回到初戀時: EP26

[我只希望留個美好既回憶，呢個小小要求，唔通你真係咁忍心拒絕我？………]子妮楚楚可憐地說。

[…………]偉明一臉沉默。

過了一會兒，

[對唔住呀！子妮……我……我諗我真係做唔到！我……]偉明搖頭表示拒絕。

誰不知汪子妮這時迅速在偉明左邊臉額送上一個香吻……





[子妮……你……]偉明一臉尷尬。

[偉明！你同我聽住！我汪子妮好愛好愛……你錢偉明！雖然我知你有女朋友……而且仲係比我靚少少咁多嘅陳可兒，但係我會一直等你……直至天！荒！地！老！嗱……呢一蚊銀你同我收起佢先……]子妮鬼馬地說。

[你俾一蚊我做乜？]偉明一臉好奇。

[跟機呀！！你冇偷入過機舖咩？我呢家就擺底呢個一蚊係你心裡度跟機！我相信你冇咁勁一次打爆機掛？就算真係打爆，下一個都會輪到我……嘻嘻……]子妮天真地笑著說。

[傻瓜！你好傻呀……]偉明緊握手上的一蚊銀。





[現階段我地係好朋友……走啦……我估你女朋友仔都差唔多到啦……係呀！你一陣唔好重色輕友燒唒D野食俾可兒呀！你要記住……仲有我呢個老友呀！知唔知？]子妮笑著說。

另一邊，可兒迅速回到燒烤場……

盧旺達:

[係呢……可兒，你揾唔揾度明仔同子妮呀？張柔都嚟左啦……呢家仲差肥賓一個咋！]

可兒含糊地說:





[冇呀……揾唔度呀！係呀？咁我地起左個爐先，有乜野要幫手？]

張柔這時搶着說:

[唔使啦……你係女仔！呢D野留返俾我地男仔做就得啦……你坐定定就Okay……]

陳輝揚笑著說:

[冇錯……不過一陣可兒你同子妮係咁椅……燒多D野慰勞我地就ok啦……]

[當然冇問題！係呢……張柔！其實我想問點解你爹D媽咪會改到你個名咁女仔嘅？]可兒親切地笑著。

[佢地話我八字生得太強太硬，揾左個風水師同我改名……叫張單字一個“柔”如果唔係會剋全家喎……]張柔苦笑。

[係真唔係真呀？咁邪？我就唔係好信啦……]陳輝揚一臉疑惑。





[有D野唔到你唔信架……唔係有句咩野“寧可信其有，不可信其無咩”？]黃國賓拍一拍輝揚左邊肩頭。

[衰仔，你終於蒲頭啦？你唔好晏D到！]輝揚打了肥賓額頭一下。

[Sorry囉……我唔知醒呀！尋晚掛住打機戰……]肥賓吐一吐舌頭。

這時偉明和子妮同時來到……

[喂……你地頭先去左邊？我揾極都揾唔度你地嘅？]可兒隨口說。

[頭先……我……]偉明支支吾吾。

[哦……我頭先急住要去廁所，可兒你知啦，一個人我驚架，所以借你男友一用，叫佢係廁所外面陪我……]子妮輕描淡寫回應著。





[哦……原來係咁！話時話我都想去……偉明，麻煩你陪我去多次……]可兒拖著偉明左手說。

[冇問題……我地行啦……]偉明尷尷尬尬地回應。