《易容師》: 第十章-難逃一死
碰──碰──碰──
裸女蜈蚣瘋狂咁撞擊度防火門，我死命咁頂著！
真係一隻怪物黎，Ｄ力量仲勁過貨櫃車咁！
「仆街！死開呀！」
咔嚓呀──
我用背脊頂著防火門同時，調轉拎起相機，向防火門外發射閃光燈！成功
閃到隻裸女蜈蚣又發左癲咁亂叫亂撞。
呢個毛聞仲等咩？拿拿聲衝返落樓下停車場，然後搵個機會跑返屋企算吧
啦！
「喂.....細路又係你......」個看更係咪老花架？咁乸大隻怪物都見唔到，仲
咁冷靜叫我？
唔理得佢咁多啦！佢冇比隻爬爬食左，咪算佢好彩囉！我都係顧掂好自己
先算！走呀！！！！
我衝返出停車場對出既馬路，周圍除左街燈，真係乜叉都冇咁制......
人生三大矛盾之一：要乜冇乜！
平時做左Ｄ柒野，一定比人見到。依家想搵個人幫下拖，報下警都好下！
點知又係得個吉！
咇！！！！！！！！！！
忽然強光一閃，係劉SIR？
唔係呀，拍戲咩？瞬移都冇咁快啦！
係有其他車衝埋黎呀！
Sorry，正確Ｄ講係我亂衝出馬路，同人地架車撞到應一應呀！
依呀呀！！！！！！！！！！！！！
哇屌！
就係差少少比車撞到魂飛魄散既一刻，我飛身撲去前方，雙手護著相機，
背脊落地！
而同一時間，隻爬爬裸女蜈蚣從後衝上黎！
轟呀──
就係咁，由佢代替左我比架車撞到飛起。
「屌你老尾！冇眼咪學人出街啦！」
「唔係啵老公，個個唔似係人黎架啵！」
大劑啦！今次真係比Ｄ市民見到添，死啦香港會唔會陷入恐慌架？
個變態兇徒咪會放更多呢Ｄ改造怪物出黎？唔好呀！媽咪救我呀！
依呀......呀......嗚呀！！！！
唔係掛？隻裸女蜈蚣比架大型車撞到彈飛幾米遠，仲唔死得！？
咦喂！你咪起身呀......咪再過黎呀！
仆左落地既我，依家手腳都損哂，相機仲好似跌壞埋。真係想再走都走唔
甩啦！
嗚呀......呀......呀......依嗚呀！！！！！！！
裸女蜈蚣又一聲尖叫，震撼左方圓百里！就算戴左耳機既我，都會用手再
掩著耳仔。
接下黎既一秒，我覺得係我一生中最漫長既一秒，我心跳都停頓埋。
因為呢一秒，將會決定我既生死......
「老公，個隻咩黎架？我地撞死佢啦！」
「點知姐，佢乸埋一舊。我想架？拿，佢依家走啦！即係冇事啦！」
係呀，隻爬爬叫完一聲之後，怒睥左我一下，就好高速咁向屋邨既相反方
向走左。
「喂，隻野都冇事咯，我地都走啦！」
「全部唔準郁！！」正當對夫婦想開車走人個陣，離遠一把熟悉既聲音，
透過大喇叭傳過黎。
離遠見到閃著紅藍光既三部車，高速衝返黎我呢面。
同時，我見到部黑色私家車，同劉SIR擦身而過！
「劉SIR個犯係個到呀！」我記返起，應該就係岩先捉左阿May個部車。
而個部車點解依家先走，我已經冇理，只係拚盡力大嗌。
跟手一架GTR以好精準既飄移入彎，轉入黎接著迅速剎停，泊左係我身
前一吋位置。
「冇事嗎？」今次真係劉SIR啦！
「個犯呀！你聽唔到咩？岩先個部黑色車呀！」
「屌，我咁大聲都要用喇叭，你認為頭先我地聽到咩？」劉SIR落車，一
手就揪起左我呢個傷者，扶我到燈柱下面。
「o靚仔，記唔記得架車車牌號碼？」
「唔記得呀......好似咩RX......0......」
「算啦，睇你真係唔記得架啦！陳仔！」劉SIR叫到其中一隊人馬，即刻
追捕架黑色車，然後返車上搵消毒藥水同膠布比我。
我係到同自己消毒既同時，劉SIR一班伙計已經開始做野。
截停左頭先對夫婦，要佢地落車錄口供。又搵到停車場位大叔，問下佢案
發既經過。
詳細內容係點，我無權知道。
我只知道既係，朝頭早之前，我都唔可以離開劉SIR身邊。因為我一離開
佢，我就有生命危險架啦！
2015年5月2日，凌晨2點05分。某公屋屋邨，邨內商場。
「劉SIR，我地跟甩左部車呀！」錄完口供後，再過多十分鐘，劉SIR追
車班伙計返到黎。
「打上大台，搵路政處交CCTV未？」
「打左啦，佢地話要Ｄ時間......」
「屌！」聽到消息，劉SIR興過火屎，忍唔著一腳轟落自己架戰驅到。
「呃......劉SIR，唔介意既話，依家可唔可以送我返屋企先呢？我聽日......
