好想告訴你: 好想告訴你12_天，你玩我嗎？

阿立和阿美搭的士來到醫院，嬸嬸都在。兩人走了一輪去到急症室，見到有幾名消防員在，其中一個是阿叔。

「老公，大伯點呀。」嬸嬸情急地走去問。叔叔一家很錫阿立和阿美，也沒有仔女，當他們是仔女一樣。

「……」阿叔面有難色。他搭着阿珊和阿立的膊頭。從近距離看可以知道，阿叔哭過了。

「你地兩個…..以後記得要好好做人……努力讀書……唔好浪費咗你地阿爸一番心血。」後面那幾個消防員都很暗然。不用阿叔說，阿美和阿立已經知道發生咗咩事。阿爸恂職。阿美已經忍唔住大哭了。阿立則是呆了，他的心很痛，但眼淚昨晚已經流乾了。

「唔係約好聽晚一齊食飯咩？」阿立心想，點解想同阿爸食一餐飯咁簡單既事都已經變得搖不可及。



阿美哭得很厲害，嬸嬸也抱着她一起。而阿叔繼續搭着阿立，怕阿立有事，因為阿立呆了。就在阿立還在整理究竟發生什麼事，突然聽到嬸嬸大叫。阿立一望，原來阿美暈了。
 
「有冇林美立既家人？」阿美被送入觀察房，阿立和嬸嬸則在房外等候。「有冇林美立既家人？」姑娘從觀察房走了出來。想問一問阿美的病歷。坐在觀察房外的嬸嬸和阿立即刻走前。

「你地係佢邊個？」姑娘平常地問。

「我係佢阿嬸，呢個佢細佬。」

「你地同住架？」



「我係！」阿立答道。

「……」姑娘諗咗一陣。「佢媽媽喺唔喺度？」阿叔都有通知母親，但母親還未到。

「佢父母離咗婚。」阿嬸說道。

「佢阿爸…..」姑娘知道自己失言了，「OKOK，咁阿細佬最近有冇發覺家姐有咩問題？」

「……」阿立諗了一陣，其實自己冇咩返屋企，所以都唔知家姐最近點。只記得今日家姐唔舒服，腸胃炎。「佢今日腸胃炎。」



「嘿……」姑娘冷咗一下，阿立心中不是味意，我只係講我知既野，你笑我做咩。跟住姑突然好正經咁，說﹕「你家姐唔係腸胃炎，佢有咗。」

「有咗？」阿立唔明。

「有咗BB呀，四個半月。」

「吓？」阿立心想﹕唔係呀？家姐點會有BB？家姐一向都好乖，剛剛會學先考到六個A，你而家話佢有咗BB。不要說笑了。

「駛唔駛再驗清楚？」阿嬸急急的問。

「唔駛喇，超聲都照咗，佢頭先應該激動得滯所以暈咗，冇小產跡像。但係今晚要係婦科嗰邊觀察，你地幫佢辦住院手績先。」姑娘給了阿嬸一份文，指着我們去登記處。正當姑娘走時，她寧住頭望一望我們，

「陣間差人可能會揾佢，我地報咗警。」家姐仲有三個月先生日先十八歲，所以醫方一定會報警。他們聽了，沒有反應，應該說不懂反應。這兩天實在太多事了。
 
在病房，阿立陪着家姐，阿嬸去了買日用品給家姐，順便接母親來。阿立看着家姐，很想問他一樣野，那個胎是誰經手的。



「你想知個bb係邊個？」家姐一眼便看穿了。

「更係想知，呢次唔係小事。」阿立很認真。

「唔講得，講咗佢可能要坐監。」阿立其實有一下諗住，唔通bb父親係阿爸？因為他們感情太好，但如果要坐監，咁一定唔係阿爸。

「你以為係阿爸？」家姐笑着問，又看穿了。

「…….」

「傻瓜。」家姐笑着，但眼淚開始流，「其實阿爸係一個好好父親，只係佢唔識同你溝通。」

「……」竟然屈自己父親…..



