「哼,唔理你了,我自己去集隊,拜拜。」說罷佢就企起身走出餐廳外面,我望到佢既背影,不禁覺得有點好笑。 

我見到本莉都走左,咁就慢慢拎住杯熱朱古力飲,一路望住本莉徐徐地離開。但係唔知我係唔係睇錯,我竟然見到本莉擰轉頭,望返在餐廳既我大約5秒左右,我係到諗緊到底佢做咩要擰返轉頭,唔通掛住我?? 

不過呢啲只係我小毒撚既幻想,如是者我就好快飲完杯朱古力。 

正當我想去酒店門口集隊時,我見到本莉企左係個轉角位到DUP低頭望住地下,臉上不再係係餐廳既笑容,而係昨日夜晚我臨走見到本莉坐係梳發個樣,簡直一模一樣。佢既眼框亦慢慢有眼淚流出來。 

但係本莉好似唔見到我咁,繼續慢慢流下眼淚。我由口袋中拿出紙巾,遞給本莉。佢好驚愕咁樣望住紙巾,之後佢慢慢抬起頭,當佢一見到我,就喊住咁講﹕「你做乜....做乜唔追上黎呀!!」說罷佢就係咁往我心口打,雖然佢打落黎,但係每一下唔係打係我個身到,而係打係我心入面。 



「點解...點解我地只係朋友呀...」佢幾乎傷心到跪了下來,但係我瞬速扶了扶佢。係呢一刻,我個腦就像空白一遍,完全分不清現況。我只能默默地看著本莉流下傷心既眼淚.... 

「答我呀,衰人!!」佢追問落去,但係我就真係唔知點答。唔通我冇端端講鍾意佢,想佢做我女朋友咩,但係咁樣太突然我怕連朋友都冇得做。 

「我地唔係朋友,咁可以係咩??」我反問著本莉。 

本莉聽到我咁講,就好大力推開左我,講﹕「係呀係呀,我地呢一世,永遠都係朋友呀!!!!!!」說罷佢就抿住了嘴,就跑走了。 

我仲比剛場既場面嚇得不能動彈,直到有人係後面拍我肩頭,我成個身放鬆左一下,就即刻擰轉身望一望係邊個,原來係阿泰,佢一見到我就講﹕「喂,周SIR叫我搵你,要集隊出發啦。」 



「喔...喔....」我還未回過神,迷迷糊糊就回答左阿泰。 

阿泰應該見到我心事重重,就問我﹕「喂,你冇野呀,做乜你個樣好似虛脫咁。」 

我見阿泰好關心我咁,我就將尋晚既事同頭先既事,一五一十咁樣同阿泰講哂。 

佢聽完之後諗唔都唔諗,就講﹕「你做咩唔去馬??人地已經做得好明顯啦,你咁樣拖拖拉拉,仲要係咁強調大家只係朋友關係,我係佢都傷心啦!!!」 

我聽完佢呢句,我頓時恍然大悟,點解我次次都係咁樣,衰過先知咩叫好。但可惜我正想搵本莉既時候,佢地個架旅遊車就早而開走左了。 



不過我諗時間多的是,大把時間給本莉解釋清楚返我既原意。所以我就上左車,下一站就係去到台灣故官博物館。 去台灣故宮博物院都幾遠下,所以個導遊講到唔想講,就比時間我地休息下。基本上台灣故宮博物館就好似海洋公園咁,遊客真係多撚到,搞到我冇哂心情睇。所以我又去左飲咖啡,我記得係去左呢間野 

 

真係貴左啲,但係難得清靜,所以貴啲又有乜所謂。突然,我見到零姐同本莉係門口打量一下環境,本莉一見到我,就即刻拉住零姐急急腳走左。我本身諗住追出去,但係我諗都係等到我同本莉有獨處的時間先至再同佢傾傾,再鼓起勇氣向佢表白。 

"本莉明顯想避開你啦,仲點會比獨處時間你呀" 

"機會錯失左,就係錯失左,冇家啦,放棄吧啦,人地呢加唔LIKE你呀" 

我心入面不斷浮現消極的想法,難道我真係要就咁放棄對本莉既感情?我為左本莉,放棄左欣恩,呢加我唔可以再放棄埋本莉。 

我心裡咁樣幫自己打氣,亦不斷回想欣恩同我講要加油。如是者我就好快飲左杯咖啡,幫自己充充電。希望接下來既行程能有時間跟本莉獨處,同本莉講出我的心聲。 
已有 0 人追稿