我,愛上了一個不可擁有的女孩: 六
"喂, 你幾時生日架?"呀晴問我.
"我?, 9月29日囉, 做咩?"
"哦... 冇問下啫."
"你呢?"
"我1月29囉."
"頂你丫, 大我八個月, 仲要咁細粒."
"係咪唔滿意丫?"
"唔係, 咁更顯得你好可愛啫."
"口花花丫你."
"咩喎, 有冇生日禮物先?"
"咩生日禮物?"
'我生日嗰份呀:P"
"下? 你生日過左兩個月喇, 冇丫, 太遲."
"咁都有架."
"咁我呢? 我要生日禮物丫."
"考慮下啦."
"咁都要考慮?!"
"係嘅係嘅, 你想要咩呢? 大小姐."
"諗下先."
"車."
就係咁我同佢一齊坐左三個月, 考完試, 就到左另一個調位嘅季節. 今次, 我同呀晴分開左好遠, 佢坐第一行第二個位, 我就坐第八行第4個位. 而我隔離坐嘅, 係一個超級超級成熟嘅一個女仔, 樣都OK嘅, 佢仲要係我地班嘅女仔. 但係好好彩, 前面坐左個爆輝, 至少唔會悶到7彩.
上緊中文堂....
"喂希仔, 尋日有冇睇LOL ALL STAR?"
"冇喎, 尋日一返到屋企就瞓到隻豬咁, 做咩?"
"有一個PLAY呢....."
"你地可唔可以專心上堂呢?" 女班長一野車左句咁嘅樣埋黎.
"我傾計關你咩事呢?" 爆輝一D都唔執輸.
"好心你地啦, 日日都打機, 打機對你地有用咩? 好好地讀書拉, 回饋社會."
"屌你丫, 你唔記得左食藥呀, 講野成個大人咁."
"唉, 你地再傾我同老師講架喇."
"屌, 你係咪有精神分裂架, 而家成個小學雞咁."
"王老師, 陳文輝同王柏希不停傾計, 好騷擾我上堂."
"咁陳文輝同王柏希兩個罸企啦."
"丫你......你好嘢呀...." 我指住佢.
放學, 呀晴一野就沖左去我個位.
"喂, 放學有冇野做?" 呀晴問我.
"冇呀, 不過你想點先, 講明先, 我唔賣身架."
"你都傻架, 冇我放學之後要練琴, 想你護送本大小姐去學琴啫."
"有冇貼士架先?"
"一句到尾, 送唔送先?"
"送送送...."
"好啦, 仲有10分鐘時間, 做咩好呢?"
"10分鐘?"
"係丫, 我5點先學琴."
"下....."
"係咪有不滿丫?"
"冇冇冇...."
"係呢, 調左位, 冇左我係咪好悶呢?"
"唉...唔好再提...."
"使唔使咁灰呀....係喎你啱啱中文堂俾人罸企..."
"咪係囉, 佢都有病架."
"咁我地平時咪少左好多時間傾計囉...電話號碼!!!!!"
"下..你想點..."
"抄你牌呀嘈."
"哦.....98027012."
"好啦~抄低左LOO, 閃水! 去學琴!!!"
"係係係..."
係沿路, 我見到爆輝, 佢指住我同呀晴, 唇語係到講
"死仔丫, 重色輕友."
我用唇回返佢,"送個SKIN俾你, 同我收嗲"
話咁快, 我同呀晴就行到左佢間琴行.
"送到呢到得啦, 多謝你"
"唔使:)"
"學完琴WHATSAPP你啦."
"嗯, 88"
"88"
係呢一刻我可以好肯定一件事.
我鍾意左呢個女仔.