[末日][極限生存][獵奇] 致人類的輓歌－首部－墮落: 6.4
四人來到居民集中的第二座。
Lincoln帶著他們爬了一層又一層的樓梯。
「到未？。。。好攰呀。。。」小靜雙腳發軟地說。
「平時唔係住頭幾層架咋咩？」阿申開始喘氣地說。
「因為唔知佢地咩事，所以安排佢地住高啲。廢事惹比其他人，仲有唔想佢地走嚟走去。」Lincoln說。
霍醫生早已經汗流浹背，搭不上話，專心地走著。
他們好不容易爬上了廿二樓，最高的一層。
Lincoln敲B室的門。
「Hey~~~我地又嚟探你喇~~~芳姨~~~」Lincoln隔著門大叫。
喀喀喀。他再次敲門
整個樓層一片死寂。
Lincoln轉身敲A室的門。
「亞安，喂～～～開門呀。」Lincoln說。
同樣沒有回應。
Lincoln回頭看著他們，無奈地聳起肩膀。
他從腰間拿出一串鎖匙。
嚓一聲把鎖匙插進了匙洞並開始扭動。
小靜突然從心裡湧出一股不安的感覺，門隙彷彿滲出一縷不祥的黑色煙霧。
Lincoln打開門，四人看到屋內景況後僵立在門外。
血。到處都是血漬。
四周的牆壁佈滿抓痕，所有東西都被打破。
大廳被厚重的窗簾擋著，昏暗的環境顯得死氣沉沉。
亞安的屍體靜靜地躺在窗邊。
他的手腳得像痙攣一樣扭曲，臉容十分痛苦。
阿申在地上拿起一片塊碎碗拋向亞安的屍體。
它沒有反應。
確認安全後四人進入屋內，一陣糞臭味急竄進他們的肺裡。
他們急忙掐著自己的鼻，強忍這股濃烈的氣味。
霍醫生對屍體並不陌生，但她也緊張得直冒冷汗。
霍醫生格外小心，再拿了一條碎木篤向亞安的臉，她的手指如閃電一樣射出，然後立即縮回。
屍體很安份地躺著。
「我要光。」霍醫生再三確保安全後立即檢查屍體。
阿申和Lincoln拉開窗簾，陽光重新射進屋內，揚起一陣灰塵。小靜探索四周的房間。
小靜在廚房找到膠手套後交給霍醫生。
霍醫生戴上手套及口罩後開始工作。
她用兩隻手指撐開亞安的眼睛。在陽光照射下，他的瞳孔變成啡紅色，眼白位置充滿血絲。
霍醫生再用木條挑開它的嘴巴檢查。
她拉起了屍體的上衣，深紅色的血紋由肚臍開始蔓延到頸上，像奇異的藝術紋身一樣纏滿了身體。
霍醫生再把它的褲子拉下，發現雙腳也佈滿了血紋。
霍醫生呆望著眼前的屍體，一時三刻腦裡一片空白，她嘗試把自己的知識和眼前的怪病連結。
「冇屍斑，冇屍水，隻眼好清。。。。應該死左唔耐。。。」霍醫生自言自語。
「Hey！佢有寫野呀。」小靜在房間裡大叫。
小靜拿著一本手掌大的記事簿走出來。
「寫咩呀？」阿申急忙跑過來。
四顆頭湊在一起，金睛火眼看著亞安的日記。
「第四十六日。晴。：食完飯之後就開始肚痛，成個下身都好熱。唉，好唔病遲唔病，依家先嚟病。本身仲想去搵Ruby。。。唔知佢有冇掛住
我呢？我第一次係醫院見到佢果時已經好鐘意佢。。。佢對住我笑！我個心好似棉花糖一樣甜到溶左。不過。。。如果個世界未變的話佢會
唔會仲睇得上我呢？」
小靜翻到第二頁。
「第四十七日。晴。：Lincole？Linclon？我一直只係識讀唔識串佢個名。佢拎左一粒藥比我食，食完個人立即舒服左，好想要多啲。但都係好
熱。聽講有幾個人都病左，我都話唔係我身體弱架啦！好番之後第一時間去醫院搵Ruby先。近排出番太陽，好想同佢出去玩。好想瘋狂咁曬太
陽！」
小靜皺眉，翻到第三頁。
「第四十八日：。。。痛，好似曬過頭，肚痾仲嚴重左，都係唔曬。今日唔寫太多喇。有新鮮豬扒食好開心。」
小靜翻到第四頁。
這一頁的字變得龍飛鳳舞，難以閱讀。
「第四十九日：女子痛。。。今日朝早痾血。。。個月土仲有啲女子奇怪既紋係到，隻腳好痺。個頭痛到想裂開咁，女子多雜聲係個腦入面到
嘈。女子想扌卜火暴自己個豆頁，挖哂啲聲出嚟。」
小靜翻到第五頁。
這一頁的日記下半部份沾上了一大片血漬。
「第五十二日：佢地將我隔離左係頂樓，仲話出面有怪物。。。。芳姨係我對面。我問其他人佢情況同我差唔多。不過我冇話比佢地知我個身既
怪紋。由一開始淡紫色變到依家鮮紫紅色。我依家精神越嚟越差，有時寫寫下字會呆坐左係到幾分鐘。。。有時手腳抽筋咁不受控，好痕，我好
想啪斷自己兩隻手，我係牆上面係咁抓，抓到流血都唔想停。。。我好痛苦。。。我真係好痛苦。。。我好想繼續寫落去。。。但係依篇應該係
我最後一篇既日記。。。Ruby，如果有機會既話。。。我想話比你知我好掛住你。。。你令我心入面甜過，我少左一份遺憾。。。。。如果可
以的話，請掛念我。。。」
小靜正想翻到下一頁，Lincoln立即按著她的手，手指像手術刀一樣仔細地劃向日記下部份，血漬下好像隱藏了一段句子。
他們走到陽光底下，早已經乾透的啡色血液下顯示出一段黑字。
「走呀！！！我冇害你！唔好問我點解咁對你！！！我冇害任何人呀！！！你好嘈呀！！！！我唔想聽你講嘢呀！！！！」
小靜再翻一頁，後面已經空白一片。
他們回頭看著亞安的屍體不勝唏噓。