中三那年忘不了的三個月: 21

「喂，近排點呀，好少見你啵，升到3A班唔識人啦。」阿達用開玩笑既口吻同我講。 

我呆左呆，之後答佢﹕「唉，咪一樣。有咩唔同。」 

之後我地係等老師點齊名之前，傾左傾係9月10月發生過既趣閒。 

佢說講﹕「上年係唔係帶我地英文個八婆鄧既，今年做左我地班主任。」 

呢個我早有聽閒過，所以我點頭示意佢繼續講落去。 



「屌佢老味，呢加上堂成日當正自己係大佬咁，有次阿義冇交功課，八婆鄧就開始鬧，但係阿義條友係到扮佢講野，之後個八婆講"Don't imitate me"，我地成班聽到之後笑到仆街。打後佢日日上堂我地堂堂都係到講"Don't imitate me""Don't imitate me"。條八婆聽到激到仆街，但係又唔敢做咩。真係笑撚死我。」阿達一邊講，一邊用支體動作去扮演下MISS。 

雖然個故事講唔出咩大道理，但係我聽完之後非常有親切感。 

如是者，我地傾傾傾，傾到當地既導遊上到黎，佢拎住枝咪講﹕「大家好呀，我叫阿MAY，我係你地既5日4夜既導遊。不如打聲招呼先啦。」 

「阿MAY好。」 

「呀大家都好活潑咁啵，咁跟住落黎呢，我地首先會去左酒店放左行李先，之後我地會去101大樓同誠品書局旗艦店到遊走下先。」 




說罷，導遊就係車程中，講左關於好多台灣既野。但係我掛住同阿義阿達傾計，所以就冇乜理佢。 

如是者，講講下講講下，就去到酒店樓下。我係旅遊巴係側倉到拎埋我既行李箱，去返我自己個組到。 

「咳咳，大家期待已久既分房名單終於要黎啦!!」周SIR挺起胸膛，好有自信咁講。 

我就簡略下周SIR既分房名單，唔重要既我就唔講。 
首先，男女一定唔可以同房，所以我同女神既XX幻想就已經幻滅。 



第二，值得開心既，我同阿泰同房，而且加左兩個3A班既同學，一個又係運動型，帶住白色眼鏡既男仔，高我半個頭左右，就係之前我提及講既阿峰。 
另一個就叫瘦林，經常唔出聲，總持住一款好COOL既表情，但係真係人如其名。矮我半個頭。 


第三，雖然話就話冇得同女神同房，但係佢間房就係隔離，所以應該可以每朝每晚都見到面。都可以話係不幸之中既大幸。 

「好，每間房都會有一張酒店門卡。大家千奇唔好整唔見，因為我地最後個日我地會CHECKOUT全部房門，如果整唔見左要賠$50港紙。」 

所以我既房員將門卡交比我保管，阿泰笑住咁講﹕「你咁有責任心，就你黎保管啦。」 


「好，咁大家呢加分批上去啦，由最高樓層既上先，係孖子撚同黃本莉既個組。」周SIR講完之後，我就即刻望住本莉，可能我地有心靈感應，佢都同樣望住我，我同佢都冇講野，但係大家都用微笑回應下對方。 

「喂，喂孖子撚，你做乜企定定係到，快啲緊制入電梯啦。」周SIR係我眼前揮一揮手咁講。