[末日][極限生存][獵奇]　致人類的輓歌－首部－墮落: -0.5

他們沿著倒下的公屋外牆向上爬大破洞．他們像走在一條斜橋上一樣平常地走著，偶爾要避開房間窗戶時要俯身手腳齊用地爬行．不消一會他們

便爬進了大洞．

他們魚貫地向左轉再爬了兩層樓梯，推開一個單位的鐵閘便倒在地上休息．
 
「呼，又一日．我依副老骨頭唔知仲可以挨多幾耐．」老爺子攤在梳化閉著眼說．
 
「你煩少陣啦老野，話唔定你聽日都過唔到呢，哈哈哈哈．」亞力自我感覺良好地笑著，然後他察覺到屋內靜得連心跳聲都聽得見，他立即收起





笑容，急忙忿開話題．

「今晚食咩好呀？」亞力問道．

「我地有兩包米，一堆罐頭，三枝蒸餾水，一堆零食．仲有今日搵到既維他奶．」小靜打開了咖啡色的廚櫃一邊檢查一邊說．

「麵包呢？我地唔係係上面層樓搵到幾條生命麵包咩？」

「前日就食哂喇．．．．」小靜弱弱地說．





「男人冇飯氣到肚唔覺飽呀！煮飯啦？」亞力抱怨．

「唔得架，如果煮飯會將食水消耗得好快，我地果幾枝水會唔夠幾日就用哂．」小靜皺著眉頭單手托著腮．

「咁啲米唔煮咪嘥哂囉，咁總要食架？！」亞力開始不耐煩，雙手握著拳頭．

「真係唔得呀，咁樣我地既水．．．」小靜反駁時被亞力打斷．

「唔好同我講唔得！我一定要食飯！大不了再搵囉！」亞力猛力拍了一下枱對著小靜大吼．小靜立即嚇得跳起，雙手緊緊地按緊桌面不敢動彈．





眼睛開始泛紅，溢著淚光．老爺子從梳化中坐了起來．

「唉好啦好啦，食咪食囉，做乜咁勞氣．嚇到佢縮到角落頭咁為乜呢？」老爺子走到廚房站在亞力與小靜之間，希望為小靜擋著亞力凜冽的視
線．

亞力右手向上用力一揮，轉著身說：

「煮餐飯都呀芝呀佐，屌！」

噗的一聲便倒在梳化上，梳化背擋住了他的身影，聽到幾下身體扭動時布料磨擦的聲音後屋子又陷入一片死肅．

老爺子走過去小靜的身邊輕拍著她的背，甚麼都沒有說．
 
街上悠閒而有序的沙沙海浪聲更令屋內的寂靜顯得突兀．梳化傳來陣陣的鼻鼾聲．外面的建築物一片漆黑，沒有半點火光．小靜抬頭望著深邃的





黑藍色夜空，滿天星斗散落在無盡的天際．她看到一顆星忽明忽暗地閃著，令她痴痴入迷，她開始覺得渾身輕浮，漸漸地失重，她的視野開始朦

朧．突破她感到肩膀一重．她的肩被輕輕的拍了一下．多麼溫柔的一按卻像一張大棉被般沉實地把小靜的靈魂包裹著令她不再浮動．