《易容師》: 序

　　個一晚，我身處係一個似係密室既地方。我見到自己左手不斷流血，眼前
就有一男一女。
　　男既企係左手邊，身穿紅色冷衫。女既就跪係右手邊，身穿著皮革。兩人
好似商討緊Ｄ咩。明顯，個名短髮少女，係完全聽令於紅衫男子。

　　2015年4月27日，下午3點46分。大學，心理學系院舍。

　　「以上就係我既夢境......」我咪埋左眼，訓係一個長椅上面，思索緊前日
所夢到既奇異夢境。
　　「佛洛依德曾經講過，夢，係通往潛意識既康莊大道入面充滿幻想同自我


潛意識。同時夢境係了解自我及自我認識既重要途徑......」
　　講緊野個個，就係熊德倫，熊教授。
　　因為呢個夢纏繞左我足足三個月，但又無實質既影響，我拜訪左讀大學既
好朋友，介紹左呢個相熟心理學科權威教授，空餘時義務幫助我解困。

　　「你話夢中，有一男一女，你認唔認識？」
　　「唔認識。」
　　「咁你講到個短髮女性，係一位少女。咁個男士呢？係老，定年青？」
　　「我唔知，但從佢衣著睇，似係一個上左年紀既衣著打扮。」
　　「你話......個男人身穿紅色冷衫，咁見唔見到佢，入面係著住白色恤衫？」


　　「係呀！你又知既？」

　　我張開眼，我見到既著住紅冷衫既教授背向著我。
　　同時我發現，我雙手雙腳被綁著左係長椅上，完全郁唔到！

　　「係咪......好似......我咁樣呢？」
　　教授轉左過黎，清楚睇到，紅冷衫入面，確實穿有白色恤衫。佢手中，攞
著一把好鋒利既手術刀！

　　「教授，冷靜Ｄ呀！我咩都唔知架！」


　　「唔知......」佢低著頭沉靜左，下一秒佢抬起頭個陣，嘴唇兩邊裂開，就好
似日本裂口女咁樣！

　　「你點會乜野都唔知！！！！」
　　衝左埋黎！一刀隊左落我心臟！一口咬住我頸！
 
　　嗚呀.......嗚呀！！！！！！！！！！！！！

　　　　　　　　　　　　　　　　　　　　　　　　　　　(to be continued...)