「個bb既父親係一個大學生，不過我地分咗手喇。」

「分咗手？…..咁你打唔打算卑佢知？」

家姐寧一寧頭，「我冇，我會自己照顧個bb。」

「自己？家姐你唔好玩啦，你點照顧呀，你中五畢業咋，仲要升中六呢？咁你唔讀書呀？阿爸又已經……」說着兩人都低下頭，阿美也開始再哭了。
 
「家姐，你唔好咁樣，唔係陣間又暈。」
 
「唔……」阿美抺一抺眼淚。「咁…..你想叫家姐落咗佢？」

阿立靜下來，一陣後，堅決咁話，「係。」

「我唔會。」家姐同樣的堅決。「呢個係我既親人，除咗阿媽同你，係我既最親既人……我知道，如果阿爸喺度，佢會好開心，佢有個孫。」阿美的淚已經像大雨那樣的流。



阿立繼績冇出聲，只係默默咁，捉住家姐隻手。冇錯，呢個係我們的親人，唔可以唔要佢。

「家姐，你放心，我會照顧你兩個。」

「傻瓜。」家姐笑了，摸一摸阿立的頭，用滿了眼淚的雙眮，温柔地望着阿立，「咁你要卑心機讀書。第日要敎佢做功課呀。」

兩姊弟在這兩天，過了一個風暴一樣既日子。但只要兩個人一條心，一定沒什麼事不能解決的。
 
初初，他們是這樣想的。
 
回到家，阿立一個人在房內，他沒有沖涼便訓了下床。他雙眼望着天花板，還在整理這兩日的事。
 
阿中被斬死，父親恂職，家姐有咗。
 


個天是否在玩自己呢？
 
就像昨晚一樣，一合上眼，一幕幕和阿中和父親的回憶不斷湧現。很開心，很高興，眼淚好像想流出來，但沒氣地留在眼內。阿立不知不覺的睡了。
 
「走位啦仆街，我點交卑你呀！」阿立大聲罵着，只見阿中不停走，但仍然被幾名守衛死追。他眼見阿中越走越慢，越走越慢，最後更被其他人拉跌了，在人羣中失去了。
 
「阿中！！！」阿立已經找到阿中的身影。他只好路帶着球，一路向前走。
 
阿立一直不見有人支援，只好繼續走。前面又有了兩名後衛，阿立怎也擺脫不到他們。此時他見到有隊友在走前，阿立一望，是阿爸。當阿立正想交給他時，阿爸被人拉跌了。
 
「阿爸！」阿立叫着，但已經被兩名後衛拉住，他們不停拉着阿立，阿立想擺脫，但不成功。
 
「放開我！」但他們明顯已經不是在踢波，只是不停拉跌自己。
 
最後突然所有事物變黑，阿立被拉了入一個深淵入面。
 
「呀！」
 
醒來，滿身都是汗，原來是一個惡夢。阿立躺下床上，想再睡一會，但睡不着，怕一睡，又係一場惡夢。
 
這幾天，阿立就是忙着要照顧家姐，也有父親的身後事，其他事他已經沒閒去處理。阿立其實覺得自己就快痴線，一方面處理死人的事，一方去準備迎接新生命的降臨，根本就是精神分裂。
 
來到父親的出殯日子，消防處以最高級別榮譽儀式進行。由於是一個大儀式，好多事情要阿立同阿美兩個去做。其實阿立內心有點不耐煩，因為實在太煩擾，點解親人死咗，還要搞咁多野去煩佢既家人。福利組人員三日唔埋兩日又打電話來說東說西，又要採排，人死都要採排的麼？直至那天，阿立終於明白點解要處理那麼多事情，因為這個儀式真係太大，又封路，又多傳媒，又多政府高層。更重要，係好多父親以前的同事。他們個個都好傷感，好多都聲淚俱下。原來阿爸係好得人尊重。
 
一輪大儀式，經過幾個父親守過的局，最後去到浩園。吹奏完三首歌後，父親正式下葬。阿立接過父親的消防帽，代表父親的使命完成。各人都在哭，只有阿立沒有。他不知如何，真的哭不出，好傷心，但眼淚由父親死那一天，已經沒再出現。最後，阿立再父親的墓前，閉上雙眼，同父親講了一句。
 
「唔駛掛住我地，我會代替你，守護大家。」
 
接着的個多星期，阿立每天就是幫家姐安胎，做家務。他跟嬸嬸學如何煲補品，也學了很多安胎知識，有時又要幫手安撫一下家姐的情緒。很累，但阿立沒有退縮。
 
「應承過阿爸，要守護個家」
 
所以幾辛苦都頂住。阿叔成為了他們的監護人，因為母親已經再婚，阿立和阿美也不想給母親增添麻煩，所以拜託了沒有兒女的阿叔做了這件事，而他們兩姊弟﹐都是兩個人一齊住。
 
到了開學前幾天，原本阿立想不如不讀了，或者等姪兒出世才再讀，但家姐一句，
 
「你唔做好榜樣點樣教佢呀！」
 
結果阿立都係要返學。這一晚，阿立很累，坐在書枱，望着一堆沒做過的暑期作業，當然沒有衝動想做，只係想起一上學便會見到阿茵，他真的不知如何面對。他瞪一瞪窗外的一條繩，想起已經很久沒有和阿珊談話。其實自己好多野想同人分享，想去訴苦，但時間不讓他做，他也不知誰可以做這個對像。阿立拉起繩，發現夾着很多紙，每張都有寫日期。原來阿珊由阿中死第二日，每日都寫一堆文字給他。
 
「呢個傻妹。」阿立甜甜的笑一笑，發覺累意消了，決定要睇一次她寫的信。內容大致上都係問候阿立的情況，說自己很擔心，希望阿立可以回一回應他。正當阿立拿起筆，想寫下自己的事時，他停下來。
 
「我憑咩去要佢分擔我既唔開心……」
 
阿立放下筆，關燈，走回床，繼續去發他的惡夢。