[末日][極限生存][獵奇]　致人類的輓歌－首部－墮落: -0.6

「點呀，有冇野幫手呀？」老爺子把小靜由夢幻的美境拉回來．

「冇．．．冇野．」小靜擦一擦眼角．

小靜搖一搖頭嘴裡說不，但她一直看著手中的石油汽爐不知道從何入手．

咔咔咔，嚓．仍然是撻不著．

老爺子微微一笑．嘴上的鬍鬚已經長時間沒有修剪，亂七八糟的臉容卻蓋不住慈祥的暖意．





「等我黎啦，你依啲後生仔唔識架喇．」老爺子打開則邊的蓋，把石油汽樽拿出來檢查一番，然後再塞回去原來的位置．拉動手柄，咔嚓一聲便

鎖緊了石油汽樽．

達，達，達，達，達，熊！底下的爐頭氣孔噴出藍色的火焰．

「唔該哂．」小靜無力地微笑．仍然是沒有望老爺子一眼．
 

老爺子目無表情地望著小靜，小靜目雙目無神地坐在椅子上看著石油汽爐飄忽的火光．





昏黃的光線稍為令這間冷冰冰的房間增添了一絲生氣．

老爺子輕嘆一聲，打破了沉默．

「你唔洗唔開心啵．佢份人係咁喇，。。。你小心啲啦．」老爺子語重心長地說。

小靜搖頭，但沒有答話．

「我覺得公道係你到，你都係為左大家好姐，你冇做錯啵，反而佢咁發脾氣係佢唔岩．」老爺子仍然望著小靜，想得到她的回應．





小靜側過頭，一雙迷惑的目光望著老爺子．

「我野食又唔識搵，又唔係好似亞力咁大隻可以保護大家．．．．唔好話大家，我連自己都未必保護到．依家連煮個飯都唔得．我可能唔適合係

依個世界．．」

老爺子立即張開口吸了一口氣，想反唇相駁，但欲言又止．

「你覺得我份人點樣？」老爺子一本正經問．

本來小靜的眼睛瞇成一線模糊，突然瞪得圓圓的．吃驚地張開口沒有說話．被銀白色月亮照亮的臉頰慢慢泛紅．本來放在枱面上的手微微一縮．

老爺子恍然大悟．氣急敗壞，哭笑啼非地身子一軟．





「嘖！你諗乜野呀！我都幾廿歲喇！」老爺子笑著說，看得出心裡覺得十分幸福．

小靜呆了半晌，然後尷尬地笑著吐出舌頭．

「我都幾廿歲喇．．．」老爺子又換上一副嚴肅面．

「你覺得我又比你更有用咩？」老爺子用一個具有透穿力的眼神雙眼直視著小靜．

「如果我好彩，冇穿冇爛，冇病冇痛都係比我玩多幾年．幾年後同依家立即去，分別係邊呢？」老爺子眨了一下眼，舔了一下唇．

小靜一聲不作地看著老爺子，眼神開始可憐起來．

「年輕人，有時候時不在你，你只可以跟住做，見步行步．

唔係事事都有意義先做，有時候係你做左先會明白佢既意義係邊．」





老爺子轉身看著窗外的景色繼續說．
 

「我覺得都唔係咁差姐，最少人同人之間既距離近左．

大家都好認真咁活著．

可能依個世界比之前既生活仲幸福．」老爺子若有所思地說著，雙手掌心慢慢磨擦著枱邊，感受枱邊粗糙的木材質感．
 

「所以唔好質疑自己喇，你仲生勾勾已經係好好既證明．你仲有大把日子挨呀．哈．」

老爺子瀟灑地一笑．
 





小靜對老爺子的人生經驗有所感受，但一時三刻難以理解．她隨口一問：

「你“果日“點走甩架？」小靜這條問題有如破冰一般打斷了老爺子回憶的思潮．

「你指個“果日”？」老爺子問剔起雙眉問．

小靜點點頭．
 
老爺子輕嘆一聲，望著窗外面回憶著．