《易容師》: 第一章-人形蜈蚣
「哇屌！！！！」所謂一言驚醒夢中人，我怒叫一聲，係生死之間走出夢
境。
雙手即時摸索自己身體，檢查一下究竟方才既係夢，抑或已經發生。
除左全身冷汗之外，個人完整無缺。睇黎頭先個個只係夢中夢。
一個，好真實既夢。
因為，頭先所有野都真係發生過。除左教授主動問我，有關夢境男子既衣
著，以及打後問題既事......
2015年4月28日，凌晨4點38分。某公屋，房間內，碌架床下層。
「屌......唔撚洗訓咩......返左黎三個月，三個月都咁撚樣，玩野咩......」
呢位係我細佬。係既，我又係衰，夜晚晚先黎發呢Ｄ惡夢。
講返自己先啦，我叫汪震，23歲，一名見習攝影師。即係人地口中既「
龍友」囉！
我戴返眼鏡，坐左起身，諗返呢三個月黎既夢。
可能有人會話：會唔會係教授身穿太鮮艷既衣著，令你不自然代入在夢境
既人物入面？
我會答你：一定唔係！
呢個夢，三個月黎，我幾乎一星期夢見三四次。見教授之前一個星期，差唔
多每一晚都有一次。
個夢好簡單，密室之內，一男一女，一企一跪。
只係，今次唔同既係，夢境接著另一個夢境。神秘之後，就係逼真既死亡
感覺。
琴日，訓係教授間房到，經佢催眠後我再次進入夢境。醒返望到佢同夢中
男子衣著一模一樣。我真係唔敢馬上如實交代。
岩先，又發埋一個夢中夢既惡夢，我內心真係有Ｄ驚，個夢境其實係咪暗
示緊我，要小心呢個教授呢？
抑或，呢個夢，係所謂既預言夢？
我真係唔知，點解......會咁樣架......
2015年4月30日，下午3點06分。某大學，足球場外。
盡管自己內心有幾驚，我都唔知點解，直覺話我知點都要去再見一見熊教
授。
直覺推動下，我又黎到大學。今次明明係第二次黎到，然而我既步伐因為
足球場上既叫喊聲停低。
為既，可能就係想見返，第一次經過時見到既一個足球女將。
紮起馬尾，活力四射，指揮大隊，帶球直入。最後一個勁力射球，帶領自
己隊贏出比賽。
好開心，當下我又見到佢。白雪既肌膚，係陽光底下唔怕暴哂，汗水隨風滑
過頸椎、手肘、馬尾飄落，比人有另一番女神既感覺。
實在忍唔著啦！職業病發作，單反相機早已準備，對準目標，對焦、光圈
調教，動態拍攝再配上連環快拍！
咔嚓─咔嚓─咔嚓─咔嚓─咔嚓─咔嚓─咔嚓─咔嚓─
成功影到佢再次入球，唔怕旁人眼光，舉高雙手，以純樸開懷既笑容，慶
祝今次既勝利。
「喂喂，隊長，個個龍友好似係咁影你相啵！」
仆街！耳仔靈敏既我，隱瞞聽到女神旁邊既隊友好似講緊我。
係鏡頭底下，女神的確望著我呢邊！我即刻收起相機：「對......對唔住！」
道左個歉，轉身跑去搵熊教授。
2015年4月30日，下午3點24分。某大學，心理學系院舍。
嚇死我，天生怕羞仔，比個女神見到我偷影佢，真係唔識點反應。
哎呀！我點可以咁架！紅都臉哂，真係成個死毒撚咁！唉......
我一路睇返岩岩影既相，慢慢走到熊教授既房去。
「......反社會人格？教授你意思，兇徒極有可能係因為以往既過去，去做出
類似既事件？」
「唔排除呢個可能性，你可以嘗試從呢個方向調查。另外，我希望劉SIR
你可以盡快向各大傳媒報章，公佈比市民應該知道既訊息。」
「呢樣野，唔輪到我話事。」
「非常時期，非常手段。市民都有知情權。」
房外，我聽到熊教授好似同人傾緊重要野，我諗住不如一陣再黎過。
點知我一轉身既一下，有一打開左度門。係另一把聲，個個劉SIR。
「咁啦教授，你既建議我會幫你同上頭講講。今日唔該哂你先，再有需要
既話，希望你可以繼續同我地警方合作。」
真係警察黎，好高大，望落起碼米八幾。企左係我面前，差Ｄ撞埋黎。
「唔好意思。」佢粗獷既聲線，配合死老豆既樣，向點一點頭就走左。
「你黎啦？Sorry，剛才個位阿SIR忽然拜訪，希望冇阻到你時間啦！」
「點會，我多謝教授你先真，將課餘時間比左我呢Ｄ閒人。」
光線時光時暗，我既手又係流緊血，眼前又係有一男一女，一企一跪。
「主人，時候到啦！」咩事？咩主人？你叫緊邊個？
「嗚呀......」咩聲？似係有人慘叫，但又一步步逼近咁。
我一轉身，見一個人臉貼一個人屁股既連體人，發左狂既捉著我雙腳！
我想逃走，點知比隻怪物拉低左！佢好似蟲咁，一步一步爬上我身，後面
既人捉著我雙腳，中間既人捉著我雙手......
最前個個，雙手叉著我條頸，令我......抖......唔......到.....氣......
又係個Ｄ死亡既感覺，呢次係咪又係夢咁簡單？
係既話，就快Ｄ醒啦！我真係就黎......窒.....息......
(to be continued...)