「阿天,你搞乜鬼呀!放走個犯?」一個似係劉SIR既上司,從人群之中
鑽左出黎,係咁鬧劉SIR。
  「阿頭,我之前都講左,熊教授可能係無辜架!」
  「可能?即係唔肯定啦!咁你仲放佢走?再出事既話點算?我點同一哥交
待呀?」
  「交待?」劉SIR放低雙手,走近佢老頂:「依家我地警察做野,係唔係只
需要要上面交待就OK!?如果熊教授唔係真正個犯,香港市民既生命,隨時都
有危險呀SIR!」個上司好似比劉SIR既霸氣拋窒左咁,退後左步。
  「你依家即係『叉撚廚』我啦?」個位老頂深左啖氣,鼓舞自己咁樣。


  「我大聲,唔代表我冇禮貌。何況學堂到都係教我地,同阿SIR講野,一
定要清楚明白。我依家只不過係以事論事姐,SIR!我並無任何惡意,或者針
對上司既意思!」

  咪話我話,如果全港警察都係劉SIR咁,實事求事既人,洗鬼有咁多警民
衝突咩?
 
  「好呀,劉孝天......依家我以上司權限,有理由懷疑你同疑犯合謀。當下,
你需要即時停職扣查!」
  「你老......」


  「劉SIR冷靜呀!」見到劉SIR想爆粗屌佢前上司,緊係死命阻止佢啦!
大佬呀,香港唔可以少左佢D咁既好警察架!
  更何況,你唔可以搶我對白架!
 


  唔!唔!唔───
 




  「老頂!個個人穿著肉參件衫架!」就係我地同警方嘈到拆天個陣,一部
電單車火速咁係大廈飆左出黎!
  「係個犯呀!」個老頂見到咁既情況,即時指揮大隊:「陳仔留係到睇著阿
天,其餘人同我去追!」
  講完,位老頂就同成隊伙計上左車,響哂警號,帶隊追捕架電單車。
 
  就係成班人離開個陣,劉SIR拍檔上前:「劉SIR,唔好意思呀,要你跟我
地返一返去協助調查。」
  「陳仔,我依家唔係阿SIR啦!更何況,我唔好意思就真。」
  「吓?我唔明啵?」
  「o靚仔,依家點呀?」劉SIR無理到陳仔,反而同我講野。
  「大隊人馬已經離開到好遠LU~」
  「Good!」一講完,劉SIR以佢熟練推人既功夫,一野將陳仔推到撞去其
他伙計到。
  同時間,我早已準備,應時衝返入GTR到。




 
  叩咯!唔!唔──
 


  「陳仔,唔好意思啦!」劉SIR火速達著GTR,調頭轉入小路,往連翔道
方向駛去!
  可能你地又會問,做咩唔幫下教授手?
  乜我有話到,電單車上面既係熊教授咩?
  唔明?馬上為大家解說!
 
  大約十分鐘之前,機警既劉SIR及時發現到我地比警方重重包圍。
  由於真相仲未解開,樓下班差佬明顯同劉SIR立場唔同,只係為左交數捉


人。緊係死都唔交出熊教授出去啦,害死佢同香港市民咩?

  就係呢個毛聞,劉SIR提出「調虎離山之計」!
  點調?首先要我換上熊教授引人注目既紅色冷衫,而熊教授換上其他既衣
服。然後我地係附近單位,用600蚊請個識揸電單車既鄰居做林記,要佢換上
我既衫。
  之後點?唔洗再點解釋掛?就係要位鄰居,係我同劉SIR被截停個陣,揸
著電單車死命咁飆。只要時間拖得愈耐,之後打返比劉SIR,就可以獲得多600
蚊雞。
  諗起真係抵,點解呢個角色唔係我自己做?就咁揸下車賺千二銀。比警察
兜到都吹佢唔脹,太唔公平啦!
 
