《真騎呢！入面咩類型既文都有......！》: 《如果你既生命剩係得番24小時》

唔知你有冇聽過農夫首歌《24》，首歌既核心問題好簡單，就係如果由依家哩一刻開始，你人生所剩餘既時間，剩係得番24個鐘頭你會點樣去過。你會暱埋係屋企打埋24小時既LOL，定係走出哩個屋企，同你冇珍惜過既人，啊爸，啊媽，朋友，前度，好好道別。

我諗坐係度既你從來都未諗過哩個問題，除左之前既瑪雅預言，世界未日，你驚過一陣之外，你仍然每日過得安安定定，營營役役，甚至未再思考過如果末日真係降臨，你會做D咩，

如果你既生命得番24小時，
哩一刻，你有冇諗過，
你會點樣去過哩個24小時？


「就到盡頭，你會點樣走，




係咪會以後去天國漫遊，
定係會逗留，逐秒祈求，
生死冊寫錯手，你時辰未夠。」

係哩一刻，你會覺得哩個24小時彌足珍貴，因為一日過去了便不會再復返，生命完結了便完結，唔會有第二日俾你重新再黎過。你會覺得遺憾，你仲有好多夢想仲未實現，點解剩係得番24小時，有陣時，生命唔會同你講，你剩番幾多時間，遺憾係因為你冇把握時間去做你想做既野。

當你覺得遺憾，你先會懂得去珍惜，你從來冇去珍惜既野，原來世間事並不會一成不變的，出生伴隨著死亡的開始，所以你決定用24小時黎飾演好你自己既角色，做一個稱職既父母親。


你會犯法？因為之後你並唔洗負上任何既刑罰，但係你良心對得住自己嗎？




定係你依家你會用哩1個小時黎思考下人生既意義，及時珍惜擁有一切，關心一下屋企人，用無限既24小時黎取替24個鐘頭，做你一直想做而又末去做既野。