中三那年忘不了的三個月: 42

本莉入到間房到，就即刻訓係張床到，嘩，不得了，好似想我上佢咁。但係本莉話唔可以蝦佢，咁我自然走好另一張床到訓。 

但係我平時習慣同阿泰孖鋪，因為咁大張床，自己一個訓真係好虛無，成個人都好凍。孖鋪起碼比到安全感我，但係本莉又唔識做，自己一個訓，咁我自自然然問佢﹕「本莉，可唔可以同我孖鋪呀....」 

「孖...孖鋪?」本莉塊臉紅哂咁反問返我。 

「係呀孖鋪呀....」我扮到好可憐咁求佢。 

「好似唔係咁好啵....」本莉想推辭左我既請求。 



「咁...咁...唉算啦，你當我冇講過。」說罷我就起身將睡房堂熄左，之後繼續訓返係張床到。 

「晚安。」我同本莉說著。 

「嗯嗯，晚安。」 

我訓左係張床到，但係點都訓唔著，冷氣太凍係其中之一，但係我最唔開心就係本莉唔肯同我一齊訓。雖然呢個要求有少少過份，但係我係咁大張床到，自己一個訓真係訓唔到。 

但係既然本莉都話唔係咁好，所以我就將個身向左打側訓，姐係背對住本莉張床。我望住窗外既景色，望住街外微微透進來的光，起碼讓我在漆黑中感受到一點溫暖。 



如是者，我就呆呆地望住窗外既景象應該差唔多20分鐘，但係我絲毫睡意都冇，反而感到無盡既恐懼感，呢種滋味絕不好受。 

但係突然本莉開聲，問﹕「孖撚，你訓著左未?」 

不過我冇答到佢，因為我想知道佢想做咩。之後佢又問多次，同樣都冇都答到佢。隔左一陣，我FEEL到我張被褥被揭開，之後我感到有野鑽進了我的被窩裡。但係我又唔知係咩，正當我想擰轉頭望下係邊個。突然我條腰比佢攬住左，，背脊就FEEL到有軟軟既觸感。 

呢個情形搞到我唔敢郁，不過我開口問﹕「喂，本莉，係唔係你呀??」 

我講完呢句佢即刻放開左手，軟軟既觸感都冇左。我擰返轉身，之後佢講﹕ 



「原...原來你個衰人都未訓，係到呃我...」我一聽就知道係本莉把聲，但係環境太黑，我不能好清楚望到本莉既表情。說罷佢擰轉身打算走個時，我立即攬實佢講﹕「唔好走...陪我一晚咁多呀...」 

隔左一陣，佢開聲講﹕「唉，好啦，陪你訓一晚咁多啦，正衰人。」 

「多謝本莉大人。」說罷我就好似下圖咁攬住佢訓。 

 

我係佢耳邊細細聲講﹕「晚安。」之後順勢吻落去佢後頸位到。 

「你都係呀衰人，早啲訓呀。」 

「嘿嘿收到。」就係咁，我地就一教訓到天光。 

呢一覺真係訓得好舒服，我冇係半夜中突然醒來既情況。我閒住本莉洗髮水味道，真係陣陣幽香直沖上我既腦袋。但係我見到本莉仲訓緊，所以我冇郁到，免得打擾到佢既睡眠。反正距離阿泰返黎仲有成個鐘，咁我就繼續享受呢種夢寐以求既感覺。 



但係好景不想，你要知道，每個男仔朝早都會有一個生理現象發生——晨勃。我既下體慢慢勃起，我心諗﹕仆街了，呢加係嘈醒本莉好，定係快啲去廁所。 

點都估唔到我諗左個好方法，就係將屎忽慢慢拉後，咁樣就唔會掂到本莉。如是者隔左陣，下體就好快變得無咁脹。 

我就保持呢個姿勢直到本莉起身，本莉慢慢蠕動著身體，本莉說﹕「嗯!!!!!!!!!」之後伸左個大懶腰。 

「好舒服呀!!」本莉擰轉身對我講。 

我輕輕力摙住佢個面腮問佢﹕「咩舒服??」 

「UM....又蝦我，衰人，唔同你講，哼!!」本莉摙返住我返塊臉，但係佢摙得大力到仆街。我好大聲叫左聲﹕「屌!!!細力啲，細力啲，投降呀投降呀!!」 

「哼，叫你講粗口，下次再講就摙死你。」本莉得意洋洋咁講。 



「你個衰婆，蝦我??」說罷我就狂向本莉腰間發動抓癢攻勢。 

佢不停地笑，不停地反投，講﹕「呀..呀係我錯...係我錯..哈哈...好癢呀!!」 

就係咁，我地就由一遍歡笑聲中醒了過來。