中三那年忘不了的三個月: 37

如是者，我地遊走完台灣故宮博物院之後，就去呢個台北花卉展，呢個花卉真係大到你呢。而我就花中四君子的竹一樣，自成美景，瀟灑處世。基本上台灣行程我就好似浪子咁，四處飄盪。 

呢個花卉展美中不足的地方就係冇咖啡賣，所以我就買左杯唔記得係咩，個名好怪既，但係又幾好飲既飲品，我坐係個石階上，慢慢...慢慢...等待本莉既出現。 

正當我仲HEAHEA下既時候，望住一大遍既花，有人拍我肩頭，我抬頭一望，原來係永思。佢坐左係我身邊，笑笑口望住我﹕「你做乜一個人坐係到呀?」 

「我?我呀?哈哈...我冇野做，所以咪坐係到睇下花囉。」我摸著後腦咁講。 

「嘿...你都幾無聊下啵。」永思傻笑著講。 



「咁你呢，你又好無聊?」我反問著永思。 

「冇呀，我等緊彤彤呀，佢話買野飲喎，我見你咁岩又坐左係附近，所以順便過黎睇下你做緊咩。」 

彤彤係永思既好朋友，同我都OK熟，樣子一般，成績都幾好，不過都係唔夠永思黎，而且永思靚好多，所以我簡略介紹下就算。 

話咁快彤彤就買完野飲，行左埋黎，就坐左係永思旁邊，永思同彤彤講﹕「整啖黎飲飲先!!」說罷佢就飲左一兩啖，繼續講﹕「嘩，好飲啵，我呢加去買返杯先，你兩個傾住計先啦!!」 

如是者永思就走左去買野飲，咁得返我同彤彤望住堆花。 



突然佢冇啦啦同我講﹕「喂，孖撚，不如我幫你追永思呀!!」 

我聽到呢句即刻嚇左嚇，之後望住彤彤認真而帶有微笑既表情。 

「孖撚，你諗諗佢啦，永思真係好女仔黎家，而且.....而且....，唉我唔知點講，總之我幫你追永思，洗唔洗?」彤彤好似媒婆咁，我突然就哈哈大笑左幾聲。 

我心諗﹕唔撚係掛，我呢加比本莉既事仲煩緊，竟然仲整多件永思比我嘆，真係想我以後都冇機會去追本莉啦。 

「喂喂，孖撚，點姐??」彤彤好心急咁樣問我。 



「你守唔守得秘密家?」我突然咁樣問彤彤一條咁樣既問題。佢思考左片刻，就講左句﹕「你信得過我就講啦，如果唔係我答你我守得都冇用。」 

彤彤呢份人真係好聰明，咁我就講﹕「其實我鍾意既人係本莉，而唔係永思...」我講完呢句，彤彤個樣就恍然大悟，講﹕「喔....原來係咁....我明啦，嘿嘿。」 

「見你個樣好似好愁咁，好似仲未一齊啵。」彤彤果然係聰明人，一眼就睇得出我現在既苦況，但係呢個係事實，我又否認唔到，所以只係點頭回應。 

「哈哈，開心啲啦，咦.....永思買完野飲啦，我過去陪佢，你自己加油啦!!!祝你成功。」說罷佢就企起身，就咁走左。 

我又係咁獨自坐係石階上，感受微風迎面而吹，細味花兒陣陣發出既幽香。 

「孖撚，拜拜啦!!」我擰轉頭，永思在我身後不遠處對著我揮手，佢再講﹕「仲有15分鐘就要去集隊啦!!睇時間呀!!」 

「知啦!!拜拜!!」我都一邊揮手，一邊同佢講。之後我呆坐多陣，望住堆花我個腦就一遍空白。接著我就企起身，走左去集隊。集隊既時刻我都不時留意下本莉，睇下佢到底開唔開心，同緊邊個一齊。但係本莉似乎係真係唔想理我，佢由頭到尾就同佢個組既女同學傾計，完全無視身邊周圍既人。 

平時佢都會周不時望下周圍，成日同對住我笑。呢加剩下我呢個毒撚係到幻想本莉幾時先望過黎。 



就算上到旅遊巴，我都想本莉同我傾計，對我笑..... 

如是者，我地由花卉，就搭車去到不論係去台北定台中，一定要去既士林夜市..... 

士林夜市，可以話係台灣既美食天堂，每晚基本上都係人山人海，又加上本莉既事困擾著我，我就唔係幾有食慾，所以我就當旅遊，行一行夜市算。行夜市，真係好多野食賣，你諗到既亞洲美食，小食都有。 

夜市最出名既商店，真係唔可以唔提豪大大雞排，如果唔係豪大大雞排啲員工做野快，我諗條隊同首日動漫節排隊既毒撚隊差唔多長。我買左杯西瓜汁，坐左係街邊既石階上，睇住條隊啲人一個一個咁走。而且我身後有小廣場之類既地方，好多人係個到玩一啲識發光既竹蜻蜓。 

個啲竹蜻蜓就好似天上既星星咁，飛得好高，好耀眼。突然我有一隻竹蜻蜓慢慢降落我到我身後既樹下，咁我就企左起身行過去汁，順手CHOK一下令佢繼續飛上天，雖然呢個唔係咩流星，許願樹，但係我都打從心底，許左個願，就係希望同本莉講係我心裡一直想說的事，不論成功或失敗，我都想同本莉講我鍾意佢。 

我將手中既竹蜻蜓飛左出去之後，我就繼續飲住我既西瓜汁，一路呆呆地望住個地下。