，男仔認真果時係最有魅力。
我倒覺得，其實女仔認真果時都唔差啊，
果時阿紫專注既樣，真係好靚。
我望住佢望得太入神，
阿紫就用筆dook一dook我個頭。
阿紫：傻佬，做咩眼定定望住人喎，
我呢度唔識啊，傻佬又唔比反應我。
我：係係係，唔好意思唔好意思，
呢度因為佢講緊imagination既情況，
所以就用conditionalsentence既type2啦。
阿紫：嘻，阿樂呀，不如我地一人做一題呀。
我想我本作業入面，可以見到你ｄ字呀，
你既字咁靚。
我：係咩．．都唔靚．．．
阿紫：好啦，一齊做啦，費事你唔專心係咁望住我啦。
（阿紫又向我撒嬌）
我：好啦好啦，怕左你，我幫你寫幾題啦。
每次我寫緊既時候，阿紫亦會學我咁，
靜靜咁望住我做野。
我：做咩靜靜咁望住我呀，輪到你唔專心啦？
阿紫：邊係喎，想睇清楚你個樣咋麻。
我：係呢，你屋企人今晚會幾點返？
阿紫：我媽咪話佢今晚唔返黎食，
可能得我同工人食咋。
我：你爸爸呢？
阿紫：我爸爸平時都冇咁早返既。
我：哦，咁我咪可以留耐ｄ囉？
阿紫：嗯，比平時耐多一陣咁多啦。
其實我果時心入面覺得，
能夠對多阿紫耐一陣，
哪怕是，多十分鐘，我已經覺得非常滿足。
做左好一陣，阿紫手上既英文功課已經搞掂。
阿紫就起身去後面拎返頭先果兩罐啤酒過黎，
側身咁坐左上我大脾度。（拿！今次真係坐左大脾啦唔係講笑）
阿紫呢下出於所料既舉動，
令到我心跳得更加快起黎，
同時身體當然有所反應啦！！
阿紫幫我開左罐啤酒，
然後亦幫自己開埋。
阿紫：cheers!
然後阿紫就起身，去床邊，攬住我個cushion坐。
我就坐返係阿紫既隔離。
我飲左一啖之後，其實真係麻麻地頂得順啤酒果種苦澀味。
我見阿紫好似習慣左咁．．．
我就問：阿紫，你識飲酒架咩？
阿紫：都算識少少，平時同屋企人出去，
屋企人好多時叫啤酒同紅酒飲麻，
屋企呢ｄ酒都係爸爸同媽媽飲得多既。
阿樂，你梗係好少飲呢。
我：係呀，因為我一ｄ都唔好酒麻，
應該係話冇飲過添，只係我老豆飲多．．．
阿紫：點解唔好既？因為覺得好難飲？
我：一黎啦．．．
二黎我唔想學我老豆咁，
醉左酒就打我媽咪．．
阿紫見我咁，就安慰返我：傻佬，阿樂你咁溫柔，
一定唔會係打女仔既人。
我：我媽咪話，係佢有左我果時（懷胎）
佢間唔中都會飲少少酒，
所以我先會有個小酒窩喎。
阿紫：哈哈，係咩，
笑黎睇下。
我之後就笑一笑比阿紫睇，
阿紫：嘻，真係喎（阿紫用手掂左一掂我酒窩）
有酒窩既人笑起上黎真係好睇ｄ。
我：係呀，不過我就真係唔識飲酒。
即使係我飲啤酒都好易醉。
阿紫：唔緊要啦，男仔唔一定要識飲酒麻，
我就係鍾意你咁純情啊。
阿紫繼續講：阿樂，多謝你送比我呢個cushion呀，
冬天攬起上黎訓覺，真係暖好多好多。
我：嘻，咁咪好囉，
我有你呢條溫暖牌頸巾都唔錯呀。
估唔到，我飲左半罐都唔到（因為真係好唔慣）
阿紫已經飲晒成罐．．．．
我：你真係飲得好快耶。
阿紫然後拎一拎我個罐，
阿紫：嘩，仲有成大半罐喎，
對唔住呀阿樂，屋企冇晒野飲，
