中三那年忘不了的三個月: 43

「呼哧...呼哧....呼哧」我同本莉同樣都坐左起身，發出一樣既歎息聲。 

「投降未??呼哧...呼哧...」我問著本莉。 

「投降啦投降啦，成身玩到好熱呀....」本莉用雙手撥弄著，想弄點涼風給自己。 

「咁你入唔返間房咁點算??」 

「呀係啵，你提醒左我，我等陣沖完涼去搵阿SIR幫手開開門。」 



「又沖??唔係掛。」我呆左咁樣望住本莉，心諗洗唔洗咁乾淨。 

「係呀，你快啲出返去啦，唔準入黎呀!!」 

「喔喔...」說罷我聽本莉吩咐就走左出客廳，我望向窗外望，見到好大雾,眼前的景象都模模糊糊。我往樓下望，都勉強望得清。 

如是者望到悶一悶，之後就打開瘦林同阿峰最鍾意睇既電視機，我就逐個逐個台睇，差唔多大多數都係新聞報導。咁我之前講我普通話好勁，所以就聽台灣新聞無難度。其實如果大家有留意開台灣既新聞，其實都幾垃圾下，所以台灣好多網民都成日惡搞新聞界。 

就係本莉沖涼既時間，我就睇左15分鐘新聞，睇完我有一個感覺，就係"廢得黎又可以話正常，正常得黎又可以話廢。" 



轉眼間本莉就好快沖完涼走出黎出廳，佢用毛巾抹乾淨頭髮，說﹕「等左好耐呀??」 

「唔係呀，睇緊電視就冇乜時間歡念了。」 

「哈哈...你等等我，我換一換衫就一齊落去食早餐。順便叫阿SIR幫我開開門。」本莉說。 

「嗯嗯。」說罷我就望住佢跳跳扎扎咁跳左入房到。 

我突然醒起自己冇刷牙洗臉，就即刻沖入廁所梳洗。我見到我臉上已經無哂個種衰傷感覺，反倒給自己既感覺係好清新，好平易近人。可能有本莉呢個女朋友，可以令我將傷心既往事都拋諸腦後。 



「喂，孖撚，你去左邊呀??」我聽到本莉係客廳到問我﹕「你去左邊呀，我換好衫啦。」 


我就打開廁所對門，叉住腰跳左出黎，講左句﹕「Surprise?」 

本莉聽到笑左笑講﹕「你好低B呀，哈哈!快點行啦，我好肚餓，記得拎房卡呀。」 

「得啦。長氣，似你咁大頭蝦咩..」我笑言著。 

「呀....你竟然笑我，哼，唔理你啦，拜拜。」說罷佢就走左出房門。我追出去望一望，竟然唔見本莉既身影，唔通咁快落左去? 

我拎左張房卡，將門關上。之後急急步走向升降機位睇下，我望向上面個顯示燈，"10....9....8....7...6" 

頂本莉真係唔等我，之後我就慢慢等升降機由地下升返上黎12樓，如是者就好快我都到左地下，我即刻跑去餐廳到，見到本莉已經食緊早餐，咁我當然行入去坐左去邊對面。 



「點呀??仲敢唔敢話我??」本莉架起一副勝利者既姿態同我講。 

我提高著嗓子講﹕「唔敢啦大人!!我知錯啦。」 

本莉即刻用手掩住我把口，講﹕「你痴線家??講咁大聲!!」說罷佢將手擺返低。 

我就即刻講﹕「SORRY，一時太興奮。嘿嘿...」不過好彩間餐廳好少人，而且冇熟人，所以我都鬆下一口氣來。 

「我同你拍拖既事，連零姐都唔知，所以你唔好同人亂講。」本莉怕怕羞羞咁講。 

我心諗﹕原來我地玩緊地下情，不過少人知都係好事，廢事謠言滿天飛，一傳十，十傳百，之後係學校見到大家就好尷尬。 

「嗯嗯，收到!!」 

「快啲叫野食啦，我等埋你啦。」 



「係既!!」 

如是者，我就同本莉係餐廳享用美好既早餐!! 

轉眼間，我將剛剛叫到的蛋包飯很快食哂，再陪同本莉去周SIR既房間，叫周SIR幫手開左對房門佢。 

周SIR跟左我地上去12樓，係門口講﹕「乜你咁大頭蝦..咁都可以漏低張房卡...記住下次去就無阿SIR，要叫保安就好衰樣家啦，知唔知...」說罷用萬能房卡將門打開。 

「好啦，無事我落去食早餐，拜拜。」就係咁周SIR就走左。 

「連阿SIR都咁話我，唉......」 

「算啦，我唔介意啵。」我笑笑著說。 



「你唔介意，我介意，哼，唔理你，拜拜。」說罷佢走去入閂左對房門。 

正當我準備走返入我間房時，佢又開返門，同我講﹕「記住我係餐廳同你講過啲野...我唔想比其他人知。」 

「嗯嗯。」 

「咁好啦，等陣睇下有冇機會見面啦，拜拜。」說罷本莉將門關上。 

如是者我都將門打開，訓係沙發上面等待阿泰回來。