《易容師》: 第十六章-逍遙法外
2015年5月8日，晚上9點13分。深水埗，某舊式大樓。
「嘔......嘔......嘔......」
「點呀？未死得呀o靚仔？」
大家好，如果想繼續睇劉SIR版既《頭Ｄ》既話呢，唔好意思，因為上集
尾我嗌完個到，我經已暈左啦！
到我醒返個陣，我已經身處左係呢棟大廈到，成功甩左班獄警。
「劉SIR，我地依家係邊呢？仲有可唔可以話我知，點解熊教授要逃獄？
點解又要簡正我做肉參先？」
「得啦得啦！我都知你有好多問題，我會一一解答既！」劉SIR又循例點
起左支煙，呼左口氣，開始佢既精簡既講述。
首先，熊教授其實被捕後既一日，精神狀況已經調整好。
只係時間推返，被捕後既同一日下午，佢收到一個匿名信件，入面有著幾
張程小芳同熊教授既親密照片。
一共十三張相，同一張紙條。
而熊教授發現到，每張相既右下角，都有一個英文字母，依次序排列係：
E、H、H、I、K、N、O、R、T、T、T、U及W。
「點解呀？」我相信大家都想知，我都唔浪費時間。
教授解答，經佢兩日兩夜不眠不休，終於知道成功將堆英文字母，拼湊成
最完整、最可信既訊息：I KNOW THE TRUTH。 (我知道事情的真相。)
由此可見，真相根本仲未正式解開，真正既犯人仲係逍遙法外！
到底係邊個？聽到呢到，我覺得到我地所有人，好似棋盤入面既棋子，任
人擺佈。
另外紙條上，寫有好簡單一句中文字：「五天時間，重見天日」。
就係咁，熊教授決定聯絡左劉SIR。
劉SIR認為事關重大，必須盡快解決。好可惜，劉SIR既上司唔認同，認
為此事已經完滿結束。
真係一個政府養百樣人，劉SIR係差佬，佢老頂又係差佬，點解一個肯盡
力搵出真相，另一個就求其交數就算？諗唔透！
面對著上司既打壓，劉SIR自下決定，密謀借越獄一事，放走教授。好比
教授有時間搵到證據，證明自己係清白。
問題就黎了，點解要搵中我？
因為我係見證案件結尾，同時又係毫無戰鬥力既人。如果要交戲，我就係
最好不過，比教授藉口見面，實為脅持逃亡既肉參。
唉！巴絲們，真心係到勸勉大家，得閒學下功夫或者防身術之類。唔係
下場就係好似我咁，唔係比怪物追殺，就比人當肉參交戲！
「我依家唔要咩唔平凡生活啦！小毒撚我知錯啦！放過我啦，劉SIR！比
我返屋企，我想訓教呀！」
「岩先仲未訓夠咩？開工啦！」劉SIR一口含著半支煙，一手掉左Ｄ資料
比我。
「大佬，開咩工呀？我冇收納稅人既錢架啵！」我將Ｄ File掃左落地，同
時感覺到頭上有點兒冰冷。
係呀，冇估錯呀！係支槍，又係劉SIR拔槍「請求」呀！
「To be, or not to be？」
「be！be！be！」咇你阿母呀！
「咁你都要話我知，我依家應該要做Ｄ咩架？」
「翻查芳芳兩姐妹，係香港曾經去過既地方。」熊教授一邊揭資料，一邊
係到講解：「真正既犯人寄左封信件比我，目的就係要我五日內逃出監獄，然之
後搵佢。所以，我地依家可以做既，就只係盡力去估，犯人約我地既地方，到
底係邊一到。」
「好老實講，呢幾日我已經從Ｄ線人方面收料，但係一係唔收，一收就好
多。根本唔知道，邊個地方點係犯人身處既地點。」
劉SIR呼左口煙，一手將煙頭彈左落鏡子到。煙頭撞到反彈，掉入左教授
放係鏡台前個杯茶到。
「Shit！鏡......水......」
「Sor.....Sorry呀，教授！」
「唔係怪你，我只係諗.....預期咁冇目的查，點解我地唔解開左，芳芳死前
口唸個句詩詞先呢？」
「水城裡，花中空，之鏡月？」
「o靚仔你又記得既？」
「大佬，咁撚恐怖既野，唔記得就假啦！」我講完，先察覺劉SIR臉色有
變。呢個毛聞，我先醒起自己又講錯野：「SOR，教授，我冇心......」
「算啦，芳芳既事已成事實......做野啦。」
之後，我地各自係張枱上寫上句詩詞。
但係過左成個鐘，我都依然未解到段詩詞背後既祕密。
「屌，點估姐！又水又花，水性陽花呀？」估到我都發皮四！
「唔......會唔會係咁呢？」呢個時候，劉SIR將段詩詞分開三行咁寫：
水城裡
花中空
之鏡月
「就算係咁樣，除左由左上角讀到右下角，得出『水中月』呢句，較為
合理之外。其他都詞不達......」
「咪住！」我未講完，熊教授忽然叫停左我：「經汪震你剛才所講，或者
我知道可以點解開呢個謎底。」
教授講完，用左支筆，以字為點，盡左一個圖案出黎，次序如下：
９５７
８１３
４６２
「中月空......之城鏡......裡花水？」劉SIR慢慢咁讀出黎。
「熊教授，都唔通順啵！」
「汪震，你試下從我畫既第六點開始讀。」
「鏡裡花......水中月......空之城......鏡裡花，水中月，空之城？」
「教授，點解會咁既？」劉SIR同我一樣，好驚奇點解。
「呢個謎題，藏有術數當中既『九子飛星』。」
「術數？」
「獨孤九劍就聽過啦！九支飛星，咩黎架？」
「係九子飛星呀，毒撚。」劉SIR你洗唔洗咁串我呀？搞下氣氛姐！
「九子飛星，又名九宮飛星。詳情唔多講，係比較現代術數中，風水常用
既技能。我都係半年前，上過一Ｄ風水班學返黎。當中，點解會係咁解詩詞，
我只可以話你知，九宮飛星係5入中宮。所以，係岩先既謎題到，我只不過係
將1轉為5，2轉為6，如此類推。」
「係啵！但......咁我地點知呢個咩地方？」
「睇黎，解謎既野要停一停啦！」劉SIR咁講，我同熊教授奇怪左下。
劉SIR輕輕揭開窗簾，我地隱約見到出面紅藍光交叉閃爍，唔洗問高登，
係警方搵到黎啦！
2015年5月8日，晚上10點41分。深水埗，某舊式大樓外，馬路對出。
唔！唔───
GTR破閘而出，劉SIR踩盡油門係咁衝，我地成功衝出被重重包圍既大廈
樓下！
可惜唔洗一分鐘，我地已經見到前面有路障！
明顯警方今次準備充足，劉SIR嘆左口氣，及時收油。
「入面既人，舉高雙手，馬上落車！」面對十幾支炮隊埋黎，我同劉SIR
點都要落車架啦！
冇錯，車上面，只係得我同劉SIR。
一眾警員用著好驚訝既表情，望著我。
「Call 0總台！紅衫個個唔係犯人......犯人同肉參換左衫逃走左啦！」
係呀，我換左教授套衫。
而教授去左邊？緊係去左謎底個個地方啦～
邊到？下章分解！
(to be continued...)