「你點整親架?」JASON扶著阿Ca坐下來。

「去打獵果時唔小心親到。我地打到隻野豬呀,遲下落黎一齊吃丫~」阿申說。

「咁犀利?你下次小心啲喇。」 JASON依然把注意力集中在阿Ca身上。

阿Ca東張四望,一邊用眼角示意小靜幫她解圍。

女性之間的默契特別靈光,小靜馬上坐到阿Ca的旁邊。





JASON站在原地,沒有讓出位置。

曹醫生很快便拿著一個白色小瓶,幾包藥丸及一些包紮工具回來。

「食住止瀉藥先。如果三日都唔好就食抗生素。但係記住抗生素一食就要食足三日,唔好停。好喇~大小姐,睇下你個傷口先。。。」曹醫生把

藥交給阿申,然後蹲下來拆開阿Ca的繃帶。阿Ca腳上鮮紅色的傷口沒有癒合,反而變得腫脹。

「哇,唔細啵。傷口好長,不過唔係太深。傷口開始發炎,你要食消炎藥,唔係會含膿,手尾長架。最好就幫你縫針,你想點?」曹醫生皺著眉





評估阿Ca的傷勢。

「咁我幾耐先行得番?」阿Ca大感氣餒,沒精打彩問。

「行就幾時都得,不過盡量唔好郁到個傷口。不如你係到住幾日,等個傷口好番先走?」曹醫生建議。

「唔洗喇!我唔想打攪你地。」阿Ca耍手擰頭,急忙擠出一個勉強的笑容。

「唔得!你一定要好番先走。」JASON激動地說。





「喂,就算佢想自殺都係佢既事。你唔洗咁緊張啵。」阿申語帶嘲諷地說。

JASON冷不防被阿申捅了一句,臉氣得漲成紅色。

二人隔空對視,阿申一面輕挑,JASON卻神色凝重地看著他。

氣氛有如兩隻雄獅在草原上對峙,半點風吹草動也會引發一場血腥的戰鬥。

「縫完之後,有問題既我地抬番阿Ca上黎囉。好近姐~半個鐘都到。」小靜急忙為氣氛降溫。

「是但你囉咁。但係冇麻醉藥比你架。小小野忍下痛啦。」曹醫生把阿Ca的腳放在長椅上。拿著針線準備動手。

阿Ca緊閉著眼,小靜拿出一包紙巾給阿Ca咬著。

「要嚟喇!好痛架!」曹醫生用最沉實的聲線大叫,回音在走廊裡激盪。





阿Ca用盡全身的氣力咬牙,牙齒深深地陷進了紙巾裡。

曹醫生針鋒刺進了阿Ca的皮膚裡。

阿Ca立即呼了一口大氣,隨即眉頭一皺,鬆開紙巾。

「咦,唔係好痛咋啵。」她說

「人類只要覺得件事比預期好就會覺得冇咩所謂。但係拉線都好痛架。」曹醫生笑著,把針線一拉。

阿Ca"哇"一聲慘叫,腳本能地向上縮起。

「人類只要覺得件事比預期差就會覺得小小野都好大問題。」曹醫生大笑。





阿Ca好不容易終於熬過了小手術。

「做咩事咁嘈?」霍醫生走了出來,看到阿申一行人後警覺地問。

「冇,我地有人嘔,阿Ca又整親,所以上嚟搵你地幫下手。」阿申說。

「嘔!點嘔法?」霍醫生好像嗅地獵物的獵犬一樣。

「冇呀,肚痾咁囉。」阿申隨意地答,隨即眼睛一轉,補充一句。

「啲海水變左橙色。你覺得關唔關事?」阿申問。

「橙色?」霍醫生對阿申的說話感到難以置信。

「係呀,可能係蒸餾出黎既水有事。」小靜說。





霍醫生托著下巴,撫摸自己的嘴唇一邊沉思。

「我去你果到睇下。」霍醫生說。

「好呀!多謝你。」阿申感到一陣驚喜。

「唔洗,我想知咩事。」霍醫生冷淡地說。

「Do you want to go?」霍醫生問曹醫生。

「No thx。我係到照顧佢地得喇。」曹醫生說。

「Well, let’s go, shall we?」霍醫生對阿申說。





眾人回到橙堡裡。
已有 0 人追稿