[末日][極限生存][獵奇]　致人類的輓歌－首部－墮落: 4.16

「嗯。。。」霍醫生拿著聽診器在晞敏的肚子上他細傾聽，一臉嚴肅。房間裡沒有人說話，靜靜地等待霍醫生的結果。

「你個肚好多嘰哩咕嚕聲，應該係腸道有小小唔舒服。。。依到痛唔痛？」霍醫生伸手在晞敏的肚子上按了幾下。

「Um….唔係好舒服，但係唔痛囉。」晞敏吐出小舌頭。

「你應該係腸胃炎之類。我比定小小退燒藥你，其他用番曹醫生比你既藥就得。休息下啦。」霍醫生說。

眾人也鬆了一口氣。





「關於啲水。。。」Lincoln對霍醫生說，但被霍醫生用鋒利的眼神打斷。

「出去先講，依到嘈住病人。」霍醫生不悅地說。

眾人乖乖地走出房門外。

「應該係啲水有問題。」Lincoln說。

「但係我地都飲左好一段時間。你上次送嚟果啲都冇異樣架。冇變色啵。」霍醫生反問。





Lincoln拿出兩樽水。一樽像普通水一樣透明但有很多雜質，另一樽卻泛出微橙色像很淡的芬達汽水一樣，水裡有很多灰白色的粉塵。

所有人都被那邊奇怪橙色芬達震懾了。

霍醫生瞠目結舌，看著橙水一臉孤疑。

「你落左去裝水呀？」阿申問。

「唔係，我整出黎既。」Lincoln冷靜地說。





「吓？整？」眾人難以置信，議論紛紛。

「你點整架？」小靜果然率先發問。

「依幾日最大既分別係咩？」Lincoln反問。

大家都在思考過去數天的事件。

「我地食多左罐頭？」阿申猜，Lincoln搖頭。

「係唔係你地個濾水器出左問題？」霍醫生質疑。Lincoln搖頭。

「。。。陽光。」小靜聲音顫抖地說。

Lincoln抿著嘴，慢慢望向小靜，點了一下頭。





小靜突然腦海裡響著雜訊，好像收音機接收到錯亂的訊號似的。

她努力壓低腦裡的噪音，尋找一段她遺忘了，又似曾相識的記憶。

「光明會重新照耀大地。。。」突然，她腦海裡響起了這一句。

Lincoln注意到小靜神色有異。

「冇野嘛？」他問。

「冇。。。我有啲頭痛。」小靜按摩著自己的太陽穴坐下來。

「冇錯，係陽光。過去果一個月基本上都係陰天。唔知咩原因，雲散左，陽光先岩岩出番黎。」Lincoln拿起兩枝水繼續說。





「如果我地飲食習慣冇變既情況下，係冇理由無故咁集體中毒。唯一變既就係水既顏色。我嘗試假設水既成份變左，然而依幾日唯一變既只有陽

光。所以。。。我做左個小實驗，貌似普通水果枝，我放左係陰影位到。橙色果枝，我放左係窗邊曬佢。短短一個下晝已經開始變色。」

Lincoln把芬達傳給眾人觀察。

「咁點解佢唔係第一日就變？如果一個下晝就變色的話。」霍醫生問。

「Good point.我唔知，我估陽光會令水入面既野變化，去到一個臨界點就會轉換。」Lincoln高興地發表他的科學發現。

「咁我地點飲水呀？」科斯達擔心地問。

「拿，當時海嘯湧入黎，應該係咸水。水既化學成份係H2O，咸水仲有電解溶液係入面。我地可以用電解法抽H出黎燒佢就會有純水出，咁樣應

該可以避免左水入面既不知名雜質。」Lincoln滔滔不絕地說。眾人面面相覷，只有霍醫生剔起單邊眼眉，側著眼打量Lincoln。





「簡單啲講，比粒電池同兩枝導電體我就有水飲喇。不過得好少好少，可能搞成日都係得一兩升。」Lincoln說。

「好啦，咁依家知道咩事。大家就小心啲啦。」阿申輕鬆地說。

大家像下課一樣慢慢解散，解除了心中的疑慮便開始聊著各自的事。

小靜一言不發，靜靜地跟在阿申後面。

「阿申。。。」小靜拉一拉阿申的手。

「嗯？」阿申看到她古怪的面容問。

「知唔知古瑪係邊？我有野想搵佢。」小靜皺著眉說。





「吓？佢？你搵佢做咩？」阿申大感驚奇。

「冇，傾計。」小靜勉強地笑了一下。阿申也沒有深究下去。

「佢住係五座三樓，南邊黎。平時佢唔係屋企就係第十座下面既公園仔果到自己一個人坐，係西邊。你自己搵下啦。」阿申回答，然後扶著阿

Ca回到家裡休息了。

小靜一個人走到公園。看到古瑪靜靜地躺在黃色滑梯上看書。

小靜尷尬地慢慢走向她，不知道如何搭話。

「我知道你會嚟搵我。」古票注意到小靜。她慢慢地坐了起來，看著小靜。