中三那年忘不了的三個月: 6

「Hello everyone，my name is xxx.....」 「Hi，my name is xxx.......」 

我根本冇將其他女仔放係心到，因為我知道下一個自我介紹既就係我女神。終於到我女神自我介紹， 

「Hi，my name is (&^%$@ 」女神說。 

我心諗﹕「屌呀，乜英文黎，未聽過既，今次仆街鳥。」 我即刻問係我旁邊既肥陳同阿泰﹕「喂喂，記唔記得頭先起身個女仔叫乜名?」 因為我知道，如果我唔記得左，等陣MISS問起我，女神叫咩名個時，我就認真柒了，況且，我連 女神既名都記唔住，就真係好無用。

但係天意弄人，肥陳同阿泰又異口同聲﹕「鬼撚知咩。」 



係呢一刻，我已經好似抽離左肉體，我既耳朵容不下任何既聲音，我為我既錯失，感到萬分的後悔。 

「喂，喂，孖子撚，呢加到你自我介紹啦啵，做咩仲坐係到，快啲企起身啦。」 

「喔....嗯.....係.....」我好不情願地企左起身 

「Hello.....My name is Dick....」之後我又呆呆地坐返低。 

等到所有人都介紹哂自己後，MISS郭就講﹕「好啦，大家都介紹完自己，呢加就好似我之前所講咁，大家同對面的同學成為一組，之後講對方既英文名出黎啦。孖子撚，不如就由你開始先，同黃本莉一組做個示範啦!」 



我已知道死期而到........雙腳逼於無奈地站了起來............... 「Hello,Dick.」女神企左起身，用一副可愛到極，笑嘻嘻既表情望住我。 

「Um........HI.....」因為她真的太可愛，令到我只是簡單單咁去回應。 

「喂喂，孖子撚，你要叫我英文名啵。」女神溫柔咁提示我。 

「呀係啵，HI......um.....um.......um....Hi........」我FEEL到我成塊面紅哂。 

「其實我頭先唔係幾聽得清楚，你可唔可以講多次比我聽?」我講完呢句，全班都開始笑。 



女神亦都笑左兩下，之後講﹕「Hello,my name is Angelica,Angelica Wong.」 

我心諗﹕「原來係叫做Angelica，怪唔知聽唔出，呢個英文名真係少見。」 

我繼續講﹕「I am sorry.Hello, Angelica,nice to meet you.」 

MISS郭﹕「嗯，好好，大家就咁學下Dick同埋Angelica既示範，下一組就係阿泰同埋李永思，請起身。」 

我已經冇理會接下來發生既事，我彷似一個痴漢，全程望住本莉的表情，但係佢冇留意到我，佢好專心咁睇接下來其他人的介紹。 

不過我距離成功又走了一小步。