中三那年忘不了的三個月: 20

一個人係你生活入面突然消失，這種滋味真係不好受。 


我拖著空白的腦袋，穿了洞的心，疲倦的身軀回到列隊中。 


周SIR見到我即刻行埋黎講﹕「喂，孖撚，你做乜頭先自己一個走左去，你知唔知我地全部人等你一個?」 

「對唔住周SIR，因為頭先....頭先....」我強忍著我既淚水，發不出任何聲音。 



「阿SIR，你唔好怪佢啦，佢有苦衷，你就無謂逼佢講啦。」肥陳即刻幫我辯護。 

「唉，算啦算啦，你快啲返埋自己組到先，拎返護照，我地呢加準備入閘啦。」 

我已經冇頭緒自己係到做緊咩，返到自己組後，MISS郭就將我個證件遞返比我，就問我﹕「你冇事呀嘛?」 

我從MISS郭手中拎返我既證件，之後輕輕搖左搖頭回應MISS既問題。 

「嗯，無事就好啦，準備過關啦。開心啲。」之後MISS郭就轉身走左。 




我望住欣恩比我既朱古力，到底我地何時先可以再見面..... 我突然諗起欣恩對我講既說話﹕「孖撚，希望你可以成功追到佢啦。」 

之後我即刻望向係另一組既本莉，見到佢同個花名叫阿峰既男仔傾計。我望住本莉同阿峰傾計傾得幾開心，望住本莉既表情，令我又不禁諗起我同欣恩個三小時。 

我心入面諗﹕「算啦，既然欣恩都叫我努力去追本莉，我就做比佢睇，唔好比欣恩失望。」我係咁樣支持自己。 


阿泰就拍我肩頭講﹕「囡姐，唔見左再搵過囉，唔好咁睇唔透啦。」 



對於阿泰呢種人黎講，女人就真係等於衣服。 

我同佢講﹕「呢啲野，你識條春咩!?」 

「係囉，睇開啲，成個人輕鬆好多。」 

「但係你又點知我同欣恩既事?」 

「屌，咪肥陳咁我講囉，佢個組個老師煩住，所以我咪黎開解下你囉，點，夠唔夠老友先?」 

「係啦係啦，至老友係你啦。」 

唔知點解我既心情又真係開心左好多。呢種朋友真係交得過。 

好啦，要去過關啦，我返自己果組啦，你唔好再亂諗姐就好。」 



「嗯。」 

之後我去運輸帶個到，拎返屬於自己寄左倉既行李。 


我拎住我個護照就順住我個組既人去排隊過關。如是者，過左15分鐘之後，我地全部人就過哂關。我地出左機場之後，見到有2架旅遊巴等緊我地。 


周SIR就講啦﹕「呢加我地就會安排邊組上邊架車。」 

咁個天又玩鳩我，肥陳同阿泰唔同車都算，竟然連女神都唔同車，呢個機會率就好似1/30咁樣咁撚神奇呀。 

咁我就就同肥陳同阿泰揮左後，就上左車。上到車之後，我嘗試搵下有冇人係我熟既，起碼坐係熟人隔黎冇咁悶先。 



我就將目光放到車尾後面，我見到2個我係中二個時玩得好埋既老死，阿達同阿義。 

阿達就介乎係MK同毒撚之間既一個型仔，但係由細到大塊臉都係紅到好似關公，份人又好似關公咁好有義氣。身高都係同我差唔多，係175左右。 

阿義就係正宗毒撚，矮我一個3/4個頭左右，身高差唔多160左右。好鍾意著格仔衫，拎住部PSP玩。 

既然我係架車都乜熟人，最FRD就係佢兩個，咁岩佢地坐左3人位，仲有1個位我緊係坐埋去。 

「喂，屌你老母。」阿達講。 

「屌你老母呀。」我回答著。當然呢個真係玩笑，我同阿達既打招呼方式同其他人唔同，我地係用老母黎當作問候，到呢加為止仲係我地既不明文規定。