2015年4月30日,下午6點17分。新界屯門公路上。
 
  「對唔著,頭先......我講左咁多唔係人講既野。」
  「唔緊要啦,我第一次見到個陣,個反應其實都唔好你好多。」
  係劉SIR既GTR上面,我反省過自己既問題,同佢道歉。同時,又不禁
諗返起岩先係小欖入面既情況。
  入去,到見到程小芳,到最後嘔住出返黎,過程都其實唔夠半個鐘,但係
就好多隔左個世紀咁,去完另一個世界出返黎。
 


  「係呢,我想問下......點解新聞冇報導到呢件事?仲有隻怪......程小芳點解
困係小欖,而唔係其他精神病院呢?」
  「問得好,我都預左你會咁問。」劉SIR打開播歌器,放出D純音樂。好
似知道我仲未從岩先既恐懼走出黎咁,想比我聽D音樂放鬆下。
 
  「不如我問返你先啦,你覺得程小芳咁既情況,比香港各大傳媒知道,會
有咩後果?」
  「全香港既人,好似頭先我咁......全港將會進入恐慌狀態。」
  「冇錯!另外,程小芳咁既情況,加上有一定攻擊性,我地將佢運入小欖
到比人看守......一來本身高度設防,唔會令人起疑。二來可以令犯人唔會因為


佢所作所為令香港陷入恐慌件事,從而得到滿足自豪感。」
 
  「我唔明啵......點解你地會覺得,係有人專登放程小芳出黎?」
  「我地發現程小芳個陣,佢口同四支刀刃都冇染上人類既血跡,而刀刃都
係極之鋒利,好似有人刻意為佢準備咁。如果你係程小芳,有能力逃跑,又有
可以致人命既武器,點解唔第一時間殺左害到佢咁既人先?」
  「你意思,程小芳係比帶左去郊區,然之後先安裝左利刃,等佢好似怪物
咁周街走動?咁點解釋係早上無佢蹤影?」
 
  「呢方面解釋到。就係我地岩岩搵到佢個陣,馬上將佢送到小欖入面,想


同佢影相作為紀錄個陣......閃光燈一亮,佢就好似頭先咁發哂癲。由此推論,犯
人應該用左某D手法,比喻:洗腦。令到本應唔會怕光既程小芳,改造成遇到
閃光燈,或強光就會即時閃避。所以係日頭,被改造後既程小芳,佢應該會收
埋自己係D陰暗地方,而到晚上先出黎好似野生生物咁搵食物。」
 
  如果無見到剛才程小芳咁既樣,聽到呢到,我會以為劉SIR係睇科幻片睇
得多上腦。
  事實證明,我都係。
  「實在......太恐怖。」
  「你角度係恐怖,但係程小芳眼中,就更加恐怖。一個正常既女仔,二十
歲出頭,無啦啦比人捉左去改造成咁既樣。你話恐怖......佢係咪更慘,更可憐?」
  的確,我冇出到聲,劉SIR亦知道我心諗咩。
 
  「所以,我真係好希望o靚仔你話我知。到底你夢境入面,仲見到D咩?」
  「我......講左啦......」


  「真係冇其他?當劉SIR求你,你個夢,可能係對破呢一單案件,有好大
影響力!」
  真係咩?一個夢炸啵......一個,幾乎幾次都殺左我既夢。
 
  「我......仲見到......熊教授。」
 

  嘰嘰嘰嘰嘰嘰!!!!!!!!!!!!!!
 

  哇屌!劉SIR忽然剎車!我頭應時撞落個玻璃窗到。
  「劉SIR......又話要求我,做咩勁咁玩我呢?」
  「又係熊德倫?」劉SIR又自言自語,完全無視左我。
  「咩又係,佢同單案有關咩?我係大學到以為你問佢意見炸。」
  「知唔知道,點解我頭先要你保守祕密,連熊教授都唔知得你黎小欖?」


 
  我吞左淡口水,雙眼嚇到合唔埋,望著劉SIR搖搖頭。
 
  「程小芳,正正係熊教授心理學系既一個學生。同時,我地警方查出......
佢兩個人有不可告人既關係!」
  「你意思......?」我無講落去,劉SIR亦無接落去。因為我地兩個都心照
知道咩事。
  然後劉SIR只係點起左支煙,呼吸左下。
 
 
  咇!!!!
  「你老尾!揸靚車可以塞車呀!阻撚住哂!」
  直到後面有車響鳩我地,劉SIR先再次開車。
 
  之後成程車,我地兩個都無再講任何交流。劉SIR由佢一路食煙,一路揸


車。我有我一路睇相,一路思索方才既一切......
 
                           (to be continued...)