[末日][極限生存][獵奇]　致人類的輓歌－首部－墮落: 10.1

小隊跳出圍牆後，信眾漸漸散去。

廣埸再次回復平靜，天空也換上黑幕。

 

喀－喀－喀。

沒有人應門。





大豬嘆一口氣，轉身離開。

 

「Jason大哥，我有冇嘢幫到你？」大豬走到圍牆上問。

Jason放下望遠鏡，低頭看著大豬。

「恐怕放哨既工作唔適合你，你試下搵Lincoln。」Jason說。





「我答應左申哥一定要保護屋企，我會全力以赴。」大豬懇切熱誠看著Jason。

「我唔在意你既承諾。」Jason鄙視大豬一眼，繼續遠眺。

「我見過怪物，唔驚佢地！」大豬激昂說。

Jason哼笑，蹲下來看著大豬。

「你打算用鍋蓋對付怪物？」Jason用手指彈在鍋蓋上發出‘叮叮’聲。





「我。。。已經搵左Lincoln哥哥，但係冇人應門。」大豬低下頭口吃說。

 

「去廚房啦你，佢地少左隻鍋蓋。你一定大派用埸。」Jason像哄小孩一樣摸著大豬的頭。

大豬洩氣離開。

「Is that how a police talk?」一嘴字正腔圓的英語，霍醫生慢慢走上斜台。

「醫生，恐怕圍牆唔係女人應該嚟既地方。」Jason笑說。

「We all tried our best to help, don’t we?」霍醫生從容不迫回應。

「科斯達同木工傾緊點加固圍牆，你睇下佢地要唔要幫手？」霍醫生向大豬溫柔說。





大豬眉飛色舞，點頭向會所跑去。

「假希望會害死人，廢物就應該安安份份。」Jason看著大豬高興的背影說。

「每個人能力都有限，that’s why we work together.」霍醫生笑著說。

「有咩幫到你呢，醫生？」Jason不耐煩問。

「我發現抗生素用得好快。想你幫我去醫院跑一躺。」霍醫生皺眉說。

「吓。。。咁快用哂？你地應該慳小小。。。」Jason吃驚說。

「當然～只要你地唔再受傷。」霍醫生說。





「抗生素真係有效？」Jason認真問。

「Well, it buys time…. for a while.」霍醫生一臉愁容看著外邊。

「我只係負責保安。要去牆外面搵嘢的話要等佢地番嚟。」Jason慌忙解釋。

「What？果啲係你既people嚟。你地係一條team。」霍醫生反駁。

「我。。。我都唔想。但係出牆以外搵嘢唔係我地保安組既工作。每個人都有佢地既工作。如果要去牆外搵嘢就要等物資隊番嚟。」Jason支
吾以對。

「What if they don’t?」霍醫生立即接上，逼問Jason。

「吓？」Jason瞪大眼。





「Who knows？如果佢地唔番的話你就由得我地餓死？」霍醫生咄咄逼人。

「我。。。我既工作係負責圍牆安全。你想要其他嘢直接同科斯達講。」Jason說。

「有啲事總要有人做。而有啲人總係想坐享其成。」霍醫生話畢，怒氣沖沖離開斜台。

「我既工作係。。。」Jason急忙大聲解釋。

「Fuck your duty, Pussy!」霍醫生頭也不回，舉起中指拂袖而去。

 

自從醫護人員搬遷到橙堡後，他們住在南邊的第六座，並把第六座的低層單位改建成簡單病房。

病人會隨著病情嚴重搬到越高的病房，假若病人已經無可挽救，將會在七樓‘解決’。





由四樓開始，每層病房外都有三個守衛把守。

守衛是橙堡的居民，只不過是手中拿著一把武器而已。

甚至有家庭主婦穿著粉紅色羊毛外衣，拿起削尖的木刺就當起守衛。

說不定廚師比他們還會用刀。

雖然保安組和橙堡守衛並沒有物資隊善戰，但他們有足夠能力對付浮屍和感染者。

傷亡數字很高而已。

 

「六，七，八。。。第八個呢？」霍醫生在六樓的病房問。

「今朝已經上七樓‘解決’左。」女謢士回答。

「Thank you, Sandy.」霍醫生努力擠出一個笑容離開。

「Dr. Fok。。。。。你認為會唔會。。。佢地突然好番，而我地變左殺人兇手？」Sandy雙手顫抖，問。

「They are already dead, sweet heart.」霍醫生甜笑。

「我指。。。可能只係我地唔識醫呢？」Sandy說。

「醫學角度，腦死亡後唔會再甦生。當佢地再次企起身時已經唔再係一個人。。。」霍醫生說。

二人看著躺在床上的病人，一臉茫然。

「唔好諗咁多，do our best.」霍醫生拍拍Sandy肩膀走出房門。

「如果。。。Carey番嚟時受左傷。Can we keep her？話唔定。。。。有一日。。。」Sandy低下頭避開霍醫生目光。

霍醫生眼神凌厲，托起Sandy的下巴，逼她正視自己。

「Girl…..復活死人只係活人自私既想法………Nothing more…..」霍醫生語重深長說。

Sandy慚愧得低下頭，害怕霍醫生的雙眼。

喀，喀。

「Sandy, 6/F need you.」曹醫生穿著醫生袍，帶著口罩，半身鮮血站在門口。

「yes Doctor.」Sandy快步走出房間。

「Dr Fok, 有咩嘢幫到你?」曹醫生拉下口罩問。

「No, I am doing fine.　你肯定唔洗抖下？我可以接手。」霍醫生反問。

「Nah, it’s fine. 樓上危險好多，不過我應付到。我試過火燒同截肢去阻止感染擴大。。。只有截肢比較。。。」

霍醫生瞠目結舌看著曹醫生。

「燒？！」霍醫生難以置信，打斷曹醫生。

門外的守衛同時回頭，詫異看著曹醫生。

曹醫生露出一個驚奇的笑臉。

「I am trying to save them.」曹醫生攤開雙手說。

他一臉無辜，因為被質問而感到難受。

「你做緊臨床實驗？！」霍醫生追問。

「吓？NO! JESUS!　唔係實驗！我只係灼死傷口附近既感染細胞。同電燒刀止血既原理一樣。」曹醫生解釋。

「唔好僭越上帝既位置。。。。。」霍醫生用力篤曹醫生胸口，厲聲警告。

「NO! I am just….」曹醫生繼續解釋。

霍醫生感到噁心，側過頭離開房間。

 

霍醫生邁開大步走向會所，打算向科斯達投訴。

大豬一臉愁容坐在會所前的長梯級下。

「What’s going on?」霍醫生問。

「科先生叫我乖，出去玩。跟住就閂埋門。。。」大豬嘟起嘴說。

正當霍醫生坐下來安慰他時，圍牆傳來一陣響亮的哨子聲。

廣埸的居民立即四散，頓時陷入驚慌。

十多個保安組的人拿起武器，從四方八面湧上斜台。