  「呀......你估教授走左未?」我係咁整下件紅色冷衫,心諗:照咁情況發展
落去,我個夢境就唔會再發生啦?教授即係唔係犯人啦?
  「頭先架電單車飆出黎個陣,我見到後門有架的士駛出。應該係熊教授,睇


準時機逃脫左。」
  「咁我地依家去邊集合?」
  「仲記唔記得句詩?」劉SIR反問我。
 
  我拎出頭先抄底左既紙仔讀:「鏡裡花,水中月,空之城。咁即係邊呢?」
  「熊教授咁聰明,又上得的士,我諗佢應該估到。而我......」
  「我咩姐!估唔到咪認左去囉,打個電話比教授問下咪知。」
  「我想話,我都估到啦!死o靚仔!你依家自己諗,哼!」
 
  咁小氣都有既!
  過左10分鐘之後,我睇著劉SIR好似去緊西隧,然後我就茅塞頓開。
  「鏡裡花,實為香。水中月,在於港。空之城......即係堅尼地城(堅離地
城)!?」
  「唔~唔~」劉SIR好風騷咁點一點頭。
  「會唔會係咁呀?」我嚇到變左米奇聲!你老尾,好謎底好爛囉!係爛


GAG個爛呀!搞咁多野,咩飛星咩詩詞,最後同我玩爛GAG?尊唔尊重我既
智商呀?毒撚好恰呀?
 
 
  「但係堅尼地城都好大下架啵!個犯係進擊的巨人咩?」
  「呢層我都諗過......但係要係隱閉,又要荒廢,係香港堅尼地城就有一個
地方。」
  「邊到呀?」
  劉SIR冇直接答我,只係拎起左手機,提向我面前,單手繼續揸車。
  手機熒光幕上顯示緊Whatsapp「Dr.熊:防空洞(笑哈哈)」。
  屌你老尾,知真相咪直接講囉!洗唔洗一個Chok哂樣,一個賴勁Seed訊
息,仲要有表情!你知唔知好Hehe,好撩皮囉!
 
  2015年5月8日,10點53分。香港堅尼地城,卑路乍街防空洞前。
 
  唔洗多一陣間,我地已經黎到,岩先熊教授告我地知既地點。
  眼前鐵絲網既後面度四四方方既門,正正就係防空洞入口。
  劉SIR發現,上面有D手印,而地上有一D鐵枝木板。推斷到本應早就封
左既防空洞,應該早被人打開左。
 
  「教授呢?咁耐既?」我同劉SIR係防空洞門口等左半個鐘,得到將近十
一點半,都係唔見教授蹤影。
  「莫非......」劉SIR再度沉思,而我望著殘舊既防空洞門口,內心又泛起莫
名其妙既不安。
 
  「我自己入去啦!」劉SIR拎出手槍,爬過鐵絲網,走到防空洞門前。
  「唔得!我自己一個,有怪物出現點算?」基於自身安全理由,我都好型
咁爬鐵絲網......雞手鴨腳咁跌左落去。
  「o靚仔,你又冇武器,又唔確實熊教授係咪......唉!」劉SIR拎左支胡椒
噴霧出黎:「拎著!有咩危險,應付唔到既記得走先!聽到未?」
  「哦......」就係咁,由劉SIR帶頭,拎著支電筒仔,兩個人開始進入防空洞
入面。
 
  岩入到去,就有一條見唔到底既樓梯。如果唔係劉SIR手上有電筒,一開波
我地早就仆死。
  落到底個陣,我地發現到一支筆。我印象記得,應該係屬於熊教授。
  既然支筆係到,咁係咪更加證實,教授佢自己已經入左黎呢?而佢竟然係
咪真正既犯人呢?
  如果唔係,點解又唔等埋我地?
  一切既謎團,就好似我地眼見既黑暗長巷一樣,深不可測、危機四伏咁。
然而,我地相信,真相就係呢到既盡頭

                           (to be continued...)