仲要返工。」
見到個場面咁僵，但又醒起香港地返工，遲到係無藉口呢個問題，我都要
厚著臉皮，請劉SIR護送我返歸。
「好，行唔行到？」劉SIR點著支煙，扶起我。
「行到既，唔該哂......」
入到升降機，我受唔著Ｄ冷場面，馬上又搵Ｄ野講下。
「呀......劉SIR，頭先單野點處置？」
「冇咩既，個兩夫婦我Ｄ伙計幫佢地洗腦，話有野生野豬亂沖出馬路。」
「佢地......信咩？」
「男司機就飲左Ｄ酒既，如果佢地死命話見到怪物咯，咪『叉廚』佢醉駕
囉！」劉SIR呼左口煙，令我眼前白霧一片。
「哇！咳咳......咁都得？」
「有Ｄ時候，點都要用到Ｄ唔正當手段。為既係咩？都係保著香港治安繁
榮姐！」我冇野好講。
叮噹──
劉SIR陪到我去到屋企門口，笑著咁講：「喂，o靚仔，洗唔洗陪埋你入屋
訓教呀？」
「你都痴既！我又唔係基佬！況且，驚隻爬爬潛入我屋企咩？」
我話一講完，我打開左度門。屋內依舊保持深夜既寧靜同黑暗。
然而，一踏入門口，感覺到一點一滴既液體滴落我頭上。好奇心推使下，
我摸一摸去......係半透明既液體！
仆街！開口中！！
「劉SIR！救我呀！」我大嗌個一刻，個人即時退出屋外。可惜，被隻裸
女蜈蚣最前個雙手捉返入屋！
依呀呀！！！！！！！！！！！！！！
我比佢達左落地，岩轉返正身個陣，雙手雙腳已經被佢捉實哂！
「劉SIR，你係邊到呀？救我呀！！！！」
十萬火急，劉SIR仲未比得切反應，隻爬爬掹大佢個死人口咬埋黎！
屌你老尾！！！！
我唔理得咁多，雙手拚命掙脫，然後頂著佢既上下顎！
隻野咬唔到我，轉為用雙手叉著我頸，想叉死我再食咁！
緊係唔比佢得程！
「咁大個口......都食唔到我......我幫你......再掹大去啦！」我用盡我畢力打丁
之力，雙手分別上下發力，一野將裸女蜈蚣爬爬個口，上下撕開！
撕開個爬爬個嘴同時，血柱橫飛，直射落我臉到。
頓時，被血液染蓋到眼前鮮紅既我，終於見返劉SIR。而佢手上揸住支槍，
睇黎佢及時救到我啦！
砰──砰──砰──砰──砰──砰──砰──砰──砰──
「劉......點解.....」係我想叫佢既一刻，劉SIR竟然舉高手槍，對著仲爬係
我身既裸女蜈蚣，係咁狂開槍！
鮮紅底下，我望到佢眼神充滿厭惡。完全無理過我既生死！
我身體感覺到，所謂萬箭穿心既痛......慢慢，就眼前一黑。
(to be continued...)