[末日][極限生存][獵奇]　致人類的輓歌－首部－墮落: -0.4

老爺子彎下腰，抱著船邊先把一條腿踏在商場頂的石屎板上。然後轉身一跨，坐在地上大口喘氣，左手從格仔恤的胸袋掏出一塊手拍抹汗。小靜

提著鐵桶一躍跳到天台上。

「阿，攰死我喇。」老爺子皺著雙眼，張大口叫道。

「點呀，收鑊如何呀？」一個穿著紅色背心，束著棕色短馬尾的大叔問道。他彎腰放下雙手抱著的木箱，直立時有一米八左右的高度，十分魁

梧。他順勢打開雙臂，腰向後一仰，伸了一個懶腰同時張開口打了一個大呵欠。





「對唔住呀亞力，我瞓著左，所以我咩都釣唔到。」小靜低下頭說。

「咁樣呀，又真係煩啲啵。算啦，睇下我搵到咩！」亞力掀開濕漉漉的紙皮，拿出一個小長形，大小是剛剛好差不多手掌般大。

「哇！估唔到我依世人仲有機會見到維他奶。」老爺子看到後眉開眼笑。

「你係邊到搵到架？」小靜雙目發光，佩服地問。

「我本身潛左落去下面間超市想睇下有冇物資係到，但係基本上沖得走既都沖走哂。得番啲爛哂既包裝袋係到。本身我想潛入小小去個倉庫睇下





有冇驚喜，但係潛太耐個人開始凍，入面唞氣位又唔多所以折返。點知比我係樓梯頂到見到依箱維他奶比條喉卡住左。哈哈哈！」亞力得意洋洋

地說。

「接住喇老野！」亞力奸笑道，順手一拋便把一盒維他奶拋給老爺子。

「細細粒，你既！」正當亞力再拋另一盒奶給小靜。

「不勞者不食。你下次專心啲呀！」老爺子瞪著小靜說。





「唉你咪咁啦，依家咁既時勢你想瞓都冇得瞓呀。唔好要人飲盒奶都難受啦。小靜今次一定學乖架喇！係唔係？」亞力用一個親切的眼神望向小
靜。

小靜低下頭不停地點著。

亞力微微一笑，老爺子側頭不忿地＂嘖＂了一聲，對亞力有種不滿的感覺。

「好喇夜喇，快啲番去喇。。。。唔係一陣又唔知會撞到啲咩。」亞力收起笑容，換上一張嚴厲面環顧了一四周。
老爺子輕嘆了一口氣，單手撐著地面吃力地站起來。小靜打了一個冷顫便收拾行裝。