人生中最痛苦的事不是相愛的人不能在一起,而是我站在你面前你卻不知道我是誰。 

不過,新入黎3A班,第一次就有得同女神面對面講野,對我黎講,已經十分開心。 

「好啦,各位同學,相信你地經過呢次後,你地對彼此認識一定更加深刻。咁我地將啲枱凳搬返原位先,之後再處理班會事務啦。」 

說罷,各同學就將啲枱凳搬返原位,而肥陳突然間問我﹕「喂喂,你係唔係鍾意左黃本莉呀,頭先見你,嘿嘿....」 

阿泰亦都加把口﹕「係囉,成班都見到你塊紅好哂,唔洗唔認啦,不過我地唔會講出去既,嘿嘿.....」 



我說﹕「啦,係兄弟既就唔好爆出去,邊個爆,邊個死呀!!明唔明?」 

阿泰,肥陳說﹕「收到,孖撚哥。」 

MISS郭﹕「好,大家都坐好哂,我呢加就傳張紙落黎,大家係紙上面寫對今年既期望,或者有咩想對我講,都可以寫,不過記住要寫名啵,比五分鐘你地應該夠哂。」 

說罷,MISS郭就將紙傳落黎,而我收到張紙都唔知寫乜好,所以是但寫左句野上去, 

〝希望今年事事順利〞 



由於肥陳同阿泰都唔肯比我睇佢地寫咩,所以呢五分鐘都好似過左好耐,而且女神又比人遮住左,所以冇咩特別可言。 

「好,時間到,仲有冇同學未寫完??」MISS郭一邊望住隻錶一邊講。 

「好,咁就由後面傳上黎啦。」 

「嗯,咁今日大家就係咁多先,大家可以放學啦,聽日就係都係返半日既時間,咁我地會選埋班會職務。咁就係咁多啦,Stand up。」 

「Goodbye,class.」 



「Goddbye,miss kwok.」 
已有 0 人追稿