[末日][極限生存][獵奇]　致人類的輓歌－首部－墮落: 6.3

他們三人走下會所樓梯，遇到在大閘廣場閒逛的Jason，他全副武裝，大搖大擺地在街上走動。

Lincoln和小靜對Jason點頭問安，阿申則囂張地對Jason視而不見。

「等等。」Jason叫停他們。

「你地去邊？」Jason用一種威逼的口吻問。

小靜對Jason的態度大感愕然。





「我地去緊。。。」小靜隨口便答。

「喂～關你咩事？」阿申抬起頭，用鼻尖指著Jason說。

「依家係我問你嘢唔係你問我嘢。」Jason寸步不讓，強硬地回應。

阿申裝腔作勢貼到Jason面前，二人的胸肌幾乎貼上。

「點呀？撩交打呀？」阿申咧起嘴巴，咬緊牙齒恐嚇Jason。





「退後，唔好接近呀sir!」Jason把手按在腰間的手槍上。

小靜和Lincoln立即拉開阿申。

阿申看到Jason居然帶上配槍後立即不敢硬碰。

「呀sir, 知唔知依到唔比帶武器周圍行。因為唔好嚇親其他人同免得有咩意外發生。依條規舉我有份諗緊，你果時仲係醫院果到守門口咋。」

阿申嘲諷。





「恐怕我地有新規舉，阿申。」科斯達說，一邊慢慢步下樓梯。

阿申回頭看著科斯達，對他的說話一頭霧水。

科斯達慢慢走到Jason身邊。

「今朝我已經分配左工作比Jason，以後由佢負責圍牆以內既保安。佢之前係警察，而且又識用武器，有佢係到一定好全好多。」科斯達說。

「你地尋日唔係嘈得好勁架咩？」阿申罵。

「冇錯，所以為左大家著想我諗得好清楚。槍械當然係集中放係一個地方安全，但係都要有合適既人選去運用槍械都好重要。所以我決定將槍械

既使用權比哂Jason負責，得佢先可以開到放槍械既房門。」科斯達說。

「哦～原來尋日果埸係戲嚟～失敬失敬。呀sir我地三人就唔舒服想睇醫生，唔知有冇犯法呢？」阿申狡猾地笑著說。





Jason息事寧人。

「走啦。」他說。

阿申急步走開，小靜和Lincoln努力追上他的步伐。

 

「擺明係針對我。」阿申苦笑說。

「可能只係咁岩有嘢岩佢做姐？」小靜安撫阿申。

Lincoln搖搖頭。





「權力可以令人腐化。只要比特權一啲人就可以令佢地俯首稱臣。明顯阿申唔係依類人。」Lincoln說。

「算啦，咁上心做咩。冇嘢負責仲好，唔洗煩。係睇條友仔咁招積唔順眼姐。」阿申打了一個呵欠。

「定係佢對阿Ca死纏爛打？」Lincoln奸笑說。

「嘻！唔抵得姐，成日係到扮哂嘢。」阿申哈哈大笑。

 

不一會他們便到了醫院難民的住宅。

大豬坐在大堂附近的地板。

「早晨呀申哥！」大豬看到他們後急不及待揮手，抖動著渾身的肥肉。





「喂～你做咩係到既？」阿申好奇問。

「科老大叫我幫手照顧佢地，佢地有咩唔識可以問我丫嘛。」大豬答。

阿申聞言後無名火起。

「大豬，佢唔係老大。另外你都唔洗聽佢講野，你想做咩就做咩。」阿申皺著眉說。

「我係唔係做錯？教我丫申哥！」大豬熱誠地看著阿申。

「我係話你唔洗比佢當下屬咁指點。你，想，去，邊，就，去，邊。」阿申用力地說。

「我想幫手，老大叫我嚟所以我就嚟囉。」大豬苦惱地說。





「我想問下曹醫生番左嚟未？」阿申放棄告誡大豬，問。

「曹醫生同霍醫生都岩岩番左去喇。佢地係一樓Ａ同Ｂ室。」大豬答。

「唔該哂。」阿申拍一拍大豬的手臂，滿足地笑著。

大豬十分興奮，覺得自己幫上了忙。

他們走到一樓敲了Ａ室的門。

。。。。。。

沒有回應。

這個時間Ｂ室卻打開門，霍醫生站在門口。

霍醫生穿回汗衣和牛仔褲，舉止像一般貴婦一樣優雅，十分平俗。如果她不披上袍，她的打扮平庸得誰也想不到她是一名醫生。

「Hey~」霍醫生微笑道。

「你知唔知曹醫生係唔係到？」阿申問。

「佢去左樓上照顧病人。有咩事？」霍醫生說。

「我近排唔係瞓得幾好，可唔可以比小小安眠藥我？」小靜裝出淘氣的樣子。

「喔～～～經過咁多恐怖都唔奇。。。入嚟先。」霍醫生邀請他們入屋。

平凡的住室，十分整潔。

霍醫生走進房間裡，在醫生袍的口袋拿出一個白色藥瓶。倒了五顆圓扁形的白色藥丸出來。

小靜大驚。

「我要安眠藥。。。做咩比依啲我？」小靜指著霍醫生手上的藥丸驚問。

霍醫生皺眉，拿起藥瓶檢查了一下。

「冇錯呀，係依隻呀。」霍醫生說。

「依隻藥你係醫院比個女仔自殺架啵。。。。」阿申謹慎地問。

霍醫生馬上記起醫院的事。

「哦！唉我呃鬼佢咋嘛。」霍醫生說。

小靜和Lincoln呆望著她，阿申驚訝地笑著。

「你做咩要呃佢？」小靜問。

「時間緊迫，邊得閒同佢講人生大道理。佢食完就瞓著，我地抬走佢就得。如果唔係點解阿申催我果時我會咁嬲，嬲到要舉中指？哈哈」霍醫生
笑著回應。

「咁個呀伯？」小靜吃驚地問。

「佢個病要六個鐘食一次藥，出左醫院真係冇咁多藥比佢。果四粒藥效力好勁，佢應該走果時都瞓得好冧。」霍醫生淡淡地說。

「吓。。。姐係你殺左人？」小靜語氣一轉，責備霍醫生。

「。。。我殺左人咩？」霍醫生瞇起雙眼反問小靜。

「咁你比左啲藥佢。。。」小靜說。

「佢年紀咁大，佢有佢自己一套面對世界既方法。我只係提供道具比佢姐。」霍醫生說。

突然小靜腦海的響了一下叮嚀。

「點解你連佢小小願望都唔成全呀？！」。。。。

她望了Lincoln一眼，然後不說話了。

「依到五粒藥，瞓前一粒，冇效再食多粒。食哂再叫我。」霍醫生把藥交給小靜。

 

「呀！我地仲有啲病人之前肚痛，你方唔方便睇下佢地呀？」Lincoln急問。

「Sure~why not?」霍醫生說。