估唔到啤酒唔岩你飲麻。
我：唔緊要．．．
阿紫然後就拎左我個罐黎飲左幾啖，
我開始有點擔心．．
所以我問：阿紫．．．你咁飲法，
得唔得架．．．？
阿紫：冇問題呀，啤酒咋麻，又唔係ｄ咩。
坐係阿紫床邊，我同時間望望正前方既書架，
見到阿紫有好多愛情小說．．
特別係張小嫻，好似記得有星星的眼睛同情人無淚等等．．．
而下邊既就係一ｄ星座書，愛情占卜，心理測驗。
我問：阿紫你都鍾意睇愛情小說同占卜架咩？
阿紫：係呀，得閒冇野做果時拎黎睇下麻，
我地又占卜下囉。
阿紫就起身去書架度，拎左一本心理測驗書過黎。
然後阿紫就叫我去揀邊條問題。
我翻一翻本書，見多好多好多各式各樣關於愛情既心理測驗，
我見有條問題特別有共鳴，於是我揀左佢－
“你們以什麼來維持關係”
然後阿紫就拎住本書，向我問左幾條問題。
例如：你會鍾意以怎樣既方式去表達你對一個人既愛？
1.擁抱
2.接吻
3.拖手
4.唔記得....(唔好屌我呀)
對於我呢ｄ咁鍾意攬住既人，當然會選擇擁抱。
一路比阿紫問問題，然後又掉返轉角色，
我又問返阿紫問題。
大家都好自然，會從問題既答案中，對大家既了解再次加深左。
無論果ｄ愛情分析準唔準都好，係果刻已經唔成問題，
因為大家都傾得有講有笑，知道大家有好多野都心靈相通既時候，
真係好開心。
估唔到一本小小既愛情心理測驗書，
看似是微不足道，最平淡不過，
但原來同心愛既人一齊細閱時，樂趣原來係咁大。
因為沒有陽光，
加上落左窗簾既關係，
阿紫既房間變得開始有點陰暗，
應該係話，
如其係陰暗，倒不如話變得更加有情調。
至少我果時係咁諗，唔知係咪受酒精影響．．．
我問問阿紫：你覺唔覺得有點暗？
駛唔駛去開燈？
雖然係有點暗，
但我依然隱約見到阿紫既面上，
泛起一絲絲紅霞，是酒後所腸的嗎？
但果刻既阿紫，
只係單單望住佢呢個樣子，
就好似令我暢飲左數公斤既酒般，
如此地醉人，如此地酣甜。
阿紫回答我：唔駛開燈啦，
我有點攰，我想訓一訓係度呀。
我：哈，應該係你飲得太多酒吧。
恰陣啦，我等等再叫醒你。
你訓低啦，
我幫你蓋好被。
然後，我就將阿紫床尾捲好左既被，
慢慢咁翻開，然後將佢鋪上阿紫度。
我再同佢講：阿紫，你攬住我個cushion，咁就唔會凍親啦。
阿紫就微微笑住，向我點點頭。
我望住阿紫合埋眼個樣，
第一次，咁近距離欣賞住我深愛既人訓覺。
我用手輕輕撫摸住阿紫既臉頰，
阿紫，我愛你。
此時，我拎一拎起我罐啤酒，
原來．．已經比阿紫飲晒。
我就同阿紫講：阿紫，我拎ｄ啤酒出去掉呀。
就係咁陣，阿紫突然用力捉一捉住我隻手。
阿紫：阿樂，不如你陪我一齊訓啦。
阿紫佢，一路面紅住，一路同我講呢樣野。
阿紫呢番說話，實在令我大感意外。
下，一齊訓．．！？！
阿紫：我仲係有ｄ凍呀。
我：嗯，冇所謂啦，只要你唔介意就好了。
於是，我就同阿紫訓埋一齊。
第一次同阿紫訓埋同一張床，
心入面總是卜卜咁跳。
因為咁樣實在太親暱了，根本緊張到我訓唔倒。
但我細心想想，一直以黎，我唔係一直好口渴望可以咁嗎？
同心愛既人一齊訓，望住心愛既人訓覺個樣，
