[末日][極限生存][獵奇]　致人類的輓歌－首部－墮落: 6.2

路上阿申不時偷看小靜，小靜則若無其事地像好奇的小孩一樣四周張望。

「我以為你會發脾氣。」阿申笑說。

「嗯？點解？」小靜看著阿申問。

「吓。。。覺得咋。」阿申尷尬地說。

「嗯。。。我望住隻麻雀既時候，我諗番起隻野豬。」小靜皺著眉，舉起手擋著刺眼的陽光。





「喔？跟住呢？」阿申問。

「冇。可惜我地需要咁做。」小靜放下手，聳聳肩說。

阿申剔起嘴角微笑。

 

「唔得！佢唔可以留低！」科斯達的房間裡有人咆哮。





「依家都未知咩事，就咁推佢地出去同殺左佢冇分別。」另一把聲音駁道。

喀喀。

阿申和小靜推門而進。

科斯達和曹醫生二人正鬧得面紅耳赤。

霍醫生則事不關己地坐在旁邊的椅子上，看到阿申門時優雅地招手。





Lincoln站在一旁皺著眉沉思。

「我錯過左啲咩？」阿申笑著問。

「我都話左你出發之前應該同我傾下先！」科斯達怒氣沖沖地指著阿申說。

阿申扁嘴竊笑，乾咳了兩下。

「我唔理，總知佢係我既病人，我唔會比佢走。」曹醫生說。

「曹生，只怕依到唔係你話事。」科斯達冷酷地說，順勢托了一下眼鏡。

「我。。。。。」曹醫生啞口無言。

「到底咩事？」小靜問。





「你地之前受傷個大嬸，佢脾氣越嚟越暴躁，依家要將佢綁到實一實再搵兩個專人係門口看住佢先得。」霍醫生說。

「咁問題咪解決左囉？」阿申輕挑地說。

「佢成個下半身既血管漲到凸出表皮，仲變到深紫紅色咁。」霍醫生說。

阿申，小靜和Lincoln不約而同地互相打了一個眼色。

「阿申你係唔係知道啲咩？」科斯達看到阿申的表情十分古怪，問。

「我地係醫院果到搵到大叔個老婆。。。佢。。好似痴左線咁。」阿申說。

「痴左線。。。姐係點？」科斯達問。





「佢親手殺左呀叔。。。果時事出突然，我地反應唔切。」阿申搖頭說。

「你觀唔觀察到佢老婆有咩特別呀？」曹醫生問。

阿申托著下巴，回想昨天的情況，他皺著眉扁起嘴，面上不時浮出嘔心的模樣。

「呀。。。啲。。。啲浮屍，我指行得果啲，佢地對光冇咩反應，好似盲左咁。但係佢老婆好似對光好敏感，佢仲會行去光源到。ummm.....

呀！。。。。。」阿申欲言又止，面有難色。

「oh boy....你要講出嚟，我地有需要知。。。」霍醫生不悅地說。

「佢成身都係你所講既血紋。」阿申說。

「嗱！我都話架啦！聽到幾危險未呀？」科斯達大喝。





「我地都唔知係唔係同一件事。」曹醫生反駁。

二人各執一詞互相炮轟，霍醫生置若罔聞。

「其實仲有一樣野。。。」Lincoln突然說。

科斯達和曹醫生勉為其難地閉嘴，聆聽Lincoln的情報。

「大叔既老婆好似係針對大叔去攻擊。首先佢冇理前面既森囝，之後森囝趺左落去都冇比怪物襲擊。」Lincoln說出自己的觀察。

眾人呆望著他。

「So?」科斯達皺著眉問。





「冇。。。我都係講出我既觀察姐。」Lincoln對眾人冷淡的反應不是味兒。

科斯達繼續和曹醫生爭論起來。

小靜感到不耐煩。

「其實依家睇住佢先都冇問題丫，佢再有咩變化先決定啦。有冇其他野要傾？」小靜問。

曹醫生狠狠地瞪著科斯達，退後幾步。

「我地本身有三十七人，再加多十一人。好快冇野食，我地要出去搵多啲野食。」科斯達用責備的眼神看著阿申，阿申不以為然。

「我地保安方面安排成點？」霍醫生問。

「依家多左人手，反而好左。一開始人人都好驚，之後有啲人自願，又有啲係我地請佢地出嚟幫手保安工作。至於物資隊。。。基本上冇人肯出
去喇。」科斯達說。

「出面環境有冇變化？」阿申問。

「其實大閘外面已經有五隻浮屍係到徘徊，不過我地閘口同牆夠硬淨所以冇問題。」科斯達說。　

「唯有小心啲。。。」阿申淡淡然。

「好，要講既都講哂，各位請回。」科斯達說，一邊急不及待趕走房屋裡的人。

 

Lincoln在外面拉著小靜，在她耳邊細語。

「幫我問曹醫生拎安眠藥得唔得？」Lincoln說。

「好呀，但係點解唔自己去？」小靜好奇地問。

「唔係咁方便。。。」Lincoln說。

「晞敏點呀？」小靜看破了Lincoln的心事。

「其實啲安眠藥係比佢，依家佢越嚟越難瞓。」Lincoln說。

這時候阿申也湊過來。

「咁佢個肚點？」阿申問。

「已經上到頸，但係都係好淺色。」Lincoln說。

「不如叫霍醫生睇下佢？」小靜問。

「唔得！你岩岩聽到科斯達既反應架啦。。。」Lincoln說。

「咁睇其他人喇？仲有兩個人都係飲完水肚痛架嘛？」小靜說。

「OK啵！」Lincoln雀躍萬分，連聲說好。