回到初戀時: EP25

偉明子妮兩人，這時走到沙灘另一邊較少人的地方，

同一時間，可兒已找到盧旺達他們……

偉明支支吾吾地說:

[子妮……究竟……你想……想同我講乜？]

子妮直接了當地說:





[其實……我估你都Feel到我係鐘意你！]

偉明裝作不知情地說:

[大家咁熟！咪……玩啦！]

子妮紅着臉認真地說:

[我……冇玩！我好認真㗎！你聽埋我講先……我……我呢刻唔講出嚟，我唔知幾時再有勇氣講……你……你知唔知其實由我第一日開學見到你……我就已經對你有好感！我唔知點解會有呢種感覺，但係我只係知呢種感覺愈來愈強烈……]





[你知唔知暗戀一個人有幾咁辛苦同難受？]

[後嚟……我好失望，因為俾我知道原來你有意中人，而呢個人居然就係我地嗰班嘅可兒！你知唔知自從我知道呢件事之後我幾咁難過？我傻到曾經有一段時間好憎陳可兒呢個人……但係後嚟我知根本唔關佢事……]

[仲有，你仲記唔記得嗰次你約我係音樂室？我傻到以為我同你有機會發展！點知最後居然俾我見到你同陳可兒示愛……我嗰刻個心真係好難受……]

偉明點頭說:

[原來嗰日真係你！]





[之後嗰日我就自己一個人慢無目的係條街四圍行，點知中途遇到一個變態佬，佢……佢]這時子妮情不自禁流下兩行淚水。

偉明緊張地說:

[咩……咩話？你有冇事？個變態佬做乜嘢？？]

子妮淚帶梨花地說:

[我嗰日唔知點解神不守舍咁，被佢推左入一個無人嘅後巷度……跟住……跟住]

偉明這時緊張地捉著子妮雙手說:

[跟住點呀？你唔好嚇我？你……你有冇俾個變態佬搞呀？]

這時子妮兩行淚水不自覺一滴一滴跌在地上……





[佢……除……除左條褲……要我用手摸佢條毛毛蟲……]

偉明此時憤怒地說:

[咩……咩話！個賤人……咁跟住呢？你有冇……]

子妮害羞地說:

[嗰陣我出盡全力……]

偉明雙手抱着頭呻吟說:

[出……盡……全……力…………]





子妮害羞地續說:

[係……出盡全力一腳踢落佢條毛毛蟲度……之後我大喊叫救命，好好彩嗰時有兩個差人經過，將條變態佬拉左！]

偉明如釋重負呼了一口氣:

[嚇死我啦……我幾驚……幾驚你有事呀！]

子妮低著頭害羞地說:

[我又唔係你邊個！擔心嚟做乜？偉明……雖然你呢一刻唔鍾意我！不過我話你聽，你都唔可以阻止我去愛你！我……汪子妮會等你……等你有一天會回心轉意！所以……所以呢，你同可兒唔好拗架呀！……如果唔係我一定會乘虛而入！]

偉明搖着頭說:

[子妮……我真係唔值得你為我咁做！況且今生今世我只會愛可兒一個！]





[偉明，我有一個請求！你可唔可以呢家錫我一啖？就當係我對你暗戀嘅回憶……可以嘛？]子妮紅着臉說。

[咩話？]偉明驚訝地回應。

另一邊廂，原來可兒一早在他們不遠處，靜靜地聽着他們的對話……