咁樣唔係代表住幸福咩？
我望望上面，發覺原來阿紫有ｄ螢光既貼紙貼左上天花板。
我就同阿紫講：阿紫，你專登貼ｄ螢光貼紙係天花板架？
阿紫：係呀，咁夜晚望住佢地靚ｄ呀麻。
我：唔怪得我冇留意啦，
係今日天陰陰我先知道．．．
本來平訓既阿紫，係果一刻就側身向住我，
Cool住我隻手訓。
我繼續凝視住天花板果幾張
星星同一張月亮圖案既螢光貼紙。
彷彿，我同阿紫，而家就係星空下，
靜靜地觀賞空中既月色咁。
同時間，我亦依稀聽到阿紫既呼吸聲，
平穩，一ｄ都唔急促。
我再望望阿紫訓覺時既樣子，
加上係陰暗氣氛既渲染
同空氣中滲帶住香味既薰陶下，
真係好浪漫，
我輕輕咁，錫左阿紫額頭一啖。
阿紫係果個時候，
慢慢咁睜開雙眼望返我，
問：阿樂，你鍾唔鍾意我呀？
我好快咁答：鍾意呀。
阿紫：如果一百分滿分，
你會比幾多分呀？
我：仲駛講既，梗係一百分爆晒燈啦。
阿紫：嘻，咁咪冇得再更加鍾意我囉，
我先唔制。
我：唔會，我以後都會以一百分作為標準，
將佢乘一倍，兩倍，五倍咁去愛你咪得囉。
阿紫好滿足咁話：嗯，你要記住你應承我架。
阿紫繼續話：阿樂，我可唔可以咬你呀？
我：哈，做咩冇啦啦想咬我呀？
阿紫：我想係你身上留低一個愛痕呀麻，
咁咪代表mark住左你，
你就唔會係屬於第二個女仔lo。
我：咁你想咬邊度呢？
阿紫諗左一諗：膊頭啦。
我：但我著左咁多衫，點樣咬呢傻瓜？
阿紫：咁呀，手臂啦。
膊頭留返遲下有機會先咬。
然後我就比左隻手臂比阿紫，
阿紫叫我合埋眼。
我就聽佢吩咐做，
當我合埋眼既時候．．．．．
阿紫就係我雙唇上留下愛痕，
同我講：傻瓜，點捨得咬你喎，
錫你都黎唔切啦。
面對住咁溫柔既阿紫，
加上咁浪漫既氣氛，
我實在忍唔住．．．．．
就同阿紫親吻起黎。
我地一路攬住大家，
一路側身咁擁吻住。
由初初既蜻蜓點水，
逐漸變成濕吻。
舌頭與舌頭之間果種
微妙而奇幻既觸感，
令到我地既接吻方式都變得
劇烈起黎，激情起黎。
我果時覺得側身錫住有點唔方便，
我就唔知點解，
好自然咁，將個人壓左係阿紫身上面．．．
當時阿紫亦冇拒絕，亦冇半點驚訝，
反而用雙手cool住我條頸，
我地就繼續擁吻起黎。
我由初初錫住阿紫既雙唇，
慢慢咁移向佢既面頰，
再移向佢條頸。
阿紫身體既香味係果時亦濃烈起黎。
錫完頸後，我就好自然咁，
移返上少少去錫佢既耳仔。
由頭到尾都好溫柔，沒有半點侵略既意思。
因為當時我係度諗，
面對住心愛既人，每一部份都好似一件藝術品咁，
試問我又會點對住一件藝術品粗粗魯魯，咁“猴琴”呢。
錫住阿紫耳仔果時，
始終係敏感帶，
阿紫開始變得呼吸有點急促，
聲音有點吱吱嗯嗯起黎。
阿紫係果時就一路摸住我個頭，
細細聲係我耳邊講：阿樂，我鍾意你．．．．．．
當時我同佢之間既愛意實在太濃，
我一路鍚佢既時候，
隻手就好自然咁伸到阿紫最入面，
一路撫摸住阿紫條腰。
阿紫身體股觸感，真係相當滑同柔軟，
就好似掂左落一堆棉花咁。
阿紫亦伸左手入去我背脊度，
緊緊咁攬住我。
佢既呼吸亦開始變得大起大跌，
喘息聲亦愈黎愈大，
我隻手就一路摸住阿紫條腰，
一路慢慢咁移上去，
直至到佢個胸前停左．．．．．．
因為果刻我先醒起，
原來唔經唔覺已經掂到阿紫既胸部，
但果下既觸感真係非常柔軟，
令到我差點亂性．．．．．．．．．．
阿紫眼定定咁望住左我，
我又好驚阿紫介意，因為我真係唔係有心。
我：阿紫．．
對唔住．．．．
阿紫拎一拎頭：嗯，只要阿樂你鍾意．．
我．．就已經．．冇咩所謂啦．．
我見到阿紫當時既樣同反應，
其實我感覺到佢有點害怕，
畢竟第一次比男仔觸及敏感位置麻．．．
我覺得佢唔係介意，
只係佢既反應明顯咁表達，佢仲未ready好。
我：傻瓜，我知你仲未準備好，
我點會繼續落去呢，
況且大家仲細麻。
我係愛你，但同時我唔會令你感到受傷害既。
阿紫聽到我咁講，
就好主動咁，
掉返轉頭，壓係我身上面．．．．
係果刻，我感受到阿紫既重量，
我更加感受到，我地愛情既重量．．．
然後，我就攬住阿紫。
阿紫就係我胸膛上，伏左係度，
就好似一隻，溫馴而撒嬌既小貓咁。
阿紫佢，伸左隻手．．．．．
入去最入面，用手掂住我心口既位置，
果一刻，我感受到阿紫溫暖既手溫，
同時間心跳到好快．．．．．．．．．．．
阿紫：阿樂你個心真係跳得好快，
係咪因為我掂住你既關係呢？
我：下．．，Er.....
唔係掛．．．唔知呀．．(開始變得口齒不清)
阿紫：嘻，阿樂你怕醜個樣我就最鍾意架啦。
然後阿紫就繼續同我錫起黎，
雖然有衣服既阻隔，
但身體與身體果一種凹凸既觸感，
我仍然可以隱約感受到．．．．
人體既構造，就是那麼微妙！
正當錫得慶高采烈時，
突然聽到數下敲門聲！！！
敲門既同時，
有把男人聲係房外講：阿紫，我返左黎啦，
你開一開門先。
（好彩鎖左門，如果唔係比佢見到我地纏綿真係拎把刀斬我都似）
我原本扯旗扯到行一行，
原來我老二實在唔受得驚嚇，
一受到刺激之下0.2秒後已經瞬間鳩縮。
令我不禁不讚嘆人體既微妙反應，
0.2秒間既反射動作，
完全配合到適者生存呢個道理！讚！
但果刻我真係驚到個心到差ｄ停埋，
人生第一次咁鬼驚。
然而我老二搵到容身之所姐，
但我未搵到呀麻，我應該縮去邊呀！
我好緊張咁問：你爹地黎？
阿紫亦好緊張咁答：嗯。
我：咁點算．．．．
阿紫：你企係門後面。
我：咁你呢？
阿紫：我會去開門，
佢應該見唔到你既。
既然果時都別無他法，咁就照阿紫既方法去做啦。
我果刻真係求身敗佛千祈唔好斷正呀，
唔係既話水洗都唔清。
我預備好之後，
企左係門後面，阿紫就埋去門度，
深呼吸埋最後呢一口氣，
就決斷咁去開門。
口咔察一聲開左，
阿紫好醒目咁開左少少門，
因為房間好黑，冇開燈，
阿紫就一路企係門前面，
唔比佢老豆入黎佢既房，
因為一入黎就一定見到我。
阿紫：爹地做咩咁做返既？
阿紫老豆：係呀，見冇野做咪早ｄ返。（其實果時都六點幾）
我想問你食咩咋麻？我叫外賣。
阿紫：食pizza啦，求其叫得啦，
我有ｄ眼訓，我想繼續訓陣先。
真係不幸中之大幸，
阿紫老豆冇入黎，
因為佢知道阿紫想訓覺，
所以就有佢訓。
打發左佢走之後，我仲有一個難題，
點樣甩身呢．．．．
甩身真係一個好大問題，
全身而退真係要配合天時地利人和。
我叫阿紫出去拎返對鞋比我
（我每次除鞋個工人都會幫我放係鞋架，所以冇人知的）
等我係房著定先。
當我係房著定鞋，
背好個袋之後，
就要等一個機會，
等佢老豆去廁所，或者換衫，
然後就一支箭咁衝出去。
果一刻我心諗：如果佢老豆返屋企係唔鍾意換衫，
又或者想遲ｄ先換，我咪仆街？
係果時，我不時派我方既探子－阿紫，
去留意敵方既軍情，然後將敵方既一舉一動都報告比我知。
我：敵方而家咩位置！
阿紫：報告將軍，佢仲係客廳。
我：嗯！？咩話！？仲係客廳！？
他媽的！
我果時依然氣定神閒，
面上完全不露出半點懼色，
事實上因為已經嚇得面無血色。
我果時就係一路等緊一個機會，
一個可以令我殺出重圍既機會。
唔駛急，我一ｄ要聚精匯神。
我好語重深長同阿紫講：
機會得一次，一定要好好把握！
阿紫：知道！將軍！
阿紫繼續時不時打開門留意敵方據點，
並將佢既行動作出精密既盤算同分析。
終於，等到了！！
阿紫：報告將軍！敵方已經返左房換衫啦！
我：好極了！！
來！等我殺出一個重圍！！
是機會！
備馬！！今次不成功便成仁！
阿紫：知道！！
阿紫係果時候就為我打開
我方既大門。
我見到門打開左之後，
我就即刻沖左出去，向住敵方既大門突破。
我：殺呀！！！
係果時，阿紫亦都幫我一把，
係後面推住我背脊出去。
阿紫：行快ｄ啦！！！
我：係既係既。
我臨到門口，阿紫已經為我打開大門，
果時我見到阿紫既傭人，
我比左個勝利既眼神同手勢比佢，
暗示地多謝佢冇爆我大獲。
然後我就頭也不回地逃跑了。
出到門時阿紫同我講：快ｄ返屋企啦知麻，返到去打比我啦。
我點點頭，
諗返起果次既特襲特以能夠全身而退，
實在有賴阿紫既功勞。
事後諗返起，
其實我終於明白，有時愛情點解會離不開同性有關。
或者有ｄ讀者會認為，
純愛故如果加甜，就冇左純愛既意義，
可能會破壞左我呢個故仔既氣氛。
但我倒覺得，係果時既我，
對於係果時點解會情不自禁地去摸阿紫，去錫佢。
完全係因為我實在太愛佢，並唔係因為咸濕先去摸佢。
出於既動機已經好唔同。
有時愛一個人，如果要將呢一份愛去具象化，
有時涉及性既元素係走唔甩的，
因為當一個情侶發展到呢個地步，
就代表住大家有返咁上下愛情根基，
有返咁上下對大家既信任，
先至會做得出或者接受得到。
並唔係好似而家ｄ年青人拍拖咁，
想做就做，完全冇諗過背後呢種行為代表ｄ咩意義，
只係為滿足自己一時既快感同私慾。
其實一路愛住阿紫，我都一路抱住一個正常既心態去對佢，
當然咸濕始終係會有，
但一定唔會蓋過或者超過我對佢既愛。
如果愛一個人，係愛得有價值，或者愛得有意義既話，
你對佢所做既一切，其實已經超出左“性”或者“咸濕”呢個膚淺既層面上。
所以純愛與否，並唔係取決於行為上，而係取決於你既動機，你心入面諗咩。
自從果次見完阿紫之後，
我地雙方既愛都達到左前所未有既濃烈地步，
亦都係雙方最易決乏理性做錯